2013/01/28ko prentsa-oharra
Euskal AEko azalera handietako salmentak %0,1 jaitsi ziren 2012ko abenduan
Urte osoan, azalera handietako salmentak %1,7 jaitsi ziren 2011. urtearen aldean.
Euskal AEko azalera handietako salmentak: Eustatek landutako datuen arabera, lan-egutegiko baldintza homogeneoetan, 2012ko abenduan %0,1eko urte arteko jaitsiera nominala izan zuten Euskal AEko azalera handietako salmentak. Elikagaietan %2,7ko urte arteko igoera nominala izan zen salmentetan, eta gainerako produktuenetan %1,8ko jaitsiera.
Araban %3,7ko igoera, Gipuzkoan %0,5ekoa; Bizkaian %1,5eko jaitsiera.
Aurreko hilaren, 2012ko azaroaren aldean, Euskal AE osoan salmentak %0,9 jaitsi ziren nominalki. Elikagaiek %1,0ko hil arteko jaitsiera izan zuten salmentetan eta gainerako produktuek %0,9koa.
Azaroaren aldean, salmenta guztien igoera bakarra Araban izan da, %1,7. Bizkaian %1,2 jaitsi dira eta Gipuzkoan %1,8.
Termino finkoetan, Euskal azalera handietako salmentak %2,3 murriztu dira urte artean eta %0,8 aurreko hilaren aldean
2011ko abenduaren aldean elikagaien salmentak %0,1 jaitsi ziren eta gainerako produktuenak %3,7, euro finkoetan. Araban %0,5eko igoera; Bizkaian %3,3ko jaitsiera eta Gipuzkoan %1,9koa, termino finkoetan.
Elikagaien salmentak, prezioen eragina deskontaturik, %1,1 jaitsi dira aurreko hilaren, 2012ko azaroaren aldean, eta gainerako produktuenak %0,7. Gipuzkoan %1,9ko jaitsiera, Bizkaian %0,3koa, Araban %0,7koa, termino errealetan.
2012ko abenduan, azaroaren aldean, azalera handietako langile-kopurua %0,4 hazi da termino desestazionalizatuetan.
2012 URTEKO BALANTZEA
Azalera handietako salmentek %1,7ko jaitsiera nominala izan dute 2012. urte osoan, aurreko urtearen aldean. Behin prezioen eragina kenduta, %-4,1eko tasa erreala dugu.
Lurralde historikoetan, 2012 osoan metatutako bilakaerak honakoak dira: Araban %0,1 igo dira salmentak; Bizkaian %2,7 jaitsi eta Gipuzkoan %0,7, nominalki beti. Termino errealetan, hiru lurraldeetan murrizketak ditugu: Araban %2,4, Bizkaian %5,1, Gipuzkoan %3,1.
Informazio gehiago:
Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz