2025-05-19ko prentsa-oharra

KANPO-MERKATARITZAREN ESTATISTIKA (KAMEE). 2025eko martxoa

Euskal AEko esportazioek % 6,6 egin dute gora 2025eko martxoan

753 milioi euroko merkataritza-saldo positiboarekin, % 1,6koa izan da hazkunde metatua lehenengo hiruhilekoan.

Eustaten datuen arabera, Euskal AEko ondasunen esportazioak 2.696 milioi eurokoak izan ziren 2025eko martxoan, aurreko urteko hil berean baino % 6,6 handiagoak. Energiazkoak ez diren esportazioek % 10,2 egin zuten gora eta energiazkoek % 38,3 egin zuten behera.

Inportazioen kasuan, % 11,7ko izan da hazkundea, energiazkoak ez diren produktuen kasuan % 24,3koa eta energia-produktuen kasuan % 20,1ekoa.

2025eko martxoan, merkataritza-saldoa positiboa izan zen 316 milioi eurorekin eta % 113,3ko estaldura-tasarekin.

Hilabete horretan Bizkaiko esportazioek % 2,0ko atzerakada izan zuten, Gipuzkoan % 10,1ekoa eta Araban % 14,0koa. Esportazio energetikoak, Bizkaian, % 38,8 jaitsi dira aurreko urteko hil beraren aldean.

2025eko martxoan merkaturatutako produktuak

Produktuen xehetasunetara jaitsiz gero, muga-zergen hamar partida nagusiek esportazioen % 39,7 bildu zutela ikusten da, guztira 1.070,6 milioi euro.

Muga-zergen 25 partida nagusien taldearen barruan, nabarmentzekoak dira lau partidatan izandako igoerak: alde batetik, "Bizarra kentzeko, zorrozteko, harriz lantzeko, artezteko, leuntzeko edo metal edo zermeterako beste akabera-eragiketa batzuk egiteko makina-erremintak" (% 525,4 eta 26 milioi), "Burdinbide eta antzekoetarako ibilgailuen parteak" (% 252,2 eta 64 milioi) eta "Bero bidez materiak tratatzeko aparatuak" (% 231,5 eta 25,3 milioi); eta, bestetik, "10 pertsona baino gutxiagoko turismoak" partida (% 61,5 eta 286,8 milioi esportatuta), guztizko hazkundeari pisu handia gehitzen diona.

"Petrolioaren olio finduak" % 33,4 jaitsi dira eta "Zamak garraiatzeko ibilgailu automobilak" % 40,4; lehenengoak, aurreko urteko hil berean baino 55,7 milioi gutxiago eta, bigarrenak, 68,4 milioi gutxiago.

Inportazioen kasuan, eta muga-zergen 25 partida garrantzitsuenei dagokienez, honako hauetan metatzen dira hazkunde esanguratsuenak: "Petrolio-gasa eta gainerako hidrokarburo gaseosoak" (% 3.224,3 eta 56,4 milioi inportatu dira, ia guztiak Errusiatik), "10 pertsona baino gutxiagoko turismoak" (% 1.560,0 eta 47,3 milioi inportatu dira, horien artean, 31,3 milioi Alemaniatik, 4,6 milioi Hungariatik eta 3,5 milioi Estatu Batuetatik), "Zamak garraiatzeko ibilgailu automobilak" (% 673,5, 30,6 milioi inportatu dira, horien artean, 25,8 milioi Alemaniatik, 3,1 milioi Erresuma Batutik eta 1,2 milioi Portugaldik) eta “Burdinurtuzko, burdinazko edo altzairuzko txatarra "(% 79,4 eta 54,3 milioi, horien artean, 32,5 milioi Frantziatik eta 11 milioi Erresuma Batutik, besteak beste).

ARABA. 2025eko martxoko esportazioak

Araban esportazioak % 14,0 igo dira aurreko urteko hil beraren aldean. Horren arrazoia, funtsean, honako hauen salmenten portaera ona da: "10 pertsona baino gutxiagoko turismoak" (271,3 milioi euro eta % 54,8ko hazkundea), "Burdinbide eta antzekoetarako ibilgailuen parteak" (% 25,3 milioi eta % 768,7ko igoera) eta "Hodiak eta profilak hutsak, soldadurarik gabe, burdinazko edo altzairuzkoak" (46,4 milioi eta % 46,2ko hazkundea).

"Zamak garraiatzeko ibilgailu automobilak", aldiz, nahiz eta 99,9 milioi euro saldu diren,% 40,9 jaitsi dira.

BIZKAIA. 2025eko martxoko esportazioak

Hainbat produktutan izandako jaitsiera garrantzitsuen ondorioz, Bizkaiko lurralde historikotik egindako esportazioek % 2,0 egin dute behera. Produktu horien artean daude, "Petrolioaren olio finduak" (% -33,9, aurreko urteko hilabete berean baino 55,8 milioi gutxiago) edo " Automobilentzako zati eta osagarriak " (% -13,3 eta 10,3 milioi gutxiago).

Kontrako noranzkoan, nabarmen hazi dira honako hauen salmentak: "Bero bidez materiak tratatzeko aparatuak" (% 1.116,5 eta 19,4 milioi), "Soja-olioa" (% 69,0 eta 22 milioi) eta "Turborreaktoreak, turbopropultsatzaileak eta gainerako gas-turbinak, bere piezak eta osagaiak barne" (% 47,2 eta 41,8 milioi).

GIPUZKOA. 2025eko martxoko esportazioak

Gipuzkoako esportazioak % 10,1 hazi dira hilabete honetan, produktu nagusi gehienek portaera ona izan dutelako, hala nola: "Burdinazko edo aleatu gabeko altzairuzko profilak" (% 48,5, 61,7 milioi esportatuta), "Txorrotetarako artikuluak, balbulak eta antzekoak tutuetarako" (% 48,9 eta 53,4 milioi), "Ontziak eta paketatzeko aparatuak garbitzeko, betetzeko, ixteko, etiketatzeko makinak" (% 70,8 eta 21,2 milioi), baina, batez ere, "Burdinbide eta antzekoetarako ibilgailuen parteak" (% 156,7 eta 37,7 milioi) eta "Bizarra kentzeko, zorrozteko, harriz lantzeko, artezteko, leuntzeko edo metal edo zermeterako beste akabera-eragiketa batzuk egiteko makina-erremintak" (% 544,0 eta 26 milioi).

2025eko martxoko xede-herrialdeak

Hilabete honetan, esportazio-rankingeko lehenengo postuetan honako hauek daude:

- Frantzia: 429,0 milioi euroko balioa duten ondasunak esportatu dira herrialde honetara, % 198,9ko estaldura-tasarekin.

- Alemania: 392,1 milioiko balioa duten Euskal AEko produktuak jasotzen ditu, % 94,9ko estaldura-tasarekin.

- Italia: herrialde honetara bideratutako salmentak 170,2 milioira iritsi dira, eta estaldura-tasa % 144,4koa izan da.

- Erresuma Batua: 164,9 milioi euroko balioa esportatu da, % 310,6ko estaldura-tasarekin.

- Estatu Batuak: 160,6 milioi euro bideratu dira herrialde honetara eta % 178,2ko estaldura-tasa lortu da.

Herrialde horiek esportazio guztien % 48,8 hartu dute, eta horietako hiru EB-27koak dira, hau da, EB-27ak esportazio horien % 62,9 hartu du.

2025eko LEHEN HIRUHILEKOA: Euskal AEko ondasunen kanpo-merkataritzak 753 milioi euroko saldo positiboa izan du, eta estaldura-tasa % 110,9koa izan da 2025eko lehen hiru hilabeteko metatuan

Euskal AEko esportazioak % 1,6 igo ziren aurreko urteko aldi beraren aldean, hau da, 117 milioi euro gehiago. Esportazioen zenbatekoa 7.646 milioikoa izan zen aldi horretan.

Bizkaiko esportazioak Euskal AEko altuenak dira, 2.680 milioi; Gipuzkoak 2.470 milioi esportatu ditu eta Arabak 2.496 milioi.

Produktu mota kontuan hartuta, "energiazkoak ez diren gaiak" dira ugarienak, 7.381,6 milioi eurorekin.

Xehetasunetara jaitsiz, ondoko gaien esportazioek egin dute gora (% 42,5): "10 pertsona baino gutxiagoko turismoak" (874,7 milioi esportatuta), "burdinbide eta antzekoetarako ibilgailuen parteak" (% 157,4 eta 109,8 milioi) eta "soja-olioak" D % 196,1 eta 66,5 milioi).

Jaitsiera nabarmenenak "Automobilentzako zati eta osagarrietan" (aurreko urtean baino 45,7 milioi gutxiago, -%7,7), "Zamak garraiatzeko ibilgailu automobiletan" (99,7 milioi gutxiago, -%22,3) eta, batez ere, "Petrolioaren olio finduetan" (210,5 milioi gutxiago, -%51,3) egon dira.

2025eko lehen hiru hilabete horietako rankingean, Frantzia da herrialde hartzaile nagusia, esportatutako guztizkoaren % 15,6rekin (1.196,6 milioi). Frantziaren atzetik, Alemania (% 14,8 eta 1.134,0 milioi) eta Erresuma Batua (% 6,5 eta 493,2 milioi) daude. Horrela, hiru herrialdeen artean Euskal AEko esportazioen % 36,9 biltzen dute.

Inportazioen metatua 6.893 milioi eurokoa izan zen Euskal AE osoan. Urte arteko alderaketa eginez gero, aurreko urteko aldi berean baino 385 milioi gehiago direla (% 5,9) ikusten da. Igoera horren arrazoia da, neurri batean, Arabako lurraldean, 1.709 milioiko inportazio metatuekin, aldi horretan izan den % 23,1eko hazkundea; hau da, 2024ko aldi berean baino 321 milioi gehiago. Gipuzkoako inportazioak ere 210 milioi gehiago izan dira (% 16,8), 1.462 milioi guztira. Bizkaian % 3,8 jaitsi da (146 milioi gutxiago), 3.721 milioi guztira. "Produktu energetikoen" inportazioek % 12 egin dute behera, baina "Energiazko gaien" inportazioek % 12,8 egin dute gora.

Aldi horretan inportatutako produktu-partidak aztertuz gero, rankingeko lehen postuan “Petrolioaren edo mineral bituminosoen olio gordinak” daude (1.003,2 milioi, aurreko urtean baino 194,7 gutxiago, hau da, % 16,3 gutxiago) eta bigarren postuan, berriz, “Petrolioaren olio finduak” (417,4 milioi inportatu dira, 84,3 milioi gutxiago, eta % 16,8ko atzerakada). Partida horien atzetik datoz "Automobilentzako zati eta osagarriak" (-%12,1 eta 220,3 milioi) eta "Petrolio-gasa eta gainerako hidrokarburo gaseosoak" (160,8 milioi inportatuak, hau da, % 76,7ko gehikuntza).

Euskal AEko kanpo-merkataritzak 753,4 milioi euroko saldo positiboa izan du urteko lehen hiruhilekoan, eta estaldura-tasa % 110,9koa izan da.

Informazio gehiago:

Eustat - Euskal Estatistika Erakundea / Instituto Vasco de Estadística Donostia kalea 1, 01010 Vitoria-Gasteiz Prentsa-zerbitzua: servicioprensa@eustat.eus Tel: 945 01 75 62