HomeGaiakKanpo merkataritzaPrentsa Oharrak Euskal AEko ondasun...

2016/05/27ko prentsa-oharra

KANPO-MERKATARITZAREN ESTATISTIKA (KAMEE). 2016/I

Euskal AEko ondasun esportazioak %2,4 gehitu ziren 2016ko lehen hiruhilekoan

Garraio-materialaren esportazioak (%+25,0) eta Metalen eta beren manufakturenak (%-15,9) nabarmendu behar

Euskal AEko ondasun esportazioak %2,4 gehitu ziren 2016ko lehen hiruhilekoan, Eustaten arabera. Guztira, 5.115 milioi; iazko aldi berean 4.996. Ondasun energetikoen esportazioak %18,3 gehitu dira aurreko urtearen aldean.

Ondasun-inportazioak %7,6 gutxitu, 3.536 milioira. Inportazio energetikoak bakarrik hartuz, jaitsiera (%-36,3) handiagoa da, 614 milioira. Ez-energetikoak, %2 gehitu.

Saldo garbia, positiboa: 1.579 milioiko superabita. Esportazioen inportazioen gaineko estaldura tasa, %144,7. Produktu energetikoak bazter utzita, merkataritza saldo ez-energetikoak 1.845 milioiko superabita du; produktu hauen estaldura-tasa, %163,1.

Europar Batasunerako esportazioak %7,6 gehitu; esportazio guztien %67,2. Hazkundeak esportazioetan: Belgikara (%35,9), Alemaniara (%7,7), Portugalera (%7,5), Frantziara (%7,4). Jaitsierak: Italiara (%-3,8), Erresuma Batura (%-0,6), EBtik kanpora eginiko esportazioetan, azpimarratzekoak: Turkiara (%+24), Txinara (%+22,3), Estatu Batuetara (%+15,3), Mexikora (%-16).

Europar Batasunetiko inportazioak %4,5 gutxitu dira, batez ere Erresuma Batutik eginikoak, (%-56,6) batez ere energetikoak; Herbehereetatik (%-18,5) eta Frantziatik (%-12). Alemaniatik eginikoetan %+23. Munduko gainerakoan, Txinatik (%-5,9); Errusiatik (%+23,4), Nigeriatik (%+96), azken hauek energetikoak.

Muga-zergen sekzioen arabera, esportazioetan: Metalak eta bere manufakturak (%-15,9), Garraio Materiala (%+25,0) Produktu Mineralak (%+15,6). Inportazioetan: Material elektrikoa (%+23,1), Produktu mineralak (%-36,3), Metalak eta beren manufakturak (%-16,7).

Araban esportazioak %26,6 gehitu; batez ere Garraio materialagatik (%69,6) esportazio produktu nagusia. Arabako inportazioak %31 gehitu: Garraio-materiala (%79,8), Material elektrikoa (%48,9).

Bizkaiko esportazioak %8,3 gutxitu. Metalak eta beren manufakturak (%-17,8), Garraio-materiala (%-11,3), Material elektrikoa (%-9,8). Produktu mineraletan %+15,6; nagusien artean gorakako bakarrak. Bizkaiko inportazioak %20,4 gutxitu dira. Produktu mineralak (%-36,8), Metalak eta beren manufakturak (%-21,3), Material elektrikoa (%+19).

Gipuzkoan %-4,1 esportazioetan; Bizkaikoetan baino gutxiago. Garraio materiala (%-12,3), Material elektrikoa (%-2,2), Metalak eta beren manufakturak (%-10,1). Gipuzkoako inportazioetan %-6,5. Metalak eta beren manufakturak (%-21,1), pisu handikoen artean aipagarriena.