2012/11/27ko prentsa-oharra
Euskal AEko azalera handietako salmentak %2,0 gehitu ziren 2012ko urrian
Elikagaiek urte arteko %4,7ko igoera izan zuten salmentetan eta gainerako produktuek %0,3koa
Euskal AEko azalera handietako salmentak: Eustatek landutako datuen arabera, lan-egutegiko baldintza homogeneoetan, 2012ko urrian %2,0ko urte arteko igoera nominala izan zuten Euskal AEko azalera handietako salmentak. Elikagaietan %4,7ko urte arteko igoera nominala izan zen salmentetan, eta gainerako produktuenetan %0,3koa.
Urte artean, Araban, %3,9 igo dira salmentak nominalki, Bizkaian %0,9, Gipuzkoan %3,0.
Aurreko hilaren, 2012ko irailaren aldean, Euskal AE osoan salmentak %3,0 igo dira nominalki, urtaro-eraginak kenduta. Elikagaiek %3,5eko hil arteko igoera izan zuten salmentetan eta gainerako produktuek %2,8koa.
Irailaren aldean hiru lurraldeetan izan dira igoerak: Araban %4,3, Bizkaian %1,9 eta Gipuzkoan %4,6.
Termino finkoetan, Euskal AEko azalera handietako salmentak %1,0 gutxitu dira urte artean, eta aurreko hilaren aldean %2,2 igo.
2011ko urriaren aldean elikagaien salmentak %1,5 gehitu eta gainerako produktuenak %2,6 jaitsi dira, euro finkoetan. Bizkaian jaitsiera dago, %1,8; Gipuzkoan aldaketarik ez, %0,0; Araban %0,2 igo; dena termino finkoetan.
Elikagaien salmentak, prezioen eragina deskontaturik, %3,0 gehitu dira 2012ko irailaren aldean eta gainerako produktuenak %1,7.
Igoerak, hiru lurraldeetan: Araban %3,6, Bizkaian %1,8, Gipuzkoan %2,1, termino errealetan.
Euskal AEko azalera handietako establezimenduetako enplegatuak %0,5 gutxitu ziren 2012ko urrian irailaren aldean, desestazionalizatutako terminoetan.
Informazio gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Tel.: +34-945-01 75 00 Faxa: +34-945-01 75 01 Helbide elektronikoa: eustat@eustat.eus
Harremanetarako pertsona: Gerardo Pérez Aja
Tel.:+34-945-01 75 06 Faxa:+34-945-01 75 01
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua