Prentsa-oharra, 2014/01/28
Euskal AEko azalera handietako salmentek % 0,4 egin dute behera 2013ko abenduan
Urte osoa kontuan hartuta, azalera handietako salmentak % 0,8 hazi dira 2012arekin alderatuta
Euskal AEko merkataritza-azalera handietako salmentek % 0,4ko urte arteko jaitsiera nominala izan dute 2013ko abenduan, lan-egutegiaren termino homogeneoei dagokienez, Eustaten datuen arabera. Elikagaien salmentek ez dute urte arteko jaitsiera nominalik izan azalera handietan (% 0,0); gainerako produktuen salmentek, berriz, % 0,6koa.
Araban, % 0,3ko igoera izan da, eta Bizkaian, salmentak % 0,6 hazi dira, baina Gipuzkoan, % 2,5eko jaitsiera izan dute.
Aurreko hilabeteari, 2013ko azaroari, dagokionez, Euskal Autonomia Erkidego osoko salmentak % 6,3 jaitsi dira termino nominaletan. Elikagaien salmentak % 2,5 jaitsi dira aurreko hilabetearekin alderatuta; gainerako produktuenak, berriz, % 8,5.
Lurraldeka, azaroarekin alderatuta, hiru lurraldeetan txikitu da azalera handietako salmenten kopuru osoa: Araban, % 5,7ko jaitsiera gertatu da; Bizkaian, % 5,6koa; eta Gipuzkoan, % 7,9koa.
Termino konstanteetan, Euskal AEko azalera handietako salmentek % 0,9ko urte arteko jaitsiera izan dute, eta % 6,0koa aurreko hilabetearen aldean
2012ko abenduarekin alderatuta, euro konstanteetan, elikagaien salmentak % 1,1 jaitsi dira; gainerako produktuenak, berriz, % 0,8. Bizkaian, % 0,1eko igoera izan da, Araban eta Gipuzkoan, berriz, % 0,2ko eta % 3,3ko jaitsierak, hurrenez hurren, termino konstanteetan.
Aurreko hilabetearekin alderatuta, prezioen efektua kenduta, elikagaien salmentek % 2,1 behera egin dute eta gainerako produktuen salmentek % 8,2 behera. Lurraldeka, termino errealetan, Gipuzkoan, % 7,9ko jaitsiera erregistratu da; Araban, % 7,4koa; eta Bizkaian, % 4,5ekoa.
Azalera handietako langileen kopuruak %1,4 egin du behera 2013ko abenduan, azaroarekin alderatuta, sasoiarekin lotutako alderdiak kenduta.
2013ko URTEKO BALANTZEA
Euskal AEko azalera handietako salmentek % 0,8ko igoera nominala izan dute, 2013ko 12 hilabeteak osotasunean hartuta, aurreko urtearekin alderatuz. Prezioen eragina kenduta, emaitza -% 0,9ko tasa erreala da.
Lurralde historikoen arabera, termino nominaletan, 2013 urte osoan metatutako bilakaerak hauek izan dira: Araban, salmentak % 4,1 hazi dira; Bizkaian, % 0,1 jaitsi dira; eta Gipuzkoan, % 0,9 igo dira. Termino errealetan, Bizkaian eta Gipuzkoan jaitsierak izan dira: lehengoan % 1,8koa, eta bigarrenean, % 0,8koa. Araban, berriz, % 2,3ko igoera.
Azalera handietako langile kopuruari dagokionez, 2013an % 1,6 jaitsi da aurreko urtearekin alderatuta.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua