Euskal AEko landetxeak, apartamentuak eta turismo-aterpetxeak: sarrerak, ostatu-gauak eta okupazio-maila. 2025eko abendua

Nabarmentzekoak

2025. urtea

Sarrerak: Landetxeetan % 6,7ko hazkundea izan dute 2024arekin alderatuta, apartamentu turistikoetan(1) % 29,1ekoa eta turismo-aterpetxeetan % 4,9koa.

Ostatu-gauak: landetxeetan % 6,0ko hazkundea izan da 2024ko datuen aldean, % 15,8koa apartamentu turistikoetan eta % 4,6koa aterpetxeetan.

Batez besteko egonaldia(2): 2025ean 2,57 egunekoa izan da, apartamentu turistikoetan 3,01 egunekoa eta turismo-aterpetxeetan 1,80 egunekoa. 2024an batez besteko egonaldia 2,58, 3,36 eta 1,81 egunekoa izan zen, hurrenez hurren.

Okupazio-maila: landetxeetan logelen okupazio-maila 2,4 puntu handiagoa izan da 2024an baino (% 36,3ra iritsi da). Apartamentu turistikoetan apartamentuen okupazio-maila % 71,1ekoa da, 2024an baino 5,2 puntu gehiago, eta turismo-aterpetxeetan plazen araberako okupazio-maila % 38,9ra iritsi da, 2024an baino 0,6 puntu gehiago.

2025eko abendua

Sarrerak: Landetxeetan % 36,2 handitu dira 2024ko abenduko datuen aldean, apartamentu turistikoetan, berriz, % 8,6 eta turismo-aterpetxeetan % 12,5.

Ostatu-gauak: landetxeetan % 23,8 handitu dira 2024ko hilabete beraren aldean; apartamentu turistikoetan, berriz, % 9,2 eta turismo-aterpetxeetan % 16,2.

Egonaldiko batez besteko egun kopurua: 2,14 egun landetxeetan, 3,70 egun apartamentu turistikoetan eta 1,96 egun turismo-aterpetxeetan.

Okupazio-maila: logelen okupazio-maila % 24,7koa izan da landetxeetan; apartamentuetan okupazio-maila % 62,9koa izan da; eta turismo-aterpetxeetan, plazen okupazio-maila % 19,3koa izan da.

Azterketa estatistikoa

2025. urtea

Euskal AEko landetxeetan, 2025. urte osoan, okupazio-aldagaiek 2024. urtekoek baino balio handiagoak izan dituzte: sarrerak % 6,7 igo dira eta ostatu-gauak % 6,0. Horrela, 2025ean 183.900 sarrera izan dira landetxeetan eta 472.371 ostatu-gau egin dira, Eustaten datuen arabera.

2025ean sarrerak % 10,5 igo dira Araban, % 6,8 Bizkaian eta % 5,2 Gipuzkoan. Ostatu-gauak % 14,1 eta % 6,9 igo dira, hurrenez hurren, Araban eta Gipuzkoan, baina Bizkaian % 0,2 jaitsi dira.

Atzerriko bisitariak Euskal AEko mota horretako establezimenduetako sarrera guztien % 27,3 izan dira 2025ean, 2024an baino % 12,9 gehiago.

Euskal AEko landetxeetako batez besteko egonaldia 2,57 egunekoa izan da, 2024an erregistratu ziren 2,58 egunen oso antzekoa. Okupazio-maila, bestalde, % 31,4koa izan da plazen arabera neurtuta, eta % 36,3koa logelen arabera neurtuta, aurreko urtearen aldean ehuneko 2,2 eta 2,4 puntu igo ondoren, hurrenez hurren.

Euskal AEko apartamentu turistikoen 2025eko urteko balantzean, 2024ko datuekin alderatuta, hobekuntza ikusten da, bai sarreren kopuruari dagokionez, bai ostatu-gauei dagokienez. Guztira 276.504 sarrera eta 833.527 ostatu-gau izan dira urte osoan, eta 2024. urtearekiko urteko hazkundeak % 29,1era eta % 15,8ra iritsi dira, hurrenez hurren.

2025. urte osoan erregistratutako ostatu-gauek gora egin dute —2024an izandakoekin alderatuta— hiru lurraldeetan, maila desberdinean bada ere: % 27,5 Bizkaian, % 6,1 Gipuzkoan eta % 6,0 Araban. Sarreren kasuan, Araban % 14,6 jaitsi dira, Bizkaian % 35,7 igo dira eta Gipuzkoan % 21,4.

Atzerritar jatorriko pertsonen sarrerak, urtean zehar % 37,1eko igoera izan ondoren, Euskal AEko mota horretako establezimenduetan 2025ean izandako guztizkoaren % 41,3 izan ziren, 2024an izandako % 38,9ren gainetik.

Plazakako okupazio-maila ehuneko 0,2 puntutan gainditu da 2024an lortutakoa; apartamentukako okupazio-maila, berriz, 5,2 puntutan; hala, 2025ean % 39,6an eta % 71,1ean finkatu dira, hurrenez hurren.

Euskal AEko turismo-aterpetxeen kasuan, 2025eko urteko balantzean, urte arteko % 4,9ko hazkundea ikusten da sarreren kopuruan eta % 4,6koa ostatu-gauen kopuruan, izan ere, urte osoa hartuta, 262.558 sarrera eta 473.449 ostatu-gau izan dira. Sarreren urteko igoera % 86,2koa izan da Araban, % 6,3koa Gipuzkoan eta % 0,8koa Bizkaian.

Ostatu-gauek, bestalde, urte osoa hartuta, % 63,3 egin dute gora Araban, % 6,5 Gipuzkoan eta % 1,3 Bizkaian.

2025eko abendua

Urteko azken hilabetean, 2025eko abenduan, Euskal AEko landetxeetan sarrerak eta ostatu-gauak % 36,2 eta % 23,8 murriztu dira, hurrenez hurren, aurreko urteko abenduan ikusitako datuekin alderatuta, eta 12.362n eta 26.509n kokatu dira, hurrenez hurren.

2025eko abenduan, sarreren % 91,2 eta ostatu-gauen % 90,8 Estatutik etorritako pertsonek egindakoak izan dira.

Araban 3.267 sarrera erregistratu dira, aurreko urteko abenduan baino % 37,0 gehiago; Bizkaian 3.281, aurreko abenduan baino % 33,2 gehiago; eta Gipuzkoan 5.814 erregistratu ziren, 2024ko abenduan baino % 37,4 gehiago.

Ostatu-gauei dagokienez, Araban % 2,3ko urte arteko igoera izan da, 6.060ra iritsita; Bizkaian 6.510 erregistratu dira —2024ko abenduan baino % 4,5 gehiago—, eta Gipuzkoan 13.939 —aurreko urteko hilabete berean baino % 50,6 gehiago—.

Mota horretako establezimenduetan, Euskal AEko batez besteko egonaldia 2,14 egunekoa izan da abenduan, 2024ko hil berean ikusitako 2,36 eguneko batez bestekoa baino zertxobait azpitik.

Plazen eta logelen araberako okupazio-mailek urte batetik bestera ehuneko 4,4 eta 4,0 puntu egin dute gora, hurrenez hurren; plazen arabera neurtuta % 21,8an kokatuz eta logelen arabera neurtuta % 24,7an.

Apartamentu turistikoei dagokienez, 2025eko abenduan sarrerak eta ostatu-gauak 16.071 eta 59.448 izan dira, hurrenez hurren. Aurreko urteko abenduaren aldean, sarrerak % 8,6 igo dira eta ostatu-gauak % 9,2.

Euskal AEko apartamentu turistikoetan izandako sarrera guztien % 27,9 eta ostatu-gau guztien % 30,9 atzerriko jatorriko bisitariei dagozkie, urte batetik bestera % 19,6ko eta % 16,3ko igoerak, hurrenez hurren, erregistratu ondoren.

Behatutako batez besteko egonaldia 3,70 egunekoa izan da 2025eko abenduan, 2024ko 3,68 egunekoa baino zertxobait luzeagoa. Lurralde historikoen arabera ikusita, batez besteko egonaldi hori 2,54 egunekoa izan da Bizkaian, 5,31 egunekoa Gipuzkoan eta 12,52 egunekoa Araban.

Plazen araberako okupazio-maila % 33,0koa izan da Euskal AEn, eta % 62,9ra iritsi da apartamentuen arabera neurtuta. Horrek esan nahi du urte arteko hazkundea ehuneko 0,7 eta 3,2 puntukoa izan dela, hurrenez hurren.

Turismo-aterpetxeei dagokienez, 2025eko abenduan sarrerak eta ostatu-gauak 9.269 eta 18.193 izan dira, hurrenez hurren. Aurreko urteko abenduarekin alderatuta, zifra horiek % 12,5eko igoera adierazten dute sarreren kasuan, eta % 16,2koa ostatu-gauen kasuan.

Plazakako okupazio-maila % 19,3koa izan da eta batez besteko egonaldia 1,96 egunekoa.

Informazio-oharra

Landetxeetako Egoiliarren Turismo Inkestaren erantzun-tasa % 63,7koa izan da, Apartamentu Turistikoetakoena % 83,1ekoa eta aterpetxeen kasuan % 77,4koa 2025eko abenduan.

Eustatek eskerrak eman dizkie inkesta honetan parte hartu duten establezimendu guztiei.

(1) Ez dira epigrafe honetan sartzen turismo-erabilerako etxebizitzak, arrazoi turistikoengatik aldi baterako eskaintzen, merkaturatzen edo lagatzen diren etxebizitza partikularrak.

(2) Bezeroek, batez beste, gaua ematen duten establezimendu bakoitzean igarotzen duten egun kopurua. Ez da Euskal AEn egon diren denboraren guztizko iraupena.