2016/09/07ko prentsa-oharra
Euskal AEko azalera handietako salmenten indizea % 3,9 jaitsi da 2016ko uztailean
2016ko lehenengo zazpi hilabeteetako balantzea % 0,6ko jaitsierarekin itxi da
Euskal AEko azalera handietako salmentek urte arteko % 3,9ko jaitsiera izan dute, prezio konstanteetan, 2016ko uztailean, lan-egutegiko baldintza homogeneoetan, Eustaten datuen arabera. Joan den ekainarekin alderatuta, salmentek % 2,2 egin dute behera, urtaro-eraginik gabe.
Azalera handietan elikagaien salmentak % 10,2 jaitsi dira, eta gainerako artikuluen salmentak % 0,7. Salmentek hiru lurraldeetan egin dute behera: Araban % 3,2, Bizkaian % 3,6 eta Gipuzkoan % 5,0.
Urteko lehenengo zazpi hilabeteetan metatutakoaren arabera, Euskal AEko azalera handietako salmentak % 0,6 jaitsi dira aurreko urteko aldi berarekin alderatuta, lan-egutegiko baldintza homogeneoetan eta prezio konstanteetan. Aldi horretan, azalera handietako elikagaien salmentak % 5,8 jaitsi dira eta gainerako produktuenak % 2,3 igo dira.
Lurraldeen arabera, Araban urtarriletik uztailera bitartean % 0,2 egin dute behera, prezio konstanteetan, azalera handietako salmentek aurreko urteko aldi berarekin alderatuta; Gipuzkoan % 0,3 eta Bizkaian % 1,0.
Euskal AEko azalera handietako langile-kopurua % 0,1 igo da 2016ko uztailean 2016ko ekainarekin alderatuta, urtaro-eraginik gabe.
Metodologiari buruzko oharra: Azalera handietako merkataritzaren indizeak 2.500 metro karratutik gorako merkataritza-azaleretako salmenten eta enpleguaren bilakaera adierazten du. Azken urteotan aldaketak antzeman dira kontsumitzaileen erosketa-ohituretan bestelako banaketa-moduetara, eta horrek agerian uzten du adierazle hau ez dela egokia kontsumoaren bilakaera aztertzeko. Une hauetan Eustat indize honen biztanle-esparrua berrikusten ari da, adierazgarriagoa izan dadin.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián, 1. 01010 Vitoria-Gasteiz
Prentsa zerbitzua: servicioprensa@eustat.eus Tel.: 945 01 75 62
Euskal AEko Azalera handietako merkataritzaren indizea-AHMI buruzko prentsa-ohar gehiago
Euskal AEko Azalera handietako merkataritzaren indizea-AHMI gaineko datu-bankua