HomeGaiakPrentsa OharrakPrentsa Oharrak Euskal AEko azalera...

2013-06-26ko prentsa-oharra

EUSKAL AEKO AZALERA HANDIETAKO MERKATARITZAREN INDIZEA (AHMI) 2013ko maiatza

Euskal AEko azalera handietako salmentak %4,4 gehitu ziren 2013ko maiatzean

Elikagaiek urte arteko %7,3ko igoera izan zuten salmentetan eta gainerako produktuek %2,5ekoa

Eustatek landutako datuen arabera, lan-egutegiko baldintza homogeneoetan, 2013ko maiatzean %4,4ko urte arteko igoera nominala izan zuten Euskal AEko azalera handietako salmentek. Elikagaietan %7,3ko urte arteko igoera nominala izan zen salmentetan, eta gainerako produktuenetan %2,5ekoa. Araban %6,9 gehitu dira salmentak, Bizkaian %3,1 eta Gipuzkoan %5,5.

Aurreko hilaren, 2013ko apirilaren aldean, Euskal AE osoan salmentak %0,5 igo dira nominalki, urtaro-eraginak kenduta. Elikagaiek %0,2ko hil arteko igoera izan zuten salmentetan eta gainerako produktuek %0,7koa. Araban %1,2 jaitsi dira eta %0,1 Bizkaian; Gipuzkoan %2,3 igo.

Termino finkoetan, Euskal azalera handietako salmentak %1,8 hazi dira urte artean eta %0,4 aurreko hilaren aldean

2012ko maiatzaren aldean elikagaien salmentak %3,1 gehitu ziren eta gainerako produktuenak %0,9, euro finkoetan. Lurralde guztietan izan dira igoerak: Araban %4,1, Bizkaian %0,7, Gipuzkoan %2,6.

Elikagaien salmentak, prezioen eragina deskontaturik, %0,4 jaitsi dira 2013ko apirilaren aldean eta gainerako produktuenak %0,9 igo. Gipuzkoan %2,0ko igoera; Araban %0,9ko jaitsiera, Bizkaian %0,1ekoa.

Euskal AEko azalera handietako establezimenduetako enplegatuak %0,5 gehitu ziren 2013ko maiatzean apirilaren aldean, urtaro eraginik gabe.