HomeGaiakPrentsa OharrakPrentsa Oharrak Euskal Autonomia Erkidegoko...

2015eko ekainaren 25eko prentsa-oharra

AZALERA HANDIETAKO MERKATARITZA INDIZEA (AHMI), 2015EKO MAIATZA

Euskal Autonomia Erkidegoko azalera handietako salmentek % 2,8 egin dute behera 2015eko maiatzean.

Aurreko hilabetearekin alderatuta, % 0,1 igo dira

Euskal Autonomia Erkidegoko merkataritza-azalera handietako salmentek % 2,8ko urte-arteko jaitsiera nominala izan dute 2015eko maiatzean, lan-egutegiaren termino homogeneoei dagokienez, Eustaten datuen arabera. Elikagaien salmentek % 4,1 urte arteko jaitsiera nominala izan zuten azalera handietan; gainerako produktuen salmentek, berriz, % 2,0ko beherakada.

2014 maiatzaren aldean, hiru lurraldeetan jaitsi dira salmentak: Araban, % 4,4; Bizkaian, % 2,7, eta Gipuzkoan, % 2,2.

Aurreko hilabeteari, 2015eko apirilari, dagokionez, Euskal Autonomia Erkidego osoko salmentak % 0,1 igo dira termino nominaletan. Elikagaien salmentak % 0,5 hazi dira aurreko hilabetearekin alderatuta; gainerako produktuenak, berriz, % 0,2 jaitsi, sasoiarekin lotutako alderdiak kenduta.

Lurraldeka, eta 2015eko apirilaren aldean, gora egin dute azalera handien guztizko salmentak Gipuzkoan, % 0,5, hain zuzen. Araban, berriz, % 0,6 jaitsi dira eta Bizkaian ez da aldakuntza nabarmenik izan (% 0,0).

Termino konstanteetan, Euskal Autonomia Erkidegoko azalera handietako salmentek % 3,3 urte arteko jaitsiera izan dute, eta % 0,4koa aurreko hilabetearen aldean

2014ko maiatzarekin alderatuta, termino konstanteetan, elikagaien salmentak % 5,4 jaitsi dira; gainerako produktuenak, berriz, % 2,0. Iazko maiatzaren aldean, hiru lurraldeetan jaitsi dira: Araban, % 4,8; Gipuzkoan, % 3,1 eta Bizkaian, % 3,0.

Aurreko hilaren aldean, behin kendurik prezioen eragina, elikagaien salmentek %0,2 egin dute gora 2015eko apirilarekiko; gainerako produktuen salmentek, % 0,7 behera. Lurraldeka, % 1,0 jaitsi dira Araban eta % 0,5 Bizkaian; Gipuzkoan, berriz, % 0,2 goratu dira, kopuru errealetan.

Azalera handietako langileen kopuruak % 0,2 egin zuen gora 2015eko maiatzean, 2015eko apirilarekin alderatuta, sasoiarekin lotutako alderdiak kenduta. Urte arteko hazkundea, berriz, % 0,7 izan zen.