2011/11/28ko prentsa-oharra
Euskal AEko azalera handietako salmentak % 3,5 jaitsi dira 2011ko urrian
Elikagaien salmentek % 3,3 egin dute gora urtetik urtera eta gainerako produktuen salmenta % 7,1 jaitsi da
Euskal AEko azalera handietako salmentak: Eustaten datuen arabera, eta lan-egutegi homogeneoari dagokionez, Euskal AEko merkataritzako azalera handietako salmentek urtetik urtera % 3,5eko beherakada nominala izan dute 2011ko urrian. Elikagaien salmentek % 3,3ko gorakada nominala izan dute urte batetik bestera, eta gainerako produktuek % 7,1 egin dute behera.
Lurraldeen arabera, Araban urtetik urtera salmentek % 4,9ko beherakada nominala izan dute, eta % 4,4koa Bizkaian; Gipuzkoan beherakada % 1,0koa izan da.
Aurreko hilabetearekin (2011ko iraila) alderatuta, Euskal AE osoko salmentek % 1,8 egin dute gora balio nominaletan, estazionalitate-ondorioak zuzendu ostean. Elikagaien salmentek % 3,2 egin dute gora aurreko hilabetearekin erkatuta, eta gainerako produktuek ere aldaketa positiboa izan dute, % 1,1 ekoa.
Lurraldeen arabera eta irailarekin alderatuta, hiru lurraldeotako salmentek gora egin dute: Bizkaikoek % 2,4, Gipuzkoakoek %1,6 eta Arabakoek % 0,3 egin dute gora.
Balio konstanteetan, Euskal AEko azalera handietako salmentek % 6,6 egin dute behera urtetik urtera, eta aurreko hilabetearen aldean % 1,4 egin dute gora.
2010eko urriarekin alderatuta, elikagaien salmentek % 0,3 eta gainerako produktuenek % 9,7 egin dute behera, euro konstanteetan. Lurraldeen bilakaera aztertu ostean ikusi da guztietan eman dela beherakada. Araban beherakada % 7,9koa izan da, Bizkaian % 7,5koa eta Gipuzkoan, % 4,2koa, prezio konstanteetan.
Aurreko hilabetearekin konparatuta, eta prezioen eragina alde batera utzi ostean, elikagaien salmentek % 2,7 egin dute gora 2011ko irailarekin erkatuta, eta gainerako produktuen salmentek ere igoera izan dute, % 0,8koa.
Lurraldeka, Araban % 0,1eko beherakada jaso da eta Bizkaian % 2,0ko igoera; Gipuzkoan ere igoera gertatu da, % 1,2 egin du gora termino errealetan.
Azalera handietako establezimenduetan lan egin duten pertsonen kopurua % 0,7 gehitu da 2011ko urrian, 2011ko irailarekin alderatuta (desestazionalizatu ostean). Aldea positiboa izan da hiru lurraldeotan: Araban eta Bizkaian %0,4 hazi da bietan ere, eta Gipuzkoan % 1,6 igo da.
Argibide gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua