HomeGaiakMerkataritza indizea azalera handietan eta elikadura kate handietanPrentsa Oharrak Elikaduren EAEko saltoki...

Prentsa-oharra 2018/05/29

MERKATARITZA INDIZEA AZALERA HANDIETAN ETA ELIKADURA KATE HANDIETAN. AHEK, 2018 APIRILA

Elikaduren EAEko saltoki handietako eta kateetako salmentak % 1,7 igo dira 2018ko apirilean

Urteko lehenengo lauhilekoaren metatua % 2,5eko hazkundearekin itxi da

Elikaduren EAEko saltoki handietako eta kateetako salmentek, 2018ko apirilean, urtetik urterako % 1,7ko hazkundea izan dute prezio konstanteetan, lan-egutegiko termino homogeneotan, Eustatek landutako datuen arabera. Martxoari dagokionez, salmentek % 0,2 egin dute behera, termino desestazionalizatuetan.

Elikaduren salmentak % 1,9 igo dira eta gainerako artikuluenak % 1,3 igo dira, aurreko urteko hilabete beraren aldean.

Aurreko hilabetearekiko, 2018ko martxoaren aldean alegia, elikaduren salmentak zein gainerako artikuluenak % 0,2 jaitsi dira, prezio konstanteetan eta termino desestazionalizatuetan.

Lurraldearen arabera, Gipuzkoan % 2,4 hazi dira salmentak eta Bizkaian % 2,3; Araban, berriz, behera egin dute % 2,0, urtetik urterako aldian, betiere.

Elikaduren EAEko saltoki handietako eta kateetako langile enplegatuen hazkundea % 2,8koa izan da, aurreko urteko hilabete beraren aldean, eta % 0,3 igo da aurreko hilabetearen aldean ere, termino desestazionalizatuetan.