Prentsa-oharra, 2014/04/29
Euskal AEko azalera handietako salmentek % 1,6 egin dute behera 2014ko martxoan
Aurreko hilabetearekin alderatuta, % 1,8 jaitsi dira
Euskal AEko merkataritza-azalera handietako salmentek % 1,6ko urte arteko jaitsiera nominala izan dute 2014ko martxoan, lan-egutegiaren termino homogeneoei dagokienez, Eustaten datuen arabera. Elikagaien salmentek % 4,1 urte arteko jaitsiera nominala izan dite azalera handietan; gainerako produktuen salmentek, berriz, % 0,2ko igoera.
Urte arteko jaitsierak izan dira hiru lurraldeetan: Araban % 1,9koa, eta Bizkaian eta Gipuzkoan % 1,5ekoa.
Aurreko hilabeteari, 2014ko otsailari, dagokionez, Euskal Autonomia Erkidego osoko salmentak % 1,8 jaitsi dira termino nominaletan. Elikagaien eta gainerako produktuen salmentek % 1,8ko jaitsiera izan dute, sasoiarekin lotutako alderdiak kenduta.
2014ko otsailari dagokionez, jaitsierak izan dira hiru lurraldeetako salmentetan: % 3,5ekoa Araban, % 1,7koa Gipuzkoan eta % 1,4koa Bizkaian.
Termino konstanteetan, Euskal AEko azalera handietako salmentek % 1,4ko urte arteko jaitsiera izan dute, eta % 1,6koa aurreko hilabetearen aldean
2013ko martxoarekin alderatzen badugu, euro konstanteetan, elikagaien salmentak % 4,2 murriztu dira, gainerako produktuenak % 0,5 areagotu diren bitartean.
Aurreko urteko hilabete berberarekin alderatuta, hiru lurraldeetan gertatu dira jaitsierak: % 1,9, Araban eta % 1,4, Bizkaian eta Gipuzkoan.
2014ko otsailarekin alderatuta, prezioen efektua kenduta, elikagaien salmentek %1,4 behera egin dute eta gainerako produktuen salmentek, % 1,7.
Lurraldeka, aurreko hilabeteko salmentekin alderatuta, Araban % 4,0 jaitsi dira, Gipuzkoan, % 1,4 eta Bizkaian, % 1,0.
Azalera handietako langileen kopuruak % 0,4 egin du behera 2014ko martxoan, 2014ko otsailarekin alderatuta, sasoiarekin lotutako alderdiak kenduta.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea (AHMI) buruzko prentsa-ohar gehiago
Euskal AEko Azalera handietako merkataritzaren indizea gaineko datu-bankua