2016/03/31ko prentsa-oharra
Euskal AEko azalera handietako salmentak %2,6 gehitu ziren 2016ko otsailean
Aurreko hilaren aldean %2,2 gehitu
Eustaten datuen arabera, lan-egutegiko baldintza homogeneoetan, 2016ko otsailean %2,6ko urte arteko igoera nominala izan zuten Euskal AEko azalera handietako salmentek. Elikagaien salmentek %1,0ko urte arteko gehikuntza nominala, gainerako salgaienek %3,6.
Salmentak hiru lurraldeetan gehitu dira urte artean: %4,7 Araban; %3,3 Gipuzkoan; %1,7 Bizkaian.
Aurreko hilaren, 2016ko urtarrilaren aldean, Euskal AE osoan salmentak %2,2 gehitu ziren nominalki. Elikagaiek %2,4ko hil arteko gehikuntza salmentetan; gainerako produktuek %2,1, urtaro-eraginik gabe.
Termino finkoetan azalera handietako salmentek %2,7ko gehikuntza urte artean. Gehikuntzak hiru lurraldeetan: Araban %5,1, Gipuzkoan %2,9, Bizkaian %2,1. 2015eko otsailaren aldean elikagaien salmentak %0,7 jaitsi ziren eta gainerako produktuenak %4,8 gehitu euro finkoetan, lurralde osoan.
Aurreko hilaren aldean %2,5eko salmenta gehikuntza Euskal AEn. Bizkaian %2,7; Gipuzkoan %2,4; Araban %1,8, termino errealetan. Elikagaien salmentak, prezioen eragina deskontaturik, % 2,5 gehitu dira 2016ko urtarrilaren aldean eta gainerako produktuenak %2,4, lurralde osoan.
Azalera handietako langile kopurua %1,1 gutxitu zen 2016ko otsailean urtarrilaren aldean, urtaro-eraginik gabe.
Ohar metodologikoa: Euskal AEko azalera handietako merkataritzaren indizeak erakusten du 2.500 metro karratu baino gehiagoko azaleretako salmenta eta enpleguaren bilakaera. Azken urteetan kontsumitzaileen erosketa ohituren aldaketek, bestelako banaketa moduetara, erakusten dute adierazle hau ez dela egokia kontsumoaren bilakaera aztertzeko. Eustat indizearen biztanle-eremua berrikusten ari da, adierazgarriago izan dadin.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea-AHMI buruzko prentsa-ohar gehiago
Euskal AEko Azalera handietako merkataritzaren indizea-AHMI gaineko datu-bankua