Prentsa-oharra, 2013/09/06
Euskal AEko azalera handietako salmentek % 1,5 egin dute behera 2013ko uztailean
Elikagaien salmentak % 3,7ko urte arteko igoera izan du, eta gainerako produktuek % 4,3ko beherakada
Euskal AEko merkataritza-azalera handietako salmentek % 1,5eko urte arteko jaitsiera nominala izan dute 2013ko uztailean, lan-egutegiaren termino homogeneoei dagokienez, Eustaten datuen arabera. Produktu-motari dagokionez, elikagaien salmentek % 3,7 egin dute gora; gainerako produktuek, aldiz, % 4,3 behera. Lurraldeka, Araban % 0,4 jaitsi ziren salmentak, % 3,7 Bizkaian eta Gipuzkoan, ordea, % 1,9 igo ziren.
Aurreko hilabeteari dagokionez, 2013ko ekaina, Euskal AEn, % 2,3 jaitsi ziren salmentak termino nominaletan, urtaro-eraginak kenduta. Elikagaien salmentak ez dira aldatu aurreko hilabetearekin alderatuta (% 0,0) eta gainerako produktuek aldaketa negatiboa izan dute; -% 3,7koa. Jaitsierak izan dira hiru lurraldeetan: % 4,0 Araban eta % 2,0 Bizkaian eta Gipuzkoan.
Termino finkoetan, Euskal AEko azalera handietako salmentek % 3,9ko urte arteko jaitsiera izan dute, % 2,6koa aurreko hilabetearen aldean
2012ko uztailari dagokionez, elikagaien salmentak % 0,3 igo dira; gainerako produktuenak, berriz, % 6,1 jaitsi dira euro finkoetan. Lurraldekako bilakaeraren arabera, Gipuzkoak % 0,2ko igoera izan du, % 3,0ko jaitsiera Arabak eta % 6,2ko beherakada nabarmena Bizkaiak.
Aurreko hilabetearen aldean, 2013ko ekaina, elikagaien salmentak % 0,2 jaitsi dira eta % 4,1 gainerako produktuenak, prezioen eragina deskontatuta. Lurralde historikoen arabera, % 5,3ko beherakada izan da Araban, % 1,9koa Bizkaian eta % 2,6koa Gipuzkoan.
Azalera handietako saltokietako langile-kopuruari dagokionez, % 0,9 igo da 2013ko uztailean ekainaren aldean, desestazionalizatutako terminoetan.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua