2013/11/26ko prentsa-oharra
Euskal AEko azalera handietako salmentak %3,3 gutxitu ziren 2013ko urrian
Elikagaiek urte arteko %1,3ko jaitsiera izan zuten salmentetan eta gainerako produktuek %4,5ekoa
Eustatek landutako datuen arabera, lan-egutegiko baldintza homogeneoetan, 2013ko urrian %3,3ko urte arteko jaitsiera nominala izan zuten Euskal AEko azalera handietako salmentek. Elikagaietan %1,3ko urte arteko jaitsiera izan zen salmentetan, eta gainerako produktuenetan %4,5ekoa. Araban %0,7 handitu ziren salmentak; Bizkaian %4,4 gutxitu eta Gipuzkoan %3,2.
Aurreko hilaren, 2013ko irailaren aldean, Euskal AE osoan salmentak %0,6 gutxitu ziren nominalki, urtaro-eraginak kenduta. Elikagaiek %0,8ko hil arteko igoera izan zuten salmentetan eta gainerako produktuek %1,4ko jaitsiera. Bizkaian %0,2 handitu ziren salmentak aurreko hilaren aldean; Araban %0,5 gutxitu eta Gipuzkoan %2,2.
Termino finkoetan, Euskal AEko azalera handietako salmentak %4,1 gutxitu dira urte artean eta %0,3 aurreko hilaren aldean
2012ko urriaren aldean elikagaien salmentak %3,7 gutxitu ziren eta gainerako produktuenak %4,3, euro finkoetan. Araban %0,4 handitu ziren salmentak; Bizkaian %5,0 gutxitu eta Gipuzkoan %4,6.
Elikagaien salmentak, prezioen eragina deskontaturik, %0,9 gehitu dira 2013ko irailaren aldean eta gainerako produktuenak %1,1 gutxitu. Araban %1,2ko igoera, Bizkaian %0,1ekoa; Gipuzkoan %2,0ko jaitsiera.
Euskal AEko azalera handietako establezimenduetako enplegatuak %0,1 gutxitu ziren 2013ko urrian irailaren aldean, desestazionalizatutako terminoetan.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua