2016/10/26

AZALERA HANDIETAKO MERKATARITZAREN INDIZEA-AHMI

INFORMAZIO-OHARRA

Azalera Handietako Merkataritzaren Indizea (AHMI) 90eko hamarkadan sortu zen, xehekako merkataritza-egoeraren hileroko bilakaeraren adierazle bat izateko asmoz. 2015. urteaz geroztik kontsumitzaileen erosteko ohituretan aldaketak atzeman dira, erosketak azalera handietan egitetik kontsumitzailearengandik hurbilago dauden banaketa-modutan egitera igaro dira. Banaketa-modutan izandako aldaketa horien ondorioz, aipatutako adierazle hori ez da egokia xehekako merkataritza-egoeraren hileroko bilakaera neurtzeko. Izan ere, adierazle horrek 2.500 metro karratutik gorako azaleratan egiten den gastuaren bilakaera erakusten du, eta horrek ez du zerikusirik xehekako merkataritzan, oro har, jarraitzen den bilakaerarekin.

Eustat indize horren metodologia aztertzen ari da eta, lehenbailehen, hileko adierazle berri bat –erreferentzia esparrua handituz– prestatzeko asmoa du. Beraz, sektorearen analistak nahasteko baino balio ez duten datuak ez emateko, Eustatek Azalera Handietako Merkataritzaren Indizea (AHMI) gehiago ez argitaratzea erabaki du.

Informazio gehiago:

Eustat - Euskal Estatistika Erakundea / Instituto Vasco de Estadística Donostia-San Sebastián, 1. 01010 Vitoria-Gasteiz Prentsa zerbitzua: servicioprensa@eustat.eus Tel.: 945 01 75 62