2024/05/20ko prentsa-oharra

KANPO-MERKATARITZAREN ESTATISTIKA (KAMEE). 2024ko martxoa

2024ko martxoan esportazioek % 23,7 egin dute atzera Euskal AEn

Lehen hiruhilekoko metatuan atzerakada % 15,9koa izan da, eta hiru lurraldeek datu negatiboak izan dituzte

Euskal AEko ondasunen esportazioak 2.528,9 milioi eurora iritsi ziren 2024ko martxoan, aurreko urteko hil berean baino % 23,7 gutxiago, Eustatek landutako datuen arabera. Produktuei erreparatuz, esportazio energetikoak % 25,9 gehitu ziren eta ez-energetikoak % 26 jaitsi.

Inportazioen kasuan, % 17,1eko beherakada izan da, produktu energetikoen kasuan % 6,8koa eta ez-energetikoen kasuan % 20,6koa.

Merkataritza-saldoa positiboa da, 398 milioi eurokoa, % 118,7ko estaldura-tasarekin.

Hilabete honetan, Arabako esportazioak % 23,9 jaitsi dira, Bizkaikoak % 22,3 eta Gipuzkoakoak % 24,9. Esportazio energetikoak, Bizkaian, % 28,3 gehitu dira aurreko urteko hil beraren aldean.

Bilakaera horiek baloratzeko orduan, kontuan izan behar da 2023ko martxoan esportazioek 3.312,3 milioi euroko zifra errekorra lortu zutela.

2024ko martxoan merkaturatutako produktuak

Produktuen xehetasunei dagokienez, ikus daiteke 2024ko martxoan hamar muga-zergen partida nagusiek esportazioen % 39,5 bildu zituztela, 999,4 milioi euroko baterako balioarekin.

25 muga-zergen partida nagusien taldean, azpimarratzekoak dira horietako lautan izandako hazkundeak: "Petrolioaren olio finduak" (% 22,5 eta 166,4 milioi esportatu), "Trenbideetarako eta tranbia autopropultsatuetarako automotoreak" (% 37,6 eta 42,4 milioi), "Aluminiozko txapak eta tirak, 0,2 mm-tik gorako lodierakoak" (% 86,7) eta "Beste inon sartzen ez diren bestelako makina eta aparatu mekanikoak" (% 164,8).

"10 pertsona baino gutxiagoko turismoak" % 35,6 jaitsi dira, "Salgaiak garraiatzeko ibilgailu automobilak" % 12,4, "Kautxuzko pneumatiko berriak" % 39,8, "Hodi eta profil hutsak, soldadurarik gabeak, burdinazkoak edo altzairuzkoak" % 53,6, "Ibilgailuen zatiak eta osagarriak" % 16,2 eta "Burdinazko edo aleatu gabeko altzairuzko profilak" % 51,5.

Inportazioen kasuan, eta muga-zergen 25 partida garrantzitsuenen kasuan, hazkunde esanguratsuak honako hauetan kontzentratzen dira: "Petrolioaren edo mineral bituminosoaren olio gordinak" (% 2,7 eta 382,0 milioi inportatu), "Petrolioaren olio finduak" (% 19,1 eta 215,9 milioi), "Enbolo, diesel edo erdi-diesel motorrak" (% 15,8), "Ibilgailu automobilen zatiak eta osagarriak" (% 8,9) eta "Nikel gordin aleatu edo aleatu gabea" (% 46,7).

Jaitsiera esanguratsuenak hurrengo produktuetan izan dira: "Motor eta sorgailu elektrikoak (multzo elektrogenoak izan ezik)" (-% 65,8), "Soja-babak, hautsiak ere bai" (-% 53,4), "Ferroaleazioak" (-% 44,6), "Produktu lau ijeztuak, aleatu gabeko burdinazkoak edo altzairuzkoak, baina xaflatuak edo estaliak > 599 mm" (-% 37,6), "Burdinurtuzko, burdinazko edo altzairuzko txatarra" (-% 35,9), "Berotan ijeztutako produktu lauak, aleatu gabeko eta txapatu edo estali gabeko produktuak > 599 mm" (-% 32,6) eta "Metagailu elektrikoak eta horien zatiak" (-% 21,9).

ARABA. 2024ko martxoko esportazioak

Araban esportazioak % 23,9 gutxitu dira aurreko urteko hil beraren aldean. Portaera hori, funtsean, honako hauetan zentratzen da: "10 pertsona baino gutxiagoko turismoak" (-% 35,8, 175,3 milioi); "Salgaiak garraiatzeko ibilgailu automobilak" (-% 12,5, 168,9 milioi esportatuta), eta "Hodi eta profil hutsak, soldadurarik gabeak, burdinazkoak edo altzairuzkoak" (31,8 milioi eta -% 56,9).

Hala ere, "Kautxuzko pneumatiko berriak" (62,1 milioi) % 10,3 hazi dira.

BIZKAIA. 2024ko martxoko esportazioak

Bizkaiko lurralde historikotik egindako esportazioek % 22,3 egin dute behera, honako produktu garrantzitsu hauen jaitsieren ondorioz: "Kautxuzko pneumatiko berriak" (-%73,5, 61,9 milioi gutxiago), "Altzairu herdoilgaitzezko barra eta profilak" (-%50,3), "Xerratu gabeko arrain izoztua" (-%37,2), "Gainerako aleazio-altzairu eta zulatzeko barra hutsetako barrak eta profilak" (-%32,0) eta "Ibilgailuen zatiak eta osagarriak" (-%20,2). Produktu horiek eragin dute emaitza negatibo horren % 41,8 Bizkaian.

Nabarmentzekoa da "Petrolio-olio finduak", atzeraldi-garai baten ondoren, % 25,0 hazi direla eta 164,8 milioira iritsi direla.

GIPUZKOA. 2024ko martxoko esportazioak

Gipuzkoako esportazioek % 24,9 egin dute atzera hilabete honetan, nahiz eta hazkunde nabarmenak izan diren honako partida hauetan: "Trenbideetarako automotorrak eta tranbia autopropultsatuak" (% 37,6, 42,4 milioi euro esportatuta) eta "Hamar pertsona edo gehiago garraiatzeko ibilgailu automobilak, gidaria barne" (% 63,5 eta 20,7 milioi), ez baitituzte beste partida batzuen atzerakadak konpentsatzen, hala nola: "Burdinazko edo aleatu gabeko altzairuzko profilak" (-% 55,2) eta "Ibilgailuen zatiak eta osagarriak" (-% 11,2).

Xede-herrialdeak, 2024ko martxoa

Hil honetan, bost herrialde dira Euskal AEko bezero nagusiak: Frantzia, Alemania, Estatu Batuak, Italia eta Erresuma Batua. Esportatutako guztiaren % 51,5 (1.303 milioi) bereganatzen dute, eta horietako hiru EB-27koak dira; eta erakunde horrek % 65,6 biltzen du.

Frantzia, 460,5 milioi eurorekin, herrialdeen rankingeko lehen postuan dago esportazioen helburuaren arabera, eta, 700 produktu-moten artean, hauek nabarmentzen dira: "Petrolio-olio finduak" (100,3 milioi), "Ibilgailu automobilen zatiak eta osagarriak" (32,4 milioi), "Kautxuzko pneumatiko berriak" (21,0 milioi), "Salgaiak garraiatzeko ibilgailu automobilak" (17,9 milioi) eta "10 pertsona baino gutxiagoko turismoak" (11,4 milioi).

Alemaniarako esportazioak 374,7 milioi eurokoak izan dira hilabete honetan, eta batez ere automobilaren sektorearekin lotutakoetan kontzentratzen dira (guztizkoaren % 50,2): "10 pertsona baino gutxiagoko turismoak" (84,5 milioi), "Salgaiak garraiatzeko ibilgailu automobilak" (51,2 milioi), "Ibilgailu automobilen zatiak eta osagarriak" (37,5 milioi) eta "Kautxuzko pneumatiko berriak" (14,8 milioi), 418 produktu desberdinetarako.

Estatu Batuetara 160,2 milioi euroko esportazioa egin da. Erosketen buruan "Biodiesela eta haren nahasketak" (12,8 milioi), "Soldadurarik gabeko burdinazko edo altzairuzko hodi eta profil hutsak" (12,2 milioi) eta "Turborreaktoreak, turbopropultsatzaileak eta gainerako gas-turbinak, horien zatiak eta osagaiak barne" (10,5 milioi) daude, 334 produktu desberdinentzat.

Italiak, hil honetan, Euskal AEko esportazio guztien % 6,3 hartzen du (159,5 milioi), eta bere transakzioetan automobilgintza da nagusi: "Salgaiak garraiatzeko ibilgailu automobilak" (12,6 milioi), "Kautxuzko pneumatiko berriak" (9,2 milioi), "10 pertsona baino gutxiagoko turismoak" (8,1 milioi), "Ibilgailu automobilen zatiak eta osagarriak" (4,9 milioi) eta "Hamar pertsona edo gehiago garraiatzeko ibilgailu automobilak" (4,7 milioi).

Erresuma Batua bosgarren postuan dago hilabete honetan, 148,0 milioirekin; horietatik 13,8 milioi "Turborreaktoreak, turbopropultsatzaileak eta gainerako gas-turbinak, horien zatiak eta osagaiak barne", 12,3 milioi "Aleatu gabeko burdinazko edo altzairuzko profilak" eta 5,5 milioi "Xaflaz, barraz, profilez, hodiz eta burdinurtuzko, burdinazko edo altzairuzko antzeko eraikuntzez egindako eraikuntzak" dira; hiru produktu horietaz gain, garrantzitsuenak automobilaren sektorean kontzentratzen dira, 37 milioi eurotik gora, herrialde horretara esportatutako guztiaren laurdena izanik.

2024KO LEHEN HIRUHILEKOA: kanpo-merkataritzaren saldoak 1.021,7 milioi euroko superabita izan du, eta estaldura-tasa % 115,7koa izan da

2024ko lehen hiru hilabeteetan eta Euskal AEko esportazioetan urte arteko % 15,9ko jaitsiera erregistratu da, hau da, aurreko urteko aldi berean baino 1.427,3 milioi euro gutxiago. Aldi horretarako esportazioen zenbatekoa 7.529 milioikoa da, eta Bizkaiak (2.871 milioi) esportatzen du gehien (guztizkoaren % 38); ondoren, Gipuzkoak (2.358 milioi) eta Arabak (2.300 milioi).

Arabako esportazioek izan dute urte arteko jaitsierarik handiena (-% 19,6), 2023an baino 559 milioi gutxiago. Gipuzkoan % 12,3 jaitsi da (331,8 milioi gutxiago) eta Bizkaian % 15,7 (536,5 milioi gutxiago).

Esportatutako produktu-motari dagokionez, "Produktu energetikoen" esportazioak pixka bat hazi dira (% 0,3), aurreko urteko hiruhileko berean baino 1,3 milioi gehiago. Aitzitik, "Produktu ez-energetikoek" % 16,9 egin dute atzera.

Gehien saldutako hamar produktuek guztizkoaren % 39,8 biltzen dute, 2.994,5 milioirekin. "10 pertsona baino gutxiagoko turismoak" dira, aldi horretan, Euskal AEko esportazio-bolumen handieneko partida, 614,0 milioi esportatu baititu, eta urte arteko aldakuntza-tasa -% 27,8koa da.

Esportatzeko duten grinagatik gehien nabarmentzen diren produktuen artean, lehen aipatutakoa ez da tonika negatiboa duen bakarra; egoera berean daude "Salgaiak garraiatzeko ibilgailu automobilak" (-% 27,6), "Kautxuzko pneumatiko berriak" (-% 21,3), "Petrolio-olio finduak" (-% 9,4), "Soldadurarik gabeko burdinazko edo altzairuzko hodi eta profil hutsak" (-% 38,6), "Aleatu gabeko burdinazko edo altzairuzko profilak" (-% 29,3), "Altzairu herdoilgaitzezko barrak eta profilak" (-% 43,0) ahaztu gabe.

25 partida nagusien barruan, hazkunderik nabarmenenak honako produktu hauetan erregistratu dira: "Petrolioaren edo mineral bituminosoaren olio gordinak" (% 1.836,2), "Turborreaktoreak, turbopropultsatzaileak eta gainerako gas-turbinak, horien zatiak eta osagaiak barne" (% 38,6), "Hamar pertsona edo gehiago garraiatzeko ibilgailu automobilak, gidaria barne" (% 45,9) eta "Ibilgailu automobilen zatiak eta osagarriak" (% 4,3).

Esportazioen xede diren herrialdeen sailkapenaren buruan Frantzia dago (1.330 milioi), ondoren Alemania (1.122 milioi) eta, urrunago, Erresuma Batua (507 milioi), Estatu Batuak (497 milioi) eta Italia (468 milioi). Horrela, bost herrialdeen artean esportazioen % 52 biltzen dira.

Euskal AE osorako inportazioen metatua 6.508 milioi euro ingurukoa da. Zifra hori urte artean alderatuz gero, ikusten da 2023ko aldi berean erregistratutakoa baino 620 milioi txikiagoa dela. % 8,7ko jaitsiera hori, hein handi batean, Bizkaiko lurraldean, 3.867,3 milioiko inportazioekin, % 6,9ko jaitsiera izan delako gertatu da, hau da, aurreko urteko aldi berean baino 285,9 milioi gutxiago. Inportazioek ere behera egin dute Araban (% 13,2, 211,5 milioi euro gutxiago) eta Gipuzkoan (% 8,9ko beherapena, urte arteko 123 milioi euroko atzerapenarekin). Inportatutakoaren balioa 1.388,3 eta 1.251,7 milioi eurokoa da, hurrenez hurren, bi lurralde horietan.

"Produktu energetikoen" inportazioa aurreko urteko aldi berekoa baino % 6 handiagoa da, eta "Produktu ez-energetikoena" % 13,3 txikiagoa.

Euskal AEko ondasunen kanpo-merkataritzak, 2024ko lehen hiru hilabeteetan, 1.021,7 milioi euroko saldo positiboa izan du, eta estaldura-tasa positiboa mantentzea ahalbidetzen du, % 115,7koa.

Informazio-oharra

Kanpo-merkataritzako datu esploratzailea

Eustatek jakinarazten du bistaratzeko tresna berri bat eskaintzen duela, Euskal AEko ondasunen nazioarteko merkataritzari buruzko informazio guztia modu bisual eta intuitiboan eskuratzeko aukera ematen duena, orain arte eskainitakoaren osagarri.

Gogora dezagun, halaber, Elkano erabil dezakezula kanpo-merkataritzari buruzko datuen kontsulta xehatuak eta eguneratuak egiteko.

Informazio gehiago:

Eustat - Euskal Estatistika Erakundea / Instituto Vasco de Estadística C/ Donostia-San Sebastián, 1 01010 Vitoria-Gasteiz Prentsa-zerbitzua: servicioprensa@eustat.eus Tlf: 945 01 75 62