2025/05/28ko prentsa-oharra
HEZKUNTZAREN KONTUA. Aurrerapena. 2024
2024an, hezkuntzako gastua % 6,4 hazi da Euskal AEn, eta 5.240 milioi eurokoa izan da
Biztanleko hezkuntza-gastua 2.373 eurokoa izan da, 2023an baino % 6,1 gehiago
Eustaten aurrerapen-datuen arabera, Euskal AEko hezkuntzako gastu osoa 5.240 milioi eurokoa izan da 2024an; hau da, 2023aren aldean % 6,4 igo da. Gastu osotik 5.004 milioi gastu arruntekoak izan dira eta 236 milioi kapital-eraketa gordinekoak.
Kopuru erlatiboetan, 2.373 eurokoa izan da gastua biztanleko, hau da, % 6,1eko hazkundea izan du; eta BPGaren portzentajea % 5,4koa izan da, aurreko urtean baino ehuneko 0,1 puntu handiagoa.
Hezkuntzaren Kontuak jasotzen ditu hezkuntza-erakundeetan nahiz beste edozein ikastetxe edo enpresa motatan egin diren eta iturri publiko edo pribatuek finantzatu dituzten hezkuntza-jarduera arautu zein arautu gabeetan egindako gastu arrunta eta kapital-gastua.
Hezkuntzaren datu eta adierazle nagusiak Euskal AEn. 2021-2024
| | 2021 | 2022 | 2023 | 2024 (a) | Aldakuntza-tasa (%) 2023/2022 | Aldakuntza-tasa (%) 2024 (a)/2023 |
| HEZKUNTZAKO GUZTIZKO GASTUA (mila eurotan) | 4.451.000 | 4.636.581 | 4.924.323 | 5.240.468 | 6,2 | 6,4 |
| | | | | | | |
| GASTU ARRUNTA GUZTIRA | 4.265.015 | 4.437.903 | 4.699.198 | 5.003.826 | 5,9 | 6,5 |
| KAPITALAREN OSAKETA GORDINA | 185.985 | 198.678 | 225.125 | 236.642 | 13,3 | 5,1 |
| | | | | | | |
| Hezkuntzako gastua biztanleko (eurotan) | 2.033 | 2.116 | 2.236 | 2.373 | 5,7 | 6,1 |
| Hezkuntzako gastua BPGaren % gisa | 5,7 | 5,4 | 5,3 | 5,4 | -0,1 | 0,1 |
(a)Aurrerapena
Data 2025eko Maiatzaren 28a
Iturria: Eustat. Hezkuntzaren Kontua
Azken bi urteetako hazkunde-tasa % 6 inguruan mantendu da; zehazki, 2023an % 5,9ko igoera izan zen gastu arruntean eta % 13,3ko hazkunde nabarmena kapital-eraketa gordinean. 2024an hazkunderik handiena gastu arruntean izan zen, aurreko urtean baino % 6,5 handiagoa, 5.000 milioi eurotik gorakoa; bestalde, inbertsioa zertxobait gutxiago hazi zen, % 5,1, eta 236 milioi eurokoa izan zen.
Finantzaketaren egiturari dagokionez, aurreko urteetako joerari eutsi dio, eta finantzaketa publikoa pribatua baino gehiago hazi da. Finantzaketa publikoa 2019an % 76,0 izatetik 2024an % 78,4 izatera igaro da, eta azken 10 urteetako ehunekorik handiena da hori.
Finantzaketa publiko nagusia hezkuntza-zerbitzuetan (% 85,1) eta kapital-gastuan (% 63,9) mantentzen da, eta finantzaketa pribatua, berriz, handiagoa da gainerako jarduera eta ondasunetan (% 55,7), garraioa, eskola-jantokia, liburuak eta eskola-materiala barne.
Zuzeneko finantzaketa-iturriak Euskal AEn (%). 2024
| | Publikoa | Pribatua |
| HEZKUNTZAKO GUZTIZKO GASTUA | 78,4 | 21,6 |
| GASTU ARRUNTA | 79,1 | 20,9 |
| Hezkuntza-zerbitzuak | 85,1 | 14,9 |
| Gainerako jarduerak eta ondasunak | 44,3 | 55,7 |
| KAPITALAREN OSAKETA GORDINA | 63,9 | 36,1 |
Data 2025eko Maiatzaren 28a
Iturria: Eustat. Hezkuntzaren Kontua
Gastuaren egitura xehatuari dagokionez, funtzioen araberako azterketak adierazten du nahiko egonkor mantendu dela azken urteetan: gastu arrunta gastuaren % 95 baino gehiago da eta kapital-eraketa gordina, berriz, gastuaren % 4 baino zertxobait handiagoa.
Hezkuntza eta Prestakuntza Zerbitzuak gastu osoaren % 81,4 izan dira azken bi urteetan, 4.000 milioi baino gehiago. Jarduera Osagarriak (garraioa, jantokia, egoitza eta bestelakoak) gastuaren % 6,6 izan dira, eta partida garrantzitsuena jantokiko gastua izan da: 226 milioi 2024an. Bestalde, Hezkuntza Ikerketa eta Berrikuntzako gastua (174 milioi euro) % 3,3koa izan da. Ondoren, Liburuak, Eskolako materiala eta etxeek erositako beste ondasun batzuk partidako gastua dago. Partida hori 163 milioira iritsi da 2024an, gastu osoaren % 3,1. Azkenik, Hezkuntza Sistemaren Administrazio Orokorrarekin lotutako gastua guztizkoaren % 1,0 izan da, hau da, 53 milioi 2024an.
Euskal AEko hezkuntzako guztizko gastua, funtzioen arabera. 2021-2024
| | 2021 | 2022 | 2023 | 2024 (a) |
| | mila euro | % | mila euro | % | mila euro | % | mila euro | % |
| HEZKUNTZAKO GUZTIZKO GASTUA | 4.451.000 | 100,0 | 4.636.581 | 100,0 | 4.924.323 | 100,0 | 5.240.468 | 100,0 |
| GASTU ARRUNTA | 4.265.015 | 95,8 | 4.437.903 | 95,7 | 4.699.198 | 95,4 | 5.003.826 | 95,5 |
| Hezkuntza eta prestakuntza zerbitzuak | 3.620.679 | 81,3 | 3.769.711 | 81,3 | 4.008.397 | 81,4 | 4.267.032 | 81,4 |
| Garraioa | 45.210 | 1,0 | 49.672 | 1,1 | 54.460 | 1,1 | 56.893 | 1,1 |
| Jantokia | 202.222 | 4,5 | 199.850 | 4,3 | 206.463 | 4,2 | 226.065 | 4,3 |
| Beste jarduera osagarri batzuk | 44.985 | 1,0 | 61.352 | 1,3 | 62.819 | 1,3 | 63.697 | 1,2 |
| Liburuak, Eskolako materiala eta etxeek erositako beste ondasun batzuk | 155.113 | 3,5 | 155.216 | 3,3 | 159.016 | 3,2 | 163.257 | 3,1 |
| Hezkuntza Sistemako Administrazio Orokorra | 44.887 | 1,0 | 47.323 | 1,0 | 50.198 | 1,0 | 52.969 | 1,0 |
| Irakaskuntzako ikerketa eta berrikuntza | 151.919 | 3,4 | 154.779 | 3,3 | 157.845 | 3,2 | 173.913 | 3,3 |
| KAPITAL ERAKETA GORDINA | 185.985 | 4,2 | 198.678 | 4,3 | 225.125 | 4,6 | 236.642 | 4,5 |
(a)Aurrerapena
Data 2025eko Maiatzaren 28a
Iturria: Eustat. Hezkuntzaren Kontua
Nazioarteko konparazioari dagokionez, ELGAk argitaratu dituen azken datuak 2021ekoak dira. Urte horretan, Euskal AEn, Erosteko Ahalmenaren Parekotasunean ($) neurtutako ikasle bakoitzeko gastuaren guztizkoa hezkuntza-erakundeetan 16.172koa izan zen, Lehen Hezkuntzatik Hirugarren Hezkuntzarako etapak batuta. Horrek EB-25eko batez bestekoaren (13.787), ELGAko batez bestekoaren (14.209) eta Espainia (12.426), Frantzia (14.803) eta Finlandia (14.723) bezalako herrialdeen batez bestekoaren gainetik jarri zuen; eta Alemania (17.161), Suedia (17.107) eta Luxenburgo (30.115) bezalako herrialdeen azpitik, taularen goiko muturrean.
Hezkuntza-etapen arabera, Euskal AEn ikasle bakoitzeko gastua 15.300 ($) EAP izan zen Lehen Hezkuntzan, Bigarren Hezkuntzan eta Bigarren Hezkuntzaren ondoko hezkuntza-mailetan, hau da, ELGAko (12.703) eta EB-25eko (12.395) batez bestekoa baino handiagoa; bestalde, Hirugarren Hezkuntzako ikasle bakoitzeko gastua 19.257 ($) EAP izan zen; kasu honetan, ELGAko (20.499) eta EB-25eko (20.027) batez bestekoa baino txikiagoa.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.es Tel: 945 01 75 62