2025/04/22ko prentsa-oharra

KANPO-MERKATARITZAREN ESTATISTIKA (KAMEE). 2025eko otsaila

Ondasunen esportazioak % 2,4 igo ziren 2025eko otsailean Euskal AEn

Esportazioek % 1 egin dute behera 2025eko lehen bi hilabeteetako metatuan, baina 437 milioi euroko merkataritza-saldo positiboa mantendu da

Eustaten datuen arabera, Euskal AEko ondasunen esportazioek urte arteko % 2,4ko igoera izan zuten 2025eko otsailean. Zenbatekoa 2.686 milioi eurokoa izan zen, aurreko urteko hilabete bereko 2.624 milioien aldean. Energia-produktuen esportazioak % 39,9 jaitsi ziren eta ez-energetikoenak % 5,8.

Arabako esportazioak % 13,1 igo ziren eta Gipuzkoakoak % 1,4; Bizkaikoak, aldiz, % 5,3 jaitsi ziren.

Euskal AEko ondasunen inportazioak % 10,0eko igoerarekin 2.329 milioi eurora iritsi ziren. Inportazio energetikoak % 24,4 hazi ziren eta ez-energetikoak % 5,9. Merkataritza-saldoa positiboa izan da (356,6 milioi) eta estaldura-tasa hilabete horretan % 115,3koa izan da.

Arabako inportazioak % 4,3 hazi dira, Bizkaikoak % 14,0 eta Gipuzkoakoak % 6,7.

Lau esportazio-partida nagusiak, 745,8 milioi euro merkaturatuta, automobilaren sektorearekin lotuta daude, eta guztizkoaren % 27,8 biltzen dute; guztira, % 14,5eko igoera izan dute 2024ko otsailarekin alderatuta

Xehetasunak aztertuz, hilabete honetan 958 esportazio-partiden rankingaren buruan honako hauek daude: "10 pertsona baino gutxiagoko turismoak", 339,1 milioi merkaturatuta eta aurreko urteko hilabete beraren aldean % 67,1eko igoerarekin; "Ibilgailu automobilen zatiak eta osagarriak" (178,4 milioi esportatuta eta % 14,9ko jaitsierarekin); "Salgaiak garraiatzeko ibilgailu automobilak", (138,1 milioi eta % 3,1eko atzerakada); "Kautxuzko pneumatiko berriak" (90,3 milioi eta % 14,2ko jaitsiera) eta "Petrolioaren olio finduak" (74,5 milioi, aurreko urtean merkaturatutakoak baino 63 gutxiago, % -45,8). Bost partida horiek otsailean merkaturatutako guztizkoaren % 30,5 hartzen dute, eta guztira 820,4 milioi euroko balioa dute. Aipatzekoa da, halaber, ondoko partida hauen esportazioen hazkunde handia: "Trenbideetarako eta antzekoetarako bidaiarien kotxeak, bagajeak, posta, etab." (% 143,6) eta "Turborreaktoreak, turbopropultsatzaileak eta gainerako gas-turbinak, horien zatiak eta osagaiak barne" (% 50,5).

Araban, muga-zergen partida nagusia "10 pertsona baino gutxiagoko turismoak" izan zen, eta esportatutako guztiaren % 36,2 hartu zuen. Gainera, esportatutako balioak 122,7 milioiko gorakada izan zuen aurreko urteko hilabete beraren aldean, hau da, % 61,5 gehiago. "Trenbideetarako edo antzekoetarako ibilgailuen zatiak" partida ere nabarmen hazi da (% 218,8); aldiz, "Ibilgailuen zati eta osagarrien" salmentak D % -28,6) atzera egin dute.

Bizkaian, nabarmentzekoa da "Soja-olioaren" sarrera rankingean 19,6 milioi esportatuta eta baita ondoko partiden hazkundea ere: "Turborreaktoreak, turbopropultsatzaileak eta gainerako gas-turbinak, horien zatiak eta osagaiak barne" (% 47,0) eta "Burdinurtu, burdina edo altzairuzko txapa, barra, profil, hodi eta antzekoez egindako eraikuntzak" (% 97,9). Aitzitik, negatiboak izan dira "Petrolioaren edo mineral bituminosoaren olio gordinak" (% -59,0), "Petrolioaren olio finduak" (% -46,5) eta "Ibilgailuen zati eta osagarriak" (% -16,3) partiden esportazioak.

Gipuzkoan igoera nabarmenak izan dira ondoko partidetan: "Trenbideetarako eta antzekoetarako bidaiari-kotxeak, bagajeak, posta, etab." (% 147,4), "Trenbideetarako edo antzekoetarako ibilgailuen zatiak" (% 49,0) eta "Hoditeriarako txorrota-gaiak, balbulak eta antzeko organoak" (% 46,8). Hala ere, % 40,9 jaitsi da "Hamar pertsona edo gehiago garraiatzeko ibilgailu automobilak, gidaria barne" partida.

Inportazioak aztertuz gero, aipagarriena, "Petrolioaren edo mineral bituminosoaren olio gordinak" (guztizkoaren % 18,7), % 20,9 hazi da 435 milioi inportatuta. Hurrengo partidak, "Petrolio-olio finduak", % 14,6 egin du behera, aurreko urteko hilabete berean baino 15,7 milioi gutxiagorekin. Hala ere, nabarmen hazi dira "Petrolio-gasa eta gainerako hidrokarburo gaseosoak", 55,9 milioi inportatuta (% 146,5 gehiago), "Aluminio gordina" (% 350,3ko igoera eta 448,2 milioi inportatuta) eta "10 pertsona baino gutxiagoko turismoak" (% 796,1), Arabatik ia 32,8 milioi erosita.

Europar Batasunak esportazioen % 60,3 hartu zuen

Hilabete honetan, esportazio-rankingeko lehenengo postuetan honako hauek daude:

- Alemania: herrialde horretara 414,1 milioi euroko balioa duten ondasunak esportatu dira, eta estaldura-tasa % 121,0koa izan da.

- Frantzia: 387,1 milioiko balioa duten Euskal AEko produktuak jasotzen ditu, % 213,4ko estaldura-tasarekin.

- Erresuma Batua: 173,4 milioi euroko balioarekin esportatu da, % 348,2ko estaldura-tasarekin.

- Estatu Batuak: gure esportazioetatik 158,1 milioi bideratu dira herrialde horretara, eta estaldura-tasa eskasa lortu da, % 88,7koa.

- Italia: herrialde horretara salmentak 147 milioira iritsi dira, eta estaldura-tasa % 138,2koa izan da.

Herrialde horiek esportazio guztien % 47,6 hartzen dute, eta horietako hiru EB-27koak dira, hau da, EB-27ak esportazio horien % 60,3 hartzen du.

Euskal AEko ondasunen kanpo-merkataritzak 437 milioi euroko saldo positiboa izan du 2025eko lehen bi hilabeteetako metatuan

Lehenengo bi hilabeteetan, Euskal AEko esportazioak % 1 gutxitu dira aurreko urteko aldi beraren aldean; hau da, 50 milioi euro gutxiago. Esportazioen zenbatekoa 4.950 milioikoa izan da aldi horretan.

Bizkaiko esportazioak dira Euskal AEko altuenak, 1.731 milioi guztira; Arabakoak 1.645 milioi eta Gipuzkoakoak 1.574 milioi.

Produktu mota kontuan hartuta, "Produktu ez-energetikoak" dira ugarienak, 4.801,6 milioi eurorekin.

Xehetasunak aztertuz, honako hauen esportazioek egin dute gora (% 34,7): "10 pertsona baino gutxiagoko turismoak" (587,9 milioi esportatuta), "Bidaiari-autoak, bagajeak, posta eta abar trenbideetarako eta antzekoetarako" (62,6 milioi esportatuta), "Turborreaktoreak, turbopropultsatzaileak eta gainerako gas-turbinak, horien zatiak eta osagaiak barne" (77,3 milioi) eta "Soja-olioa" (44,1 milioi esportatuta). Atzerapen handienak ondoko partida hauetan egon dira: "Ibilgailu automobilen zatiak eta osagarriak" (aurreko urtean baino 50,6 milioi gutxiago), "Kautxuzko pneumatiko berriak" (% -23,3), "Petrolio-olio finduak" (154,8 milioi eta % 63,6 gutxiago) eta "Salgaiak garraiatzeko ibilgailu automobilak" (31,3 milioi eta % 11,3 gutxiago).

2025eko lehen bi hilabete horietako rankingean, Frantzia da herrialde hartzaile nagusia, esportatutako guztizkoaren % 15,5 hartuta (767,5 milioi). Frantziaren atzetik, Alemania (% 15,0 eta 741,9 milioi) eta Erresuma Batua (% 6,6 eta 328,3 milioi) daude. Horrela, EAEko esportazioen % 37,1 hiru herrialde horien artean banatzen da.

Metatutako inportazioak 4.513 milioi eurokoak izan ziren Euskal AE osoan. Urte arteko alderaketa eginda, aurreko urteko aldi berean erregistratutakoa baino 136 milioi handiagoa dela ikusten da. Igoera horren arrazoia, neurri batean, Arabako lurraldean metatutako 1.062 milioi euroko inportazioak dira, aldi horretarako % 16,6ko hazkundea izanda; hau da, 2024ko aldi berean baino 151,2 milioi gehiago. Gipuzkoako inportazioak ere 85 milioi gehiago hazi dira, (% 10,0), guztira 930,6 milioi. Bizkaian % 3,8 jaitsi dira (100 milioi gutxiago), guztira 2.520 milioi. "Produktu energetikoen" inportazioak % 7,9 egin du behera, baina "Produktu ez-energetikoen" inportazioak % 7,3 egin du gora.

Aldi horretan inportatutako produktu-partidak aztertuta, ikusten da rankingeko lehenengo postuan “Petrolioaren edo mineral bituminosoaren olio gordinak” daudela (688,6 milioi, aurreko urtean baino 127 gutxiago, hau da, % 15,6 gutxiago) eta bigarrenean, berriz, “Petrolioaren olio finduak” (309,2 milioi gehiago inportatu dira, eta % 8,2ko hazkundea izan dute). Partida horien atzetik datoz "Ibilgailu automobilen zatiak eta osagarriak" (130,8 milioi), "Produktu lau ijetziak, aleatu gabeko burdinazkoak edo altzairuzkoak, baina xaflatuak edo estaliak > 599 mm" (106,4 milioi) eta "Petrolio-gasa eta gainerako hidrokarburo gaseosoak" 104,4 milioi inportatuta.

Euskal AEko ondasunen kanpo-merkataritzak 437,3 milioi euroko saldo positiboa izan du urteko lehenengo bi hilabeteetan, eta estaldura-tasa % 109,7koa izan da.

Informazio gehiago:

Eustat - Euskal Estatistika Erakundea / Instituto Vasco de Estadística Donostia kalea 1, 01010 Vitoria-Gasteiz Prentsa-zerbitzua: servicioprensa@eustat.eus Tel: 945 01 75 62