2011-05-26ko prentsa-oharra
Euskal AEko azalera handietako salmentak %0,4 gehitu ziren 2011ko apirilean
Elikagaiek urte arteko %0,5eko igoera izan zuten eta gainerako produktuek %0,4koa
Eustatek landutako datuen arabera, lan-egutegiko baldintza homogeneoetan, 2011ko apirilean %0,4ko urte arteko igoera nominala izan zuten Euskal AEko azalera handietako salmentak. Elikagaietan %0,5eko urte arteko igoera nominala izan zen salmentetan, eta gainerako produktuenetan %0,4koa.
Araban, urte artean, %2,5 igo dira salmentak nominalki; Bizkaian %0,3 jaitsi eta Gipuzkoan %0,7 igo.
Aurreko hilaren, 2011ko martxoaren aldean, Euskal AE osoan salmentak %5,0 igo dira nominalki, urtaro-eraginak kenduta. Elikagaiek %0,2ko hil arteko igoera izan zuten salmentetan eta gainerako produktuek %7,7koa.
Martxoaren aldean, Araban %3,2ko igoera dago, %5,0koa Bizkaian eta %5,1ekoa Gipuzkoan.
Termino finkoetan, Euskal AEko azalera handietako salmentak %3,4 murriztu dira urte artean; aurreko hilaren aldean %4,8 igo
2010eko apirilaren aldean elikagaien salmentak %3,3 jaitsi ziren eta gainerako produktuenak %3,4, euro finkoetan. Lurralde guztietan izan dira jaitsierak. Bizkaian %4,0ko jaitsiera, Gipuzkoan %3,1ekoa, Araban %1,3koa, termino finkoetan.
Elikagaien salmentak, prezioen eragina deskontaturik, %0,1 jaitsi dira 2011ko martxoaren aldean eta gainerako produktuenak %7,4 igo.
Araban %2,9ko igoera, Bizkaian %4,7koa, Gipuzkoan %5,0koa, termino errealetan.
Euskal AEko azalera handietako establezimenduetako enplegatuak %0,7 ugaritu ziren 2010eko apirilean martxoaren aldean; igoera hiru lurraldeetan gertatu zen. Araban %1,4, Bizkaian %0,5, Gipuzkoan %0,9.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua