2016/06/29ko prentsa-oharra

AZALERA HANDIETAKO MERKATARITZAREN INDIZEA-AHMI 2016KO MAIATZA

Euskal AEko azalera handietako salmentak %1,5 jaitsi ziren 2016ko maiatzean

Urteko lehen bost hiletan %0,1eko gehikuntza

Eustaten arabera, lan-egutegiko baldintza homogeneoetan, 2016ko maiatzean %1,5eko urte arteko jaitsiera Euskal AEko azalera handietako salmentek, prezio finkoetan. Urteko lehen bost hiletan %0,1eko gehikuntza.

Elikagaietan %8,0ko urte arteko jaitsiera salmentetan, gainerako produktuenetan, %2,4ko gehikuntza. Bizkaian %-2,2, Araban %-0,8, Gipuzkoan %-0,6.

Aurreko hilaren, 2016ko apirilaren aldean, Euskal AE osoan salmentak %1,8 jaitsi ziren urtaro-eraginik gabe. Elikagaiek %2,6ko hil arteko jaitsiera salmentetan, gainerako produktuek %1,3.

Urteko lehen bost hiletan, Elikagaien salmentetan %-4,7; gainerakoenetan %+2,8.

Araban, urtarriletik maiatzera salmentak %0,2 gehitu prezio finkoetan eta aurreko urteko aldi beraren aldean; Gipuzkoan %1,1; Bizkaian %0,5 jaitsi.

Euskal AEko azalera handietako establezimenduetako langile kopurua %0,7 gutxitu zen 2016ko maiatzean apirilaren aldean, urtaro-eraginik gabe.

Ohar metodologikoa: Euskal AEko azalera handietako merkataritzaren indizeak erakusten du 2.500 metro karratu baino gehiagoko azaleretako salmenta eta enpleguaren bilakaera. Azken urteetan kontsumitzaileen erosketa ohituren aldaketek, bestelako banaketa moduetara, erakusten dute adierazle hau ez dela egokia kontsumoaren bilakaera aztertzeko. Eustat indizearen biztanle-eremua berrikusten ari da, adierazgarriago izan dadin.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62 Euskal AEko Azalera handietako merkataritzaren indizea-AHMI buruzko prentsa-ohar gehiago Euskal AEko Azalera handietako merkataritzaren indizea-AHMI gaineko datu-bankua