Prentsa-oharra 2023/02/16

KANPO MERKATARITZAREN ESTATISTIKA (ECOMEX). Abendua 2022

Euskal AEko esportazioen errekor historikoa: 32.500 milioi euro baino gehiago esportatu dira 2022an

2022an kanpo-merkataritzaren saldoak 3.127 milioi euroko superabita izan zuen eta estaldura-tasa % 110,6koa izan zen

Euskal AEko ondasunen esportazioak 32.538 milioi eurokoak izan ziren guztira 2022an, Eustatek landutako datuen arabera. 2021arekin alderatuta, esportazioak % 26,8 igo dira, iaz merkaturatutako 25.665 milioi euroekin alderatuta, produktu energetikoak % 108,8 eta ez-energetikoak % 22,2 igo direlako.

Zifra horri esker, esportazioen aurtengo datua erregistrorik onena da serie historikoan eta sobera gainditzen ditu 2018ko 25.788 milioiak, % 26,2 gehiago, orain arte esportazio-balio handiena izan duen urtea.

Inportazioen kasuan (29.411 milioi) igoera % 39,7koa da 2021arekin alderatuta. Inportazio energetikoak % 88 igo ziren, eta ez-energetikoak, berriz, % 26,3. Inportazioei dagokienez ere serie historikoaren baliorik handiena da eta, hain zuzen ere, aurreko urteak, 2021ek jarraitzen dio, 21.060 milioiko zenbatekoan inportatu baitziren ondasunak urte horretan.

2022an % 110,6ko estaldura-tasa eta 3.127 milioiko merkataritza-saldo positiboa lortu dira, produktu ez-energetikoen saldoak (8.862 milioi euro) 5.735 milioiko energia-produktuen saldo negatiboa moteltzea lortu duelako.

Lurralde-mailan, esportazioen urte bikaina ere islatzen da bakoitzean, hirurek maximo historikoak markatzen baitituzte. Bizkaia da, 13.291,8 milioirekin (guztizkoaren % 40,8) esportazioen bultzadari gehien laguntzen diona, ondoren Gipuzkoa dator (9.904,7 milioi) eta azkenik Araba (9.341,9 milioi).

Bizkaiko esportazioek, gainera, urte arteko hazkunderik handiena izan dute (% 30,2), 2021ean baino 3.086,8 milioi gehiago. Araban, igoera % 27,3koa izan da (2.001,5 milioi gehiago) eta Gipuzkoan % 22,0koa (1.784,7 milioi gehiago).

Esportatutako produktu mota kontuan hartuta, ikusten da hazkundeak izan dituztela bai “Produktu energetikoen” esportazioek (1.485,6 milioi gehiago), bai “Produktu ez-energetikoen” esportazioek (2021ean baino 5.387,4 milioi gehiago).

Gehien saltzen diren hamar produktuek (partida arantzelarioak) guztizkoaren % 41,1 biltzen dute, 13.381,4 milioirekin.

“10 pertsona baino gutxiagoko turismoak” dira Euskal AEko esportazio-bolumen handieneko partida, 2.637,3 milioi esportatuta eta % 25,7ko hazkunde-tasarekin.

Gehien igo diren produktuen artean, nabarmentzekoak dira “Automotorrak trenbideetarako eta tranbia autopropultsatuetarako”, % 1.233,7rekin eta 458,4 milioi esportaturekin; “Hodi eta profil hutsak, soldadurarik gabeak, burdina edo altzairuzkoak” (% 105,9 eta 674,7 milioi) eta “Petrolio-olio finduak” (% 122,4, 2.620,6 milioirekin).

Beste gehikuntza garrantzitsu batzuk honako hauek izan dituzte: “Burdinazko edo aleatu gabeko altzairuzko profilak”, “Merkantziak garraiatzeko ibilgailu automobilak”, “Ibilgailu automobilen zati eta osagarriak” eta “Kautxuzko pneumatiko berriak”, % 32,5eko, % 13,0ko, % 20,5eko eta % 16,4ko aldakuntza positiboekin.

Aipamen berezia merezi dute “Biodiesela eta bere nahasteek” (% 126,1, 238 milioi esportatu baitira) eta “Aduana-tarifan berariaz jasota ez dauden merkantziek” (% 119,3, 2022an metatutako 501,4 milioiko metatuarekin).

Euskal AEko inportazioen metatua 29.411,5 milioi euro ingurukoa izan da 2022an. Urte arteko zifra hori alderatuta, ikusten dugu 8.351,6 milioitan gainditzen duela 2021eko aldi berean erregistratutakoa. % 39,7ko igoera horren arrazoia da, hein handi batean, Bizkaiko lurraldean (17.971,3 milioiko inportazioak) % 51,3ko hazkundea izan dela, hau da, aurreko urteko aldi berean baino 6.091,6 milioi gehiago. Inportazioek ere gora egin dute Araban (% 26,3, 1.191,6 milioi euro gehiagorekin) eta Gipuzkoan (% 23,0ko igoera eta 1.068,3 milioi euro gehiago); inportatutakoaren balioa bi lurralde horietan 5.721,6 eta 5.718,7 milioikoa da, hurrenez hurren, eta haien artean ia 3 milioi euroko alde txikia dago.

“Produktu energetikoen” inportazioa aurreko urtekoa baino % 88 handiagoa da, eta “Produktu ez-energetikoena” % 26,3 handiagoa.

Euskal AEko ondasunen kanpo-merkataritzak, 2022an, 3.127 milioi euroko saldo positiboa izan zuen, eta, horri esker, estaldura-tasa positiboa mantendu zen, % 110,6koa.

Jatorriko/helmugako herrialdeak 2022an

Esportazioen helmugako herrialdeen sailkapenaren buruan Alemania dago (5.000 milioi), ondoren Frantzia (4.958 milioi) eta, urrunago, Estatu Batuak (2.258 milioi), Herbehereak (2.011 milioi) eta Erresuma Batua (1.983 milioi). Horrela, bost herrialdeen artean esportazioen ia % 50 biltzen dira.

Beste herrialde garrantzitsu batzuk hauek dira: Italia (1.753 milioi), Belgika (1.747 milioi), Portugal (1.468 milioi) eta, urrunago, Polonia (738 milioi) eta Txina (712 milioi). Azken hamar horien artean, gure esportazioen helmuga nagusiak % 69,5 dira.

Inportazioei dagokienez, Alemania (3.770 milioi inportatu) eta Frantzia (2.466 milioi inportatu) dira, berriz ere, merkataritza-harremanen buru. Frantziatik oso hurbil dago Txina (2.166 milioi). Urtean mila milioitik gorako balioak dituzten beste herrialde batzuk Italia eta Herbehereak dira, bakoitza 1.326 eta 1.134 milioikoa. Mexiko (981,9 milioi), Erresuma Batua (965,6 milioi), Errusia (813,2 milioi), Irlanda (740,4 milioi) eta Belgika (718 milioi) gehituz gero, jatorriko hamar herrialdeek 15.081 milioi euro metatu dituzte guztira, hau da, inportatutako guztiaren % 51,3.

Estaldura-tasak % 132,6 dira Alemanian, eta % 201,1 Frantzian. Estatu Batuen kasuan, aurten % 107,8ra iristea lortzen da, eta, horrela, balantza komertzial pixka bat positiboa eratzen da herrialde horrekin alderatuta, hilabete batzuetako defizitaren ondoren. Herbehereetan tasa % 177,3koa da eta Erresuma Batuan % 205,4koa.

ARABA. 2022. urteko esportazioak

Araban, esportazioak % 27,3 hazi dira, neurri handi batean “10 pertsona baino gutxiagoko turismoek” izandako hazkundean oinarrituta (urte arteko % 26,9, 2.610 milioi esportatu dira guztira, eta Arabako esportazio guztien 27,9 dira), “Merkantziak garraiatzeko ibilgailu automobilek” izandakoak (% 13,5, 1.711,5 milioi, eta Arabako guztizkoaren % 18,3), “Hodi eta profil hutsak, soldadurarik gabeak, burdina edo altzairuzkoak” (% 242,1, 582,2 milioi esportatu baitira), “Ibilgailu automobilen zati eta osagarriak ” (% 43,9 eta 576,9 milioi) eta “Kautxuzko pneumatiko berriak” (432 milioi esportatu dira eta % 18,0ko igoera izan dute).

BIZKAIA. 2022. urteko esportazioak

Bizkaiko lurralde historikotik egindako esportazioak % 30,2 hazi dira aurreko urtearen aldean. 25 partida nagusietatik, hauek dira esportatzeko ahalegina gehien egiten dutenak: “Petrolioaren olio finduak” (% 122,9ko igoera 2.598,2 milioi esportatzeko guztirako, hau da, Bizkaiko guztizkoaren % 19,5), “Ibilgailu automobilen zatiak eta osagarriak” (% 15,1eko igoera eta 783,7 milioi euro guztira), “Kautxuzko pneumatiko berriak” (782,3 milioi esportatu eta % 15,4ko igoera) eta “Aduana-tarifan berariaz jasota ez dauden merkantziak” (% 125,4ko urte arteko hazkundea 475,2 milioi eurorekin).

GIPUZKOA. 2022. urteko esportazioak

Gipuzkoako esportazioak % 22,0 hazi dira 2022. urtean, eta, partida nagusien artean, honako hauek izan dituzten hazkundeak nabarmendu behar dira: “Automotorrak trenbideetarako eta tranbia autopropultsatuetarako” (% 1.233,7ko igoera), guztira 458,4 milioi esportatu baitira; horietatik 111 milioi Herbehereetara, 76 milioi Belgikara, 72 milioi Suediara, 44 milioi Israelera, 41 milioi Norvegiara eta 39 milioi Finlandiara, hamar herrialdetako multzo batean; “Burdinazko edo aleatu gabeko altzairuzko profilak” (% 31,5 eta 827,8 milioi), “Ibilgailu automobilen zati eta osagarriak” (% 12,0 eta 747,4 milioi) eta “Txorrotetarako artikuluak, balbulak eta antzekoak tutuetarako” (% 7,4 eta 411,1 milioi esportatu dira).

2022KO ABENDUA

Euskal AEko ondasunen esportazioak (2.338 milioi euro) % 12,3 igo ziren 2022ko abenduan, aurreko urteko hil beraren aldean, produktu energetikoak % 102,5 eta ez-energetikoak % 6,6 gehitu zirelako.

Inportazioen kasuan (2.463 milioi), % 25,7ko hazkundea izan da. Inportazio ez-energetikoak % 13,8 igo ziren eta energetikoak % 60,9.

2022ko abenduan, 125 milioiko merkataritza-saldo negatiboa eta % 94,9ko estaldura-tasa izan dira. Saldo horren negatibotasuna osagai energetikoak bertan izan duen aparteko pisuari zor zaio; izan ere, produktu energetikoek, 545 milioiko saldo negatiboarekin, indargabetu egiten dute produktu ez-energetikoek erregistratzen duten saldo positiboa (420 milioi).

Euskal AEko hiru lurralde historikoek urte arteko hazkunde-tasa positiboak dituzte esportazioetarako: % 6,5 Araban, % 22,4 Bizkaian eta % 5,5 Gipuzkoan. Bizkaiko esportazio ez-energetikoak % 7,8 hazi dira, Araban % 6,5 eta Gipuzkoan % 5,5. Esportazio energetikoak % 102,5 gehitu dira Bizkaian.

Araban, hilabete honetan “Metalak eta beren manufakturak” sektoreetan kontzentratzen dira esportazioak, % 47,4ko urte arteko gehikuntzarekin 131,2 milioiko guztizkorako, eta “Garraio Materialean” (guztizkoaren % 45,9), zeinak, % 8,2ko jaitsiera izan arren, bere esportazioak 258,3 milioi eurora iristen diren.

Gipuzkoan gora egin dute “Material, makina eta tresna elektrikoen” salmentek (% 14,6) baina behera egin dute “Metalak eta beren manufakturen” (-% 4,0) eta “Garraio Materialaren” salmentek (-% 20,6).

Bizkaian, aldiz, gehitu egin dira aipatutako “Garraio Materialaren” (% 10,9), “Material, makina eta tresna elektrikoen” (% 19,7) eta “Produktu mineral eta energetikoen” (% 103,2) esportazioak.

Jatorriko/helmugako herrialdeak, 2022ko abendua

2022ko abenduan, bost herrialdek (Frantzia, Alemania, Estatu Batuak, Belgika eta Erresuma Batua) osatzen dute Euskal AEko bezero nagusien taldea, esportatutako guztiaren % 50,5 (1.182 milioi) xurgatzen baitute. Horietako hiru EB27koak dira, % 59,3 biltzen duen erakundekoak.

Frantziara egindako esportazioak % 15,2 hazi dira, Estatu Batuetara egindakoak % 75,6, Erresuma Batura egindakoak % 20,8 eta Belgikara egindakoak % 27,0. Italiara (% 2,7) eta Portugalera (% 2,7) bideratutakoak ere gehitu egin dira. Aitzitik, jaitsi egin dira Herbehereetara (-% 39,5) eta Alemaniara (-% 2,9) bideratutakoak. Errusiako esportazioak % 69,5 jaitsi dira, 2021eko abenduan 22,3 milioi izatetik 2022an 6,8 milioi izatera.

Gure inportazioen % 45,2 EB27tik etorri dira. Europako herrialde garrantzitsuenen artean, Alemaniatik inportatutakoa nabarmentzen da (365,1 milioi, urte arteko % 58,9ko hazkundearekin); Erresuma Batutik etorritakoak ere areagotu egin dira (% 64,8, 129,5 milioi inportatuta), baina Frantziatik etorritakoak jaitsi egin dira (-% 0,9, 193 milioi inportatuta).

Munduko gainerako lurraldeak aztertuz gero, Estatu Batuetan (% 27,4, 128,9 milioi inportatuta), Mexikon (% 25,4, 108,8 milioi inportatuta), Iraken (97,9 milioi) eta Venezuelan (58,6 milioi) sortutako inportazioak indartzen dira. Aitzitik, Txinatik etorritakoak murriztu egin dira (-% 9,4 eta 161,2 milioi).

Errusiaren kasuan, % 10,0ko igoera izan da, 2021eko abenduan 142,2 milioikoa izatetik 2022ko hil berean 156,3 milioikoa izatera igaro baita. Horietatik 150 milioi “energiari” lotutakoak dira, zehazki, “Petrolio-gasa eta gainerako hidrokarburo gaseosoak” (84,8 milioi gas natural) eta “Petrolioaren olio finduak” (65,3 milioi sufre gutxiko gasolioa).

Gure energia-inportazioak honela banatu dira: 361 milioi Europatik (% 45,2) 150 milioi Errusiatik, 95 milioi Erresuma Batutik, 87 Norvegiatik eta 25 milioi Herbehereetatik; 217 milioi Amerikatik (% 27,2) 105 milioi Mexikotik, 59 Venezuelatik, 32 milioi Estatu Batuetatik eta 22 Trinidad eta Tobagotik; 122 milioi Afrikatik (% 15,3), gehienak Libiatik (95,6 milioi); eta, azkenik, 98 milioi Asiatik (% 12,3), oso-osorik Iraketik.

Merkaturatutako produktuak, 2022ko abendua

Xehetasunera jaitsiz, ikusten da 2022ko abenduan hamar partida arantzelario nagusiek esportazioen % 37,9 bildu zutela, 886,5 milioi euroko balio bateratuarekin.

Talde horren barruan, nabarmentzekoak dira honako partida hauen hazkunde-tasak: “Petrolioaren olio finduak” (% 93,2ko aldakuntza positiboa eta 229 milioi esportatu, hau da, aurreko urteko hil berean baino 110,6 milioi gehiago), “10 pertsona baino gutxiagoko turismoak” (% 26,2ko igoera 142,2 milioi esportaturekin), “Hodi eta profil hutsak, soldadurarik gabeak, burdina edo altzairuzkoak” (% 59,0 50,9 milioi esportatu dira), “Automotorrak trenbideetarako eta tranbia autopropultsatuetarako”, 0 milioitik 32 milioira igaro zena, eta “Aduana-tarifan berariaz jasota ez dauden merkantziak” (% 716,9ko urte arteko hazkundea 43,8 milioi eurorekin).

Inportazioen kasuan, eta partida arantzelarioetarako, garrantzitsuena, “Petrolio edo mineral bituminosoko olio gordinak” (guztizkoaren % 23,1) % 66,1eko hazkundea izan du, 2021eko hilabete berean baino 226,3 milioi gehiago, guztira 568,6 milioiko erosketetarako.

Joera positibo horrekin bat datoz partida arantzelario nagusi gehienak, eta nabarmentzekoak dira, besteak beste, “Biodiesela eta bere nahasteen” hazkundea (26,5 milioi inportatu eta 35,2 milioi esportatu dira), “Petrolio-gasa eta gainerako hidrokarburo gaseosoena” (aparteko igoera izan du hilabete honetan, eta sailkapeneko bigarren postuan jarri da, 135,4 milioi inportaturekin).

Informazio gehiagorako:

Eustat - Euskal Estatistika Erakundea / Instituto Vasco de Estadística Donostia-San Sebastián kalea, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62