2024/11/27ko prentsa-oharra
OSASUNAREN KONTUA. 2023
Euskal AEko osasunaren gastu arrunta % 6,0 hazi zen 2023an, eta 8.554 milioira iritsi zen
Osasunean egindako gastu arrunta BPGren % 9,2 izan zen, eta biztanle bakoitzeko 3.882 euro gastatu zen
Euskal AEko osasun gastu arrunta 8.554 milioi eurokoa izan zen 2023an, BPGren % 9,2, Eustatek landutako datuen arabera. Datu horiek Osasun Kontuen Sisteman argitaratutako ELGAren metodologiaren arabera kalkulatzen dira (System of Health Accounts-SHA 2011). Biztanle bakoitzeko zenbatekoa 3.882 eurokoa izan zen, aurreko urtean baino % 5,4 handiagoa.
Osasun-gastuak osasunerako ondasunen eta zerbitzuen azken kontsumoa neurtzen du, hau da, edozein agente finantzatzailek egindako gastu arrunta. Gastu horren finantzaketan sartzen dira Herri Administrazio guztiak, Nahitaezko osasun-aseguruak, Borondatezko osasun-aseguruak eta Etxeetako ordainketa zuzena.
2020tik, balio absolutuko gastu arruntaren guztizkoa % 5,0ko urteko batez besteko tasa metatuan hazi da; eta azken urtean % 6,0koa, 2022an 8.068 milioikoa izatetik 2023an 8.554 milioikoa izatera igaro baita.
Osasun-gastu arrunta, BPGren ehunekoan, ehuneko 0,1 puntu jaitsi da azken urtean. Era berean, biztanleko gastua % 5,4 hazi da, 2022ko 3.683 euroetatik 2023ko 3.882 euroetara.
Euskal AEko Osasunaren Kontuaren datu eta adierazle nagusiak. 2020-2023
| | 2020 | 2021 | 2022 | 2023(p) | Aldakuntza-tasa ( %) |
| | | | | | 2023(p)/2022 | 2023(p)/2020 urteko batez besteko metatua |
| GASTU ARRUNTA GUZTIRA (mila eurotan) | 7.389.796 | 7.820.836 | 8.068.071 | 8.554.213 | 6,0 | 5,0 |
| Herri AdmInistrazioak/ Derrigorrezko aseguruak | 5.179.651 | 5.499.591 | 5.631.709 | 5.944.151 | 5,5 | 4,7 |
| Borandetezko sistemak/Etxekoen ordainketa zuzena | 2.210.145 | 2.321.245 | 2.436.362 | 2.610.062 | 7,1 | 5,7 |
| | | | | | | |
| Biztanleko gastua (euro) | 3.364 | 3.571 | 3.683 | 3.882 | 5,4 | 4,9 |
| Gastu arrunta/BPG (%) | : | 9,9 | 9,3 | 9,2 | -0,1 (*) | : |
| HHAAen osasun-gastua/HHAAen guztizko gastua ( %) | 16,0 | 16,4 | 15,8 | : | : | : |
(p)behin-behinekoa
(*)aldea portzentajezko puntutan
Data 2024ko Azaroaren 27a
Iturria: Eustat. Osasunaren Kontua
Finantzaketa-iturriei dagokienez, 2023an 8.554 milioi euroko gastu arrunta izan zen, eta, horietatik, 5.944 milioi euro Herri Administrazio guztiei eta Nahitaezko ordainketarako aseguruei dagozkie, hau da, 2022an baino % 5,5 gehiago. Gainerako 2.610 milioi euroak Borondatezko ordainketarako osasun-aseguruei eta Etxeetako ordainketa zuzenari dagozkie, aurreko urtearen aldean % 7,1 hazi baitziren.
Euskal AEko Osasun Kontuaren datuen analisi xehatuak, funtzioen araberako gastuari buruzkoak, erakusten du Sendatzeko osasun-arretak jarraitzen duela pisurik handienekoa izaten (% 56,9) eta bere zenbatekoa % 6,5 hazi zela 2023an, 4.867 milioi eurora iritsiz. Garrantzian bigarren funtzioa Produktu medikoei dagokie (Produktu farmazeutikoak, Material sanitarioa eta Material terapeutikoa), gastu arruntaren % 16,8 izan baitzen eta urteko % 7,2ko hazkundea izan baitzuen. Hirugarrenik, Egonaldi luzeko osasun-laguntzako gastua (mendeko pertsonentzako osasun-arretara bideratutako gastua barne) gastu arruntaren % 14,7 izan zen, eta hazkunde neurritsuagoa izan zuen, % 3,5 aurreko urtearen aldean. Ondoren, Osasun zerbitzu lagungarrietan egindako gastua dago (analisi klinikoetan, irudi bidezko diagnostikoan eta garraio sanitarioan egindako gastua barne), 2023an 429 milioi eurora iritsi zena eta gastu arruntaren % 5,0 izan zena.
Gainerako funtzioek, gastuan garrantzi erlatibo txikiagoa izan arren, hazkunde garrantzitsuak izan zituzten 2023an: Errehabilitazioko osasun-laguntza % 12,1 hazi zen, 180 milioi eurora iritsiz; Prebentzio-zerbitzuei dagokien zenbatekoa % 7,8 hazi zen eta 109 milioi eurora iritsi zen; eta Osasun-sistemaren gobernantza eta administrazioa funtzioaren zenbatekoa % 5,9 igo zen, 270 milioi eurora iritsi arte.
Euskal AEko osasun gastua funtzioen arabera (milaka euro). 2020-2023
| | 2020 | 2021 | 2022 | 2023(p) | osasun-gastu osoaren % | Urteko aldakuntza-tasa (%) |
| | | | | | 2020 | 2023(p) | 2022/2021 | 2023(p)/2022 |
| FUNTZIOA | | | | | | | | |
| -HC.1 Sendatzeko osasun-laguntza | 4.137.931 | 4.458.548 | 4.569.464 | 4.867.175 | 56,0 | 56,9 | 2,5 | 6,5 |
| HC.2 Birgaitzeko osasun-laguntza | 135.836 | 149.462 | 160.383 | 179.797 | 1,8 | 2,1 | 7,3 | 12,1 |
| -HC.3 Iraupen luzeko osasun-asistentzia | 1.160.132 | 1.180.863 | 1.215.976 | 1.258.217 | 15,7 | 14,7 | 3,0 | 3,5 |
| -HC.4 Osasun-zerbitzu osagarriak | 390.283 | 428.532 | 421.644 | 429.235 | 5,3 | 5,0 | -1,6 | 1,8 |
| -HC.5 Produktu medikoak (funtzion-ei esleituta izan barik) | 1.253.000 | 1.267.307 | 1.345.029 | 1.441.375 | 17,0 | 16,8 | 6,1 | 7,2 |
| -HC.6 Aurrea hartzeko zerbitzuak | 97.972 | 95.703 | 100.711 | 108.543 | 1,3 | 1,3 | 5,2 | 7,8 |
| -HC.7 Gobernantza eta osasun-sistemaren eta osasun-finantzaketaren administrazioa | 214.642 | 240.421 | 254.864 | 269.871 | 2,9 | 3,2 | 6,0 | 5,9 |
| OSASUNEKO GASTUA, GUZTIRA | 7.389.796 | 7.820.836 | 8.068.071 | 8.554.213 | 100,0 | 100,0 | 3,2 | 6,0 |
(p)behin-behinekoa
Data 2024ko Azaroaren 27a
Iturria: Eustat. Osasunaren Kontua
Hornitzaileen araberako gastuaren egitura aurreko aldien antzekoa da; gastu gehiena ospitaleetan egin zen (% 41,5) eta % 6,3ko hazkundea izan zuen 2023an. Bigarren lekuan osasun-laguntza anbulatorioaren hornitzaileak daude, gastuaren % 22,4 izan baitziren, eta % 6,9 igo ziren 2022aren aldean. Hirugarrenik, Txikizkariak eta produktu medikoen hornitzaileak gastu arruntaren % 16,9 izan ziren eta % 7,2ko hazkundea izan zuten 2023an. Egonaldi luzeko egoitza-establezimenduetako gastua gastu arruntaren % 10,2ra iritsi zen.
Gainerako gastua (% 9,0) honako hauei dagokie: Zerbitzu osagarrien hornitzaileei (garraio sanitarioa, laborategiak), Prebentzio-zerbitzuen hornitzaileei, Osasun-sistemaren administrazioari eta Gainerako ekonomiari (etxeko osasun-arretaren hornitzaile gisa sartzen dira etxekoen unitateak).
Aldiak
Nazioarteko konparazioari dagokionez, Eurostatek eta ELGAk EB27 herrialdeetarako argitaratutako azken datuak 2022koak dira. Konparaziorako adierazle nagusiak honako hauek dira: gastua BPGren ehunekoan, per capita gastua EAPn (euro) eta administrazio publikoen ahaleginaren adierazlea.
Administrazio publikoen ahaleginaren adierazlea, hau da, Euskal AEko administrazio publikoen guztizko gastuarekiko osasun gastu publikoa % 15,8 izan zen 2022an, EB27ko (% 14,7) eta Espainiako (% 15,2) batez bestekoaren gainetik.
Euskal AEko BPGren ehunekoaren gaineko osasun gastua % 9,3 izan zen 2022an, EB27ko batez bestekoaren azpitik (% 10,4).
Gastuaren adierazleak herrialdearen arabera. 2022
| | BPGren gaineko Herri administrazioen gastua | Osasun gastu arruntaren gaineko Herri administrazioien gastua | Herri Administrazioen gastu guztiaren gaineko Herri Administrazioen Osasun gastua | BPGren gaineko Osasun gastu arrunta | Gastu arrunta biztanleko (PPC, euro) |
| 27EBko batez bestekoa | 8,4 | 81,3 | 14,7 | 10,4 | 3.685 |
| Alemania | 10,9 | 86,7 | 20,5 | 12,6 | 5.317 |
| Austria | 8,7 | 77,6 | 16,3 | 11,2 | 4.751 |
| Belgika | 8,1 | 75,1 | 15,2 | 10,8 | 4.339 |
| Bulgaria | 4,9 | 63,5 | 11,8 | 7,7 | 1.786 |
| Zipre | 7,4 | 80,9 | 18,3 | 9,1 | 2.854 |
| Kroazia | 6,2 | 85,3 | 13,7 | 7,3 | 1.858 |
| Danimarka | 8,0 | 84,6 | 17,8 | 9,5 | 4.154 |
| Eslovakia | 6,2 | 79,9 | 14,6 | 7,7 | 1.947 |
| Eslovenia | 7,1 | 74,0 | 15,0 | 9,6 | 2.927 |
| Espainia | 7,2 | 74,0 | 15,2 | 9,7 | 2.814 |
| Estonia | 5,3 | 74,8 | 13,2 | 7,0 | 2.014 |
| Finlandia | 7,7 | 79,6 | 14,8 | 9,7 | 3.645 |
| Frantzia | 10,1 | 84,7 | 15,9 | 11,9 | 4.302 |
| Grezia | 5,3 | 62,0 | 9,9 | 8,5 | 1.986 |
| Hungaria | 4,9 | 72,6 | 9,9 | 6,7 | 1.867 |
| Irlanda | 4,7 | 77,4 | 22,3 | 6,1 | 4.136 |
| Italia | 6,7 | 74,4 | 11,8 | 9,0 | 2.945 |
| Letonia | 4,9 | 64,9 | 12,1 | 7,6 | 1.928 |
| Lituania | 4,8 | 66,5 | 13,0 | 7,2 | 2.318 |
| Luxemburgo | 4,8 | 86,1 | 11,0 | 5,6 | 4.316 |
| Malta | 6,6 | 67,0 | 16,2 | 9,8 | 3.427 |
| Herbehereak | 8,5 | 84,2 | 15,4 | 10,1 | 4.531 |
| Polonia | 4,7 | 73,7 | 10,7 | 6,4 | 1.960 |
| Portugal | 6,5 | 62,5 | 14,8 | 10,5 | 2.823 |
| Txekiar Errepublika | 7,5 | 85,0 | 16,7 | 8,8 | 2.908 |
| Errumania | 4,5 | 77,8 | 11,2 | 5,7 | 1.627 |
| Suedia | 9,0 | 86,0 | 18,8 | 10,5 | 4.363 |
| Euskal AE | 6,5 | 69,8 | 15,8 | 9,3 | 3.775 |
EAP: Eros Ahalmenaren Parekotasuna
Data 2024ko Azaroaren 27a
Iturria: Eustat, Osasunaren Kontua eta OCDE Health Statistics 2024. Eurostat
EAPn (euro) biztanleko osasunean egindako gastua hobea da, 3.775era iritsi baitzen Euskal AEn, hau da, EB27ko (3.685) eta Espainiako (2.814) eta Finlandiako (3.645) batez bestekoaren gainetik. Taularen mutur gorenean Alemania dago, 5.317rekin. Azken adierazle hori EB27ko batez bestekoaren gainetik mantendu da eskuragarri dagoen urte guztietan.
Informazio gehiago:
Eustat - Euskal Estatistika Erakundea / Instituto Vasco de Estadística
C/ Donostia-San Sebastián, 1 01010 Vitoria-Gasteiz
Prentsa-zerbitzua: servicioprensa@eustat.es Tlf: 945 01 75 62