2012/08/09ko prentsa-oharra

EUSKADI 27-EBn 2012

Euskal AEko jaiotza-tasa 27-EBko estatuetako batez bestekoaren azpitik da

1.000 biztanleko 9,7 jaiotza; 27-EBn 10,7

Euskal AEko jaiotza-kopurua txikienetako bat da 27-EBn, Eustaten 2010eko datuen arabera. 1.000 biztanleko 9,7 jaiotza ditugu; 27-EBko batez bestekoa 10,7 da. Gure azpitik Malta (9,6), Portugal (9,5), Austria (9,4), Italia (9,3), Hungaria (9), Letonia (8,6) eta Alemania (8,3). Tasarik altuenak: Irlanda (16,5), Erresuma Batua (13) eta Frantzia (12,9). Espainian 1.000 biztanleko 10,5.

Oraingo datuak 1975ekoekin alderatuz gero azken 30 urteetako errotiko aldaketa ikusten da, orduan gurean 1.000ko 19,1 baitzen batez bestekoa. Urte hartan Espainian 18,8koa zen eta 27-EB osatzen dutenen artean adierazle hau 14,7 zen, beraz, urteen arteko (1975-2010) aldea gurean bezain nabarmena ez da, inondik ere.

Heriotzen gainean, 1975ean 1.000 biztanleko 7,1 zen gurean, 2010ean 8,9; Espainian 8,4 eta 8,3. 27-EBko datuak ikusiz gero, 1975ean 1.000ko 10,7 heriotza ziren, eta 9,7 2010ean.

Azkenik, nabarmentzekoa bada Euskal AEk zuela 2010ean 65 urte edo gehiagoko biztanleriaren portzentajerik altuena (%21,1) 27-EBko herrialde guztien artean, eta gainera 15 urte edo gutxiagoko portzentajerik txikiena (%14,6), europar batez bestekoa %15,6 delarik. Espainian %16,9 eta %14,9.

Erreferentziatzat 2000. urtea hartuz gero, Euskal AEn %17,2 ziren 65 urte edo gehiagoko pertsonak eta %12 14 urte baino gutxiagokoak; Espainian %16,8 eta %14,9.

Informazio gehiago:

Euskal Estatistika-Erakundea / Instituto Vasco de Estadística Donostia-San Sebastian kalea, 1 01010 Vitoria-Gasteiz Tel.:+34-945-01 75 00 Faxa:+34-945-01 75 01 Helbide elektronikoa: eustat@eustat.eus Harremanetarako pertsona: Manu Riveiros Tel.: +34-945-01 75 62 Faxa: +34-945-01 75 01