2013-04-26ko prentsa-oharra
Euskal AEko azalera handietako salmentak %1,1 gutxitu ziren 2013ko martxoan
Elikagaiek urte arteko %2,5eko igoera izan zuten salmentetan eta gainerako produktuek %3,5eko jaitsiera
Eustatek landutako datuen arabera, lan-egutegiko baldintza homogeneoetan, 2013ko martxoan %1,1eko urte arteko jaitsiera nominala izan zuten Euskal AEko azalera handietako salmentek. Elikagaietan %2,5eko igoera izan zen salmentetan, eta gainerako produktuenetan %3,5eko jaitsiera. Araban %0,4 handitu ziren salmentak; Bizkaian %0,9 gutxitu eta Gipuzkoan %2,2.
Aurreko hilaren, 2013ko otsailaren aldean, Euskal AE osoan salmentak %2,9 gutxitu ziren nominalki, urtaro-eraginak kenduta. Elikagaiek %0,9ko hil arteko jaitsiera izan zuten salmentetan eta gainerako produktuek %4,1ekoa. Hiru lurraldeetan jaitsierak ditugu: Bizkaian %1,0, Araban %4,4; Gipuzkoan %5,6.
Termino finkoetan, Euskal AEko azalera handietako salmentak %3,4 gutxitu dira urte artean eta %2,8 aurreko hilaren aldean
2012ko martxoaren aldean elikagaien salmentak %1,1 gutxitu ziren eta gainerako produktuenak %5,0, euro finkoetan. Lurralde guztietan izan dira jaitsierak: Araban %2,0, Bizkaian %3,1, Gipuzkoan %4,8.
Elikagaien salmentak, prezioen eragina deskontaturik, %0,9 jaitsi dira 2013ko otsailaren aldean eta gainerako produktuenak %3,9. Bizkaian %1,3ko jaitsiera, Araban %2,5ekoa, Gipuzkoan %5,7koa.
Euskal AEko azalera handietako establezimenduetako enplegatuak %0,3 gutxitu ziren 2013ko martxoan 2013ko otsailaren aldean, desestazionalizatutako terminoetan.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua