2025/08/22ko prentsa-oharra
INDUSTRIA-PREZIOEN INDIZEA. 2025eko UZTAILA
Euskal AEko industria-prezioak % 0,2 igo dira 2025eko uztailean aurreko hilaren aldean
2024ko uztailaren aldean, industria-prezioek % 0,4ko jaitsiera izan dute
Eustatek bildutako datuen arabera, Euskal AEko industria-prezioek % 0,2 egin dute gora 2025eko uztailean, aurreko hilaren aldean. Uztaileko urte arteko tasa (azken hamabi hilabeteetan industria-prezioek izandako aldakuntza laburbiltzen duena) % 0,4 jaitsi da.
Azterketa zehatzago batek agerian uzten du, 2025eko uztailean, aurreko hilarekin alderatuta prezioetan jaitsierarik handienak izan dituzten sektoreak Erauzketa-industria (% 6,8koa) eta Zurgintza, papergintza eta arte grafikoak (% 2koa) izan direla. Aitzitik, prezioetan hiletik hilera igoera handienak izan dituzten sektoreak Energia elektrikoa, gasa eta lurruna (% 2,9koa) eta Koke-lantegiak eta petrolioa fintzea eta Ura (biek % 1,7koa) izan dira.
Helburu ekonomikoaren araberako ondasunen sailkapenari jarraituz, eta 2025eko ekainarekin alderatuta, Kontsumo-ondasunen prezioak % 0,7 jaitsi dira, Kontsumo-ondasun ez iraunkorren prezioak % 0,9 jaitsi eta Kontsumo-ondasun iraunkorren prezioak % 0,1 igo izanaren ondorioz. Ekipo-ondasunetan eta Bitarteko ondasunetan % 0,1eko jaitsierak izan dira. Energiaren prezioa % 2,1 igo da.
Urte artean, 2025eko uztaila 2024ko uztailarekin alderatuta, prezioen igoerarik handienak izan dituzten adarrak dira Farmazia-produktuen fabrikazioa, % 10,3ko igoera, Produktu informatiko, elektroniko eta optikoen fabrikazioa, % 9,5ekoa, eta Material eta ekipo elektrikoen fabrikazioa, % 8,1ekoa. Aitzitik, Koke-lantegiak eta petrolioa fintzea adarreko prezioek urte arteko % 9,7ko jaitsiera izan dute eta Energia elektrikoa, gasa eta lurruna adarrekoek % 7,0koa.
Euskal AEko Industria prezioen indizea. Aldakuntza-tasak (p). Uztaila 2025
| | Indizea | Aldearen % |
| | | m / m-1 | m / m-12 |
| Indize orokorra | 112,2 | 0,2 | -0,4 |
| | | | |
| SEKTORE-BANAKETA | | | |
| Ateratze-industriak | 133,3 | -6,8 | -3,2 |
| Manufaktura-industria | 116,4 | 0,0 | -0,1 |
| Elikaduraren, edarien eta tabakoaren industria | 127,4 | 0,0 | 1,5 |
| Ehungintza, jantzigintza, larrugintza eta zapatagintza | 111,1 | 0,0 | 0,0 |
| Zurgintza, papera eta arte grafikoak | 123,7 | -2,0 | 0,2 |
| Kokeak eta petrolioa fintzen | 113,4 | 1,7 | -9,7 |
| Industria kimikoa | 127,9 | 0,8 | 1,8 |
| Botiken fabrikazioa | 119,2 | 0,0 | 10,3 |
| Kautxu eta plastikoa, beste produktu mineral ez-metalezkoak | 116,2 | 0,1 | -0,8 |
| Metalurgia eta produktu metalikoak | 113,5 | -0,2 | 1,2 |
| Informatikako, elektronikako eta optikako produktuen fabrikazioa | 124,1 | 0,4 | 9,5 |
| Material eta ekipo elektrikoen fabrikazioa | 123,1 | 0,3 | 8,1 |
| Beste inon sailkatu gabeko makineriaren eta ekipoen fabrikazioa | 114,8 | -0,2 | 1,4 |
| Garraiorako materialen fabrikazioa | 112,9 | 0,0 | -0,5 |
| Altzariak, beste manufaktura-ind., konponketa eta instalazioa | 117,3 | -0,4 | 0,6 |
| Energia elektrikoa, gasa eta lurruna | 65,7 | 2,9 | -7,0 |
| Ura | 132,3 | 1,7 | 4,1 |
| | | | |
| INDUSTRIA-SEKTORE HANDIEN ARABERA | | | |
| Kontsumo-ondasunak | 124,5 | -0,7 | 3,2 |
| Kontsumoondasun iraunkorrak | 114,3 | 0,1 | 1,1 |
| Kontsumoondasun ez-iraunkorrak | 127,3 | -0,9 | 3,8 |
| Ekipo-ondasunak | 114,8 | -0,1 | 1,4 |
| Bitarteko ondasunak | 116,4 | -0,1 | 0,7 |
| Energia | 92,8 | 2,1 | -8,5 |
Oinarria 2021=100
(p)Behinbehineko datuak
m / m-1: Azken hileko (m) aldakuntza-tasa, aurreko hilaren (m-1) aldean
m/m12: Azken hileko (m) aldakuntza-tasa, aurreko urteko hil beraren (m-12) aldean
Data 2025eko Abuztuaren 22a
Iturria: Eustat. Industria Prezioen Indizea
Helburu ekonomikoaren araberako ondasun-talde nagusien prezioen urte arteko aldakuntzak gora egin du Kontsumo-ondasunetan, eta % 3,2ko igoera izan du Kontsumo-ondasun iraunkorretan izandako % 1,1eko igoeraren eta Kontsumo-ondasun ez iraunkorretan izandako % 3,8ko igoeraren ondorioz. Prezioak % 1,4 igo dira Ekipo-ondasunetan 2024ko uztailarekin alderatuta. Bestalde, Bitarteko ondasunetan prezioek urte arteko % 0,7ko igoera izan dute. Azkenik, Energiaren prezioek urte arteko % 8,5eko jaitsiera izan dute.
INFORMAZIO-OHARRA
Eustatek eskerrak eman nahi dizkie parte hartu duten establezimendu guztiei egin duten ahaleginagatik. Haiei esker, hilabete honetako indizea laginaren % 80,05eko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia-San Sebastián kalea 1 01010 Vitoria-Gasteiz
Prentsa-zerbitzua: servicioprensa@eustat.eus Tlf: 945 01 75 62