2011-04-27ko prentsa-oharra
Euskal AEko azalera handietako salmentak % 12,3 jaitsi dira 2011ko martxoan
Elikagaien salmentek % 6,1 egin dute behera urte batetik bestera eta gainerako produktuen salmentek % 15,8
Eustaten datuen arabera, eta lan-egutegi homogeneoari dagokionez, Euskal AEko merkataritzako azalera handietako salmentek urtetik urtera % 12,3ko beherakada nominala izan dute 2011ko martxoan. Elikagaien salmentek % 6,1eko beherakada nominala izan dute urte batetik bestera; baina gainerakoek % 15,8 egin dute behera.
Lurraldeka, Araban eman da salmenten beherapen nominal handiena urte batetik bestera, % 9,4koa; Bizkaian % 13,4 egin dute behera salmentek eta Gipuzkoan % 11,6.
Aurreko hilabetearekin (2011ko otsaila) alderatuta, eta estazionalitate-ondorioak zuzendu ostean, Euskal AE osoko salmentek % 4,3 egin dute behera balio nominaletan. Elikagaien salmentak aurreko hilabetearen aldean % 2,0 jaitsi dira, eta gainerako produktuen salmentek aldaketa negatiboa izan dute: % 5,5 egin dute behera.
Lurraldeka, eta otsailarekin alderatuta, hiru lurraldeetan eman dira beherapenak: Araban % 3,1 jaitsi da, Bizkaian % 4,5 eta Gipuzkoan % 4,4.
Balio konstantetan, Euskal AEko azalera handietako salmentek % 15,5 egin dute behera urte batetik bestera, eta aurreko hilabetearen aldean % 4,6 egin dute behera
2010eko martxoarekin alderatuta, elikagaien salmentek % 9,1 egin dute behera eta gainerako produktuen salmentek % 18,9 egin dute behera, euro konstantetan. Lurraldeen bilakaera aztertu ostean ikusi da guztietan eman dela beherakada. Bizkaian % 16,5 jaitsi da, Gipuzkoan % 15,0 eta Araban % 12,7, balio konstantetan.
Aurreko hilabetearekin (2011ko otsailarekin) konparatuta, eta prezioen eragina alde batera utzi ostean, elikagaien salmentek % 2,2 egin dute behera eta gainerako produktuen salmentek % 5,8.
Lurralde bakoitzean datu ezberdinak eman dira balio errealetan: Araban % 3,5eko beherapena eman da, eta Bizkaian eta Gipuzkoan % 4,8.
Azalera handietako establezimenduetan lan egin duen pertsona kopurua % 0,5 txikitu da 2011ko martxoan, urte bereko otsailaren aldean (desestazionalizatu ostean). Aldaketa hori negatiboa izan da Bizkaian eta Gipuzkoan (% 0,6 eta % 0,8 jaitsi baita datu hori hurrenez hurren); baina Araban igo egin da (0,3).
Argibide gehiago:
Euskal Estatistika Erakundea
Donostia-San Sebastián, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helb. elek.: eustat@eustat.eus
Harremanetan jartzeko pertsona: Gerardo Pérez Aja
Tel.: +34-945-01 75 06 Faxa: +34-945-01 75 01.
Euskal AEko Azalera handietako merkataritzaren indizea (AHMI) buruzko prentsa-ohar gehiagoEuskal AEko Azalera handietako merkataritzaren indizea gaineko datu-bankua