2011-09-28ko prentsa-oharra
Euskal AEko azalera handietako salmentek %1,1 egin dute behera 2011ko abuztuan
Elikagaien salmentek %1,5 egin dute gora urte batetik bestera, eta gainerako produktuen salmentek % 2,4 egin dute behera
Eustaten datuen arabera, eta lan-egutegi homogeneoari dagokionez, Euskal AEko merkataritzako azalera handietako salmentek urtetik urtera %1,1eko beherakada nominala izan dute 2011ko abuztuan. Elikagaien salmentek %1,5eko gorakada nominala izan dute urte batetik bestera; baina gainerakoek %2,4 egin dute behera.
Lurraldeka, Araban eman da salmenten beherapen nominal handiena urte batetik bestera, %1,5ekoa; Bizkaian %0,7 egin dute behera salmentek eta Gipuzkoan %1,6.
Aurreko hilabetearekin (2011ko uztaila) alderatuta, eta estazionalitate-ondorioak zuzendu ostean, Euskal AE osoko salmentek %0,2 egin dute behera balio nominaletan. Elikagaien salmentak aurreko hilabetearen aldean %0,4 jaitsi dira, eta gainerako produktuen salmentek aldaketa negatiboa izan dute: %0,1 egin dute behera.
Lurraldeka, eta uztailarekin alderatuta, Arabako salmentek %1,8 egin dute gora; Gipuzkoakoak berdin geratu dira (%0,0) eta Bizkaikoek % 0,8 egin dute behera.
Balio konstantetan, Euskal AEko azalera handietako salmentek %4,0 egin dute behera urte batetik bestera, eta aurreko hilabetearen aldean %0,2 egin dute behera
2010eko abuztuarekin alderatuta, elikagaien salmentek %1,4 egin dute behera eta gainerako produktuenek %5,2 egin dute behera, euro konstantetan. Lurraldeen bilakaera aztertu ostean ikusi da guztietan eman dela beherakada. Araban eta Gipuzkoan %4,4 egin dute behera (bietan) eta Bizkaian %3,6, balio konstanteetan betiere.
Aurreko hilabetearekin (2011ko uztailarekin) konparatuta, eta prezioen eragina alde batera utzi ostean, elikagaien salmentek %0,3 egin dute behera eta gainerako produktuen salmentek %0,1.
Lurraldeka, eta balio errealak aintzat hartuta, Araban %1,7 egin dute gora; Gipuzkoan aurreko datuak errepikatu dira (%0,0), eta Bizkaian %0,8 egin dute behera.
Azalera handietako establezimenduetan lan egin duen pertsona kopurua %0,6 txikitu da 2011ko abuztuan, 2011ko uztailaren aldean (desestazionalizatu ostean). Aldaketa hori positiboa izan da Araban (%1,2ko hazkundea); baina Bizkaian eta Gipuzkoan beherapenak izan dira (%0,1 eta %2,4, hurrenez hurren).
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel: +34-945-01 75 00 Fax:+34-945-01 75 01 E-mail: eustat@eustat.eus
Harremanetarako pertsona: Gerardo Pérez Aja
Tel:+34-945-01 75 06 Fax:+34-945-01 75 01
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua