HomeGaiakPrentsa OharrakPrentsa Oharrak Euskal AEko azalera...

2013/10/28ko prentsa-oharra

EUSKAL AEKO AZALERA HANDIETAKO MERKATARITZAREN INDIZEA (AHMI) 2013ko iraila

Euskal AEko azalera handietako salmentak %2,5 gehitu ziren 2013ko irailean

Elikagaiek urte arteko %0,4ko jaitsiera izan zuten salmentetan eta gainerako produktuek %4,4ko igoera

Eustatek landutako datuen arabera, lan-egutegiko baldintza homogeneoetan, 2013ko irailean %2,5eko urte arteko igoera nominala izan zuten Euskal AEko azalera handietako salmentek. Elikagaietan %0,4ko urte arteko jaitsiera izan zen salmentetan, eta gainerako produktuenetan %4,4ko igoera. Araban %5,7 gehitu dira salmentak, Bizkaian %1,8 eta Gipuzkoan %2,2.

Aurreko hilaren, 2013ko abuztuaren aldean, Euskal AE osoan salmentak %3,6 igo ziren nominalki, urtaro-eraginak kenduta. Elikagaiek %1,2ko hil arteko igoera izan zuten salmentetan eta gainerako produktuek %5,1ekoa. Hiru lurraldeetan izan dira igoerak: Araban %5,3, Bizkaian %2,0, Gipuzkoan %5,6.

Termino finkoetan, Euskal azalera handietako salmentak %1,6 gehitu dira urte artean eta %4,1 aurreko hilaren aldean

2012ko irailaren aldean elikagaien salmentak %2,9 jaitsi ziren eta gainerako produktuenak %4,4 igo, euro finkoetan. Lurralde guztietan izan dira igoerak: Araban %4,8, Bizkaian %0,8, Gipuzkoan %1,4.

Elikagaien salmentak, prezioen eragina deskontaturik, %1,9 gehitu dira aurreko hilaren, 2013ko abuztuaren aldean, eta gainerako produktuenak %5,5. Araban %5,9ko igoera, Bizkaian %2,3koa eta Gipuzkoan %6,5ekoa.

Euskal AEko azalera handietako establezimenduetako enplegatuak %0,3 gutxitu ziren 2013ko irailean abuztuaren aldean, desestazionalizatutako terminoetan.

Euskal AEko azalera handietako merkataritzaren indizea. Urte arteko eta hile arteko aldakuntza-tasa. Iraila 2013(p). Iturria: EUSTAT. Euskal AEko azalera handietako merkataritzaren indizea (AHMI)