2014/12/26ko prentsa-oharra

Azalera Handietako Merkataritzaren Indizea (AHMI) Azaroa-2014

Euskal AEko azalera handietako salmentak %5,7 gutxitu ziren 2014ko azaroan

Aurreko hilaren aldean %0,8 gutxitu ziren

Eustatek landutako datuen arabera, lan-egutegiko baldintza homogeneoetan, 2014ko azaroan %5,7ko urte arteko jaitsiera nominala izan zuten Euskal AEko azalera handietako salmentek. Elikagaien salmentek %9,7ko urte arteko jaitsiera nominala izan zuten, eta gainerako salgaienek %3,3koa.

Salmentak hiru lurraldeetan gutxitu dira urte artean: Araban jaitsiera %8,6koa da; Bizkaian %4,3; Gipuzkoan %6,7.

Aurreko hilaren, 2014ko urriaren aldean, Euskal AE osoan salmentak %0,8 jaitsi ziren nominalki. Elikagaien salmentak %2,6 jaitsi ziren eta gainerako produktuenak %0,3 gehitu, urtaro-eraginak kenduta.

2014ko urriaren aldean, salmenta osoetan: Gipuzkoan %-1,2; Bizkaian %-0,9; Araban %+0,1.

Termino finkoetan, Euskal azalera handietako salmentak %5,7 murriztu dira urte artean eta %0,9 aurreko hilaren aldean

2013ko azaroaren aldean elikagaien salmentak %9,6 jaitsi ziren eta gainerako produktuenak %3,3, euro finkoetan.

Salmentak hiru lurraldeetan gutxitu dira aurreko urteko hil beraren aldean: Araban %8,3 jaitsi, Gipuzkoan %7,1, Bizkaian %4,2, termino finkoetan.

Elikagaien salmentak, prezioen eragina deskontaturik, %2,6 jaitsi dira 2014ko urriaren aldean, eta gainerako produktuenak lehengoan, %0,0.

Gipuzkoan %-1,7; Bizkaian %-0,8; Araban %+0,3; termino errealetan, urriaren aldean, salmenta osoetan.

Euskal AEko azalera handietako establezimenduetako langile kopurua %0,4 gutxitu zen 2014ko azaroan urriaren aldean, urtaro-eraginik gabe.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Azalera handietako merkataritzaren indizea (AHMI) buruzko prentsa-ohar gehiago Euskal AEko Azalera handietako merkataritzaren indizea gaineko datu-bankua