2025/08/06ko prentsa-oharra
TXIKIZKAKO MERKATARITZAREN INDIZEA (BMIt) II/2025
Euskal AEko txikizkako merkataritzako salmentak % 3,5 igo dira 2025eko bigarren hiruhilekoan
Aurreko hiruhilekoaren aldean, salmentak % 1,1 igo dira.
Eustaten datuen arabera, Euskal Autonomia Erkidegoko txikizkako merkataritzaren sektoreko salmentak % 3,5 handitu dira 2025eko bigarren hiruhilekoan, aurreko urteko hiruhileko beraren aldean, egutegiaren efektuak prezio finkoetan ezabatu ondoren. Salmenten urte arteko hazkundea, zerbitzuguneak kontuan hartu gabe, % 2,6koa izan da.
Aurreko hiruhilekoaren aldean, dagozkion urtaro-ondorioak kenduta, salmenten indizea % 1,1 igo da 2025eko bigarren hiruhilekoan.
2024ko hiruhileko beraren aldean, prezio finkoen salmentak % 1,7 igo dira Elikaduran, % 3,7 Gainerako produktuetan eta % 14,1 Automobilgintzarako erregaiaren sektorean.
2025eko lehen hiruhilekoaren aldean, urtaroen eragina kenduta eta prezio finkoetan, Elikaduran, Gainerako produktuetan eta Automobilgintzarako erregaian salmentak % 0,7, % 1,3 eta % 2,2 hazi dira, hurrenez hurren.
Euskal AEko Txikizkako Merkataritzaren Indizea. Urte arteko eta hilabete arteko aldakuntza-tasak (p). 2025/II
| |
Prezio finkoak |
| |
t / t-4 |
t / t-1 |
At / At-4 |
| Indize orokorra lurralde historikoaren arabera |
|
|
|
| Euskal AE |
3,5 |
1,1 |
3,1 |
| Araba/Álava |
5,5 |
1,2 |
4,6 |
| Bizkaia |
3,5 |
1,3 |
2,9 |
| Gipuzkoa |
2,6 |
0,7 |
2,8 |
| |
| Indize orokorra sektorearen arabera |
|
|
|
| Janariak |
1,7 |
0,7 |
2,6 |
| Elikagaien saltoki espezializatuak |
-3,4 |
-0,7 |
-0,2 |
| Elikagaiak nagusi diren establezimendu ez-espezializatuak |
3,6 |
2,2 |
3,6 |
| Gainerako produktuak |
3,7 |
1,3 |
2,4 |
| Pertsonaren ekipamenduan espezializatutako establezimenduak |
3,3 |
0,9 |
1,7 |
| Etxearen ekipamenduan espezializatutako establezimenduak |
3,7 |
0,9 |
3,4 |
| Kontsumoko beste ondasunetan espezializatutako establezimenduak |
5,5 |
1,0 |
4,8 |
| Gainerako produktuak nagusi diren establezimendu ez-espezializatuak |
2,4 |
1,0 |
-0,5 |
| Automoziorako erregaia |
14,1 |
2,2 |
9,4 |
| |
| INDIZE OROKORRA gasolindegirik gabe |
2,6 |
1,0 |
2,5 |
| |
| Langileria-indizea |
|
|
|
| Euskal AE |
1,2 |
0,5 |
0,6 |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
At/A(t4) Lehen hiruhilekotik behatutako azkenekora arte metatutako aldiko urte arteko tasa (At) aurreko urtean metatutako aldi beraren aldean
Data 2025eko Abuztuaren 6a
Iturria: Eustat. Txikizkako merkataritzaren indizea
Elikaduraren sektorearen barruan, salmentak % 3,6 hazi dira Elikagaiak, edariak eta tabakoa nagusi diren merkataritza ez-espezializatuan (batez ere, supermerkatuak eta hipermerkatuak). Hala ere, Elikaduran, edarietan eta tabakoan espezializatutako merkataritzan (fruta-dendak, harategiak, arrandegiak, etab.) salmentak % 3,4 jaitsi dira 2024ko bigarren hiruhilekoarekin alderatuta.
Gainerako produktuen salmentei dagokienez, Pertsonen ekipamenduan espezializatutako sektorean (arropa, oinetakoak, produktu kosmetikoak edo higienekoak) salmentak % 3,3 hazi dira, Etxeko ekipamenduan espezializatutako sektorean (etxetresna elektrikoak, altzariak eta telekomunikazio-ekipoak barne) % 3,7, Kontsumoko beste ondasunetan espezializatutako sektorean (besteak beste, kirol-gaiak, jokoak edo jostailuak) % 5,5 eta Gainerako produktuak nagusi diren establezimendu ez-espezializatuetan (korrespondentzia edo Internet) % 2,4.
2025eko bigarren hiruhilekoko txikizkako merkataritzaren salmenta-indizeak urte arteko igoera izan du hiru lurralde historikoetan. Araban indizea % 5,5 igo da, Bizkaian % 3,5 eta Gipuzkoan % 2,6.
Aurreko hiruhilekoaren aldean, salmenten bilakaera ere positiboa izan da hiru lurralde historikoetan. Araban hiruhileko arteko % 1,2ko igoera izan da, Bizkaian % 1,3koa eta Gipuzkoan % 0,7koa.
2025eko bigarren hiruhilekoan, Euskal AE osoan, txikizkako merkataritzaren sektorean landunen kopurua % 1,2 handitu da aurreko urteko bigarren hiruhilekoaren aldean. 2025eko lehen hiruhilekoarekin alderatuta, hobekuntza % 0,5ekoa izan da.
INFORMAZIO-OHARRA
Urte arteko aldakuntzak egutegi-efektuen serie zuzenduetatik eta hilabete arteko aldaketetatik abiatuta kalkulatzen dira, urtaro-eraginik gabeko serieak oinarri hartuta.
Eustatek eskerrak eman nahi dizkie informazioa biltzen lagundu duten establezimendu guztiei. Haiei esker, hiruhileko honetako indizea laginaren % 95,95eko estaldurarekin kalkulatu da.
Informazio gehiago nahi izanez gero:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea, 1 01010 Vitoria-Gasteiz
Prentsa-zerbitzua: servicioprensa@eustat.eus Tel.: 945 01 75 62