2013-05-28ko prentsa-oharra
Euskal AEko azalera handietako salmentak %4,3 gehitu ziren 2013ko apirilean
Elikagaiek urte arteko %7,0ko igoera izan zuten salmentetan eta gainerako produktuek %2,4koa
Eustatek landutako datuen arabera, lan-egutegiko baldintza homogeneoetan, 2013ko apirilean %4,3ko urte arteko igoera nominala izan zuten Euskal AEko azalera handietako salmentek. Elikagaietan %7,0ko urte arteko igoera nominala izan zen salmentetan, eta gainerako produktuenetan %2,4koa. Araban %11,7 gehitu dira salmentak, Bizkaian %3,2 eta Gipuzkoan %2,8.
Aurreko hilaren, 2013ko martxoaren aldean, Euskal AE osoan salmentak %2,0 igo dira nominalki, urtaro-eraginak kenduta. Elikagaiek %3,2ko hil arteko igoera izan zuten salmentetan eta gainerako produktuek %1,3koa. Hiru lurraldeetan izan dira igoerak: Araban %4,9, Gipuzkoan %2,6, Bizkaian %0,9.
Termino finkoetan, Euskal azalera handietako salmentak %2,3 hazi dira urte artean eta %1,8 aurreko hilaren aldean
2012ko apirilaren aldean elikagaien salmentak %3,6 gehitu ziren eta gainerako produktuenak %1,3, euro finkoetan. Lurralde guztietan izan dira igoerak: Araban %9,0, Bizkaian %1,4, Gipuzkoan %0,6.
Elikagaien salmentak, prezioen eragina deskontaturik, %2,8 handitu dira aurreko hilaren, 2013ko martxoaren aldean, eta gainerako produktuenak %1,2. Araban %2,1eko igoera, Bizkaian %1,1ekoa,, Gipuzkoan %3,0koa.
Euskal AEko azalera handietako establezimenduetako enplegatuak %0,4 gutxitu ziren 2013ko apirilean 2013ko martxoaren aldean, urtaro-eraginak kenduta.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua