2026/01/20ko prentsa-oharra

KANPO-MERKATARITZAKO ESTATISTIKA (KAMEE) 2025eko azaroa

Ondasunen esportazioak % 2,3 murriztu ziren 2025eko azaroan Euskal AEn

2025eko lehen hamaika hilabeteetako metatuan, esportazioek % 4,1 egin dute atzera, produktu energetikoek eraginda (–% 38,0)

2025eko azaroan, Euskal AEko ondasunen esportazioek % 2,3 egin zuten behera urte arteko tasan, Eustaten datuen arabera. Zenbatekoa 2.461,8 milioi eurokoa izan zen, aurreko urteko hilabete bereko 2.518,9 milioi euroen aldean. Produktu energetikoen esportazioak % 28,5 handitu ziren eta ez-energetikoenak % 3,0 murriztu ziren.

Hilabete honetan, merkataritza-saldoa positiboa da (257,7 milioi euro inguru) eta estaldura-tasa % 111,7koa.

Araba da bilakaerarik negatiboena izan duen lurralde historikoa (–% 13,9). Gipuzkoan esportazioak % 6,7 igo dira eta Bizkaian % 1,1.

Euskal AEko ondasunen inportazioek % 3,4ko jaitsiera izan zuten eta 2.204,1 milioi euro izatera iritsi ziren. Inportazio energetikoak % 33,0 murriztu ziren eta ez-energetikoak % 6,7 hazi ziren. Arabako inportazioak % 24,8 handitu dira eta Gipuzkoakoak % 2,5; Bizkaikoak, aldiz, % 18,9 murriztu dira.

Produktuen araberako analisia (muga-zergen partidak)

Zehatzago aztertuz, ikusten da 969 esportazio-partiden rankingaren buruan honako hauek daudela: "10 pertsona baino gutxiagoko turismoak", 274,4 milioi euro merkaturatuta eta % 16,5eko beherakadarekin aurreko urteko hilabete beraren aldean; "Automobilentzako zatiak eta osagarriak" (142,7 milioi euro eta % 19,9ko beherakada); "Salgaiak garraiatzeko ibilgailu automobilak" (136,0 milioi euro esportatu eta % 5,5 gutxiago); "Petrolioaren olio finduak" (68,9 milioi euro eta % 75,9 gehiago); eta "Aleatu gabeko burdinazko edo altzairuzko profilak" (bosgarren lekuan), 59,5 milioi eurorekin, eta, kasu honetan, % 25,3ko igoerarekin. Bost partida horiek, azaroan, guztizko komertzializatuaren % 27,7 izan ziren, guztira 681,5 milioi euroko balioarekin.

25 partidarik garrantzitsuenen artean, honako hauen urte arteko hobekuntzak nabarmentzen dira: "Turborreaktoreak, turbopropultsatzaileak eta gainerako gas-turbinak, piezak eta osagarriak barne" (% 39,4), "Hamar pertsona edo gehiago —gidaria barne— garraiatzeko ibilgailu automobilak" (% 42,0) eta "Zura, plastikoa edo antzeko gai gogorrak lantzeko makina-erremintak (iltzatu, grapatu, mihiztatu, zerratu, eskuilatu, egokitu, zulatu...)" (0,7 milioitik 21,0 milioira igarotzen da).

"Kautxuzko pneumatiko berrien" beherapena ere aipatzekoa da, 38,7 milioi esportatu baitira, hau da, aurreko urtean baino 42,0 milioi gutxiago; hortaz, % 52,0 murriztu da.

Araban, hamar partida nagusien artean, "10 pertsona baino gutxiagoko turismoen" esportazioen jaitsiera nabarmendu behar da, 254,1 milioi esportatu baitira —aurreko urtean baino 55,5 milioi gutxiago—, hau da, % 17,9ko murrizketa egon da. "Automobilentzako zatiak eta osagarriak" (–% 43,9) eta "Kautxuzko pneumatiko berriak" (–% 71,9) ere jaitsi egin dira.

Aitzitik, "Burdinako edo altzairuko beste tutu batzuk eta profil hutsak" (% 139,7) eta " Hodiak eta hodien osagarriak [adibidez: loturak (erragailuak), ukondoak, zorroak], nikelezkoak" ( % 946,7) salmentek gora egin dute.

Automobilgintzaren sektoreko partidak, aurreko urteko azaroarekin alderatuta, 119,0 milioi jaitsi dira (% 21,9), hots, 544,3 milioi eurotik 425,3 milioi eurora.

Bizkaian, hamar partida nagusien artean, honako hauen esportazioek izan duten igoera nabarmendu da: "Petrolioaren olio finduak" (66,5 milioi euro esportatu dira, aurreko urtean baino 29,3 milioi euro gehiago, hau da, % 78,7ko igoera), "Turborreaktoreak, turbopropultsatzaileak eta gainerako gas-turbinak, piezak eta osagarriak barne" (48,4 milioi euro esportatu dira, hau da, % 40,2 gehiago); eta "0,2 mm baino gehiagoko lodiera duten aluminiozko xaflak eta tirak" (22,5 milioi euro esportatu dira, hau da, % 50,3 gehiago).

Aitzitik, behera egin dute salmentek honako arlo hauetan: " Automobilentzako zatiak eta osagarriak" (52,1 milioi euro esportatu dira, aurreko urtean baino 15,2 milioi euro gutxiago, hau da, % 22,6ko murrizketa) eta "Kautxuzko pneumatiko berriak" (–% 14,3).

Gipuzkoan, honako hauetan izandako igoerak azpimarra daitezke: "Hamar pertsona edo gehiago —gidaria barne— garraiatzeko ibilgailu automobilak" (% 41,9), 36,8 milioi euro esportatuta, "Trenbideetarako edo antzekoetarako ibilgailuen zatiak" ( % 46,1), 25,9 milioi euro esportatuta, eta " Zura, plastikoa edo antzeko gai gogorrak lantzeko makina-erremintak (iltzatu, grapatu, mihiztatu, zerratu, eskuilatu, egokitu, zulatu...)" (21,0 milioi euro esportatu dira, aurreko urtean baino 20,2 milioi euro gehiago). Aitzitik, salmentek behera egin dute honako hauetan: "Trenbideetarako eta antzekoetarako bidaiari-autoak, ekipaje-furgoiak, posta-autoak eta bestelakoak" (2024ko azaroan baino 6,0 milioi euro gutxiago, hau da, % 19,3ko jaitsiera), eta "Automobilen zatiak eta osagarriak" (69,1 milioi euro esportatu ziren, hau da, % 4,7 gutxiago).

"Beroan ijeztutako produktu lauak, aleatu, txapatu edo estali gabeko burdinazkoak edo altzairuzkoak > 599 mm" partidako inportazioak % 80,7 igo dira, eta " Petrolioaren edo mineral bituminosoaren olio gordinak " partidakoak, berriz, % 27,1 jaitsi dira

Inportazioak muga-zergen partiden arabera aztertuz gero, "Beroan ijeztutako produktu lauak, aleatu, txapatu edo estali gabeko burdinazkoak edo altzairuzkoak > 599 mm" igoera nabarmena izan duela ikus daiteke, 21,9 milioi eurotik 39,6 milioi eurora igaro baita. Era berean, gorakada esanguratsua izan da honako alderdi hauetan:  "Polarimetroak, errefraktometroak, espektrometroak, gasen edo keen analizagailuak eta analisi fisiko edo kimikoetarako gainerako tresnak eta aparatuak", 165,4 milioi eurorekin; "Jasotzeko makinen edo aparatuen parteak eta garraiagailuak, nibelatzeko makinak, pala mekanikoak, hondeamakinak, zulagailuak, etab." (% 238,7) eta "Xaflen bidez eraikuntzak, barrak, profilak, tutuak eta galdaketako, burdinako edo altzairuko antzekoak" (% 526,7). Aitzitik, partidarik garrantzitsuenak, "Petrolioaren edo mineral bituminosoaren olio gordinak", guztizkoaren % 12,4 hartzen du, eta inportazioek % 27,1 egin dute behera, 376,1 milioi eurotik 274,4 milioi eurora. "Petrolioaren olio finduak" ere murriztu egin da (–% 26,8): 154,2 milioi eurotik 112,8 milioi eurora.

Jatorri/helmuga herrialdeak, 2025eko azaroa

Hilabete honetan, ranking esportatzailearen lehen postuetan honako hauek daude:

-Alemania: 361,3 milioiko balioa duten produktuak jaso ditu gure erkidegotik, % 97,5eko estaldura-tasarekin.

-Frantzia: 359,0 milioi euroko ondasunak esportatu dira herrialde horretara, % 219,4ko estaldura-tasarekin.

-Erresuma Batua: 169,0 milioi euroko balioagatik esportatu da bertara, % 505,7ko estaldura-tasarekin.

-Italia: gure esportazioetatik 155,8 milioi herrialde horretara bideratu dira, eta estaldura-tasa % 136,5ekoa izan da.

-Ameriketako Estatu Batuak: herrialde horretara 119,0 milioi euroko salmentak egin dituzte, % 100,3ko estaldura tasarekin.

Bost herrialde horiek esportazioen guztizkoaren % 47,3 hartzen dute; horietako hiru EB27koak dira; bertan biltzen da esportazioen % 63,6.

Hil honetan, inportazio handienak herrialde hauetatik egin dira, hurrenkera honetan: Alemania (370,6 milioi), Japonia (180,4), Frantzia (163,6 milioi), Txina (137,1 milioi) eta Mexiko (130,0 milioi).

2025eko lehen hamaika hilabeteetako metatuan, esportazioek % 4,1 (1.173,8 milioi euro gutxiago) egin dute atzera 2024ko aldi berarekin alderatuta

Lehenengo hamaika hilabeteetan, eta Euskal AEko esportazioen kasuan, % 4,1eko jaitsiera erregistratu da aurreko urteko aldi beraren aldean, hau da, 1.173,8 milioi euro gutxiago izan dira. Esportazioen zenbatekoa, berriz, 27.550,1 milioikoa izan da aldi horretan.

Bizkaiko esportazioak Euskal AEko handienak dira, 9.872,5 milioi euro guztira; Gipuzkoakoak 9.423,6 miloi euro eta Arabakoak 8.254,1 milioi euro. Bizkaiko esportazioek % 11,0ko jaitsiera izan dute, eta Arabakoek % 1,9koa. Gipuzkoakoak aurreko urtekoak baino % 2,3 gehiago dira.

Produktu mota kontuan hartuta, erkidego osoan "Produktu ez-energetikoak" izan ziren nagusi esportazioan, 26.376,3 milioi eurorekin, 2024ko lehen hamaika hilabeteetan baino % 1,7 gutxiago. Murrizketa hori ez zen homogeneoa izan; Bizkaiko esportazio ez-energetikoak % 5,4 eta Arabakoak % 1,9 jaitsi ziren bitartean, Gipuzkoako esportazioek aurreko urtekoak gainditu zituzten, % 2,3an. "Produktu energetikoen" esportazioek % 38,0ko atzerapena izan dute urte arteko konparazioan.

"10 pertsona baino gutxiagoko turismoak" partida esportazioen artean liderra da 2.822,1 milioi merkaturaturekin, eta % 12,7ko igoera izan du. Muga-zergen partida nagusien artean, hazkunde esportatzaile handienak honako hauek izan dituzte: " Trenbideetarako edo antzekoetarako ibilgailuen zatiak" (458,6 milioi esportatu eta % 84,0ko gehikuntza) eta " Trenbideetarako eta antzekoetarako bidaiari-autoak, ekipaje-furgoiak, posta-autoak eta bestelakoak " (390,5 milioi esportatu eta % 82,8ko gehikuntza). Aitzitik, partida nagusietako hirutan atzerapenak izan dira: "Kautxuzko pneumatiko berriak" (–% 36,0 eta 347,3 milioi gutxiago), "Petrolioaren olio finduak" (–% 18,7 eta 238,2 milioi gutxiago) eta "Ibilgailu automobilen zatiak eta osagarriak" (–% 15,4 eta 331,3 milioi gutxiago) eta

2025eko lehen hamaika hilabete hauetako rankingaren arabera, Alemania da herrialde hartzaile nagusia, esportazioen guztizkoaren % 15,0ekin 4.128,6 milioi euroko balio baterako. Herrialde horretatik oso hurbil dago Frantzia, 4.079,6 milioi eurorekin ( guztizkoaren % 14,8). Ondoren datoz Erresuma Batua (1.809,8 milioi eta % 6,6), Italia (1.676,9 milioi eta % 6,1) eta Estatu Batuak (1.581,8 milioi, % 5,7); bost herrialde horien artean Euskadiko esportazioen % 48,2 biltzen da.

Euskal AE osorako inportazioen metatua 24.556,9 milioi euro ingurukoa da. Urte arteko alderaketa eginez gero, ikusten da aurreko urteko aldi berean erregistratutakoa baino 558,0 milioi euro (% 2,2) gutxiago dela. Jaitsiera horren arrazoia da Bizkaiak (13.049,4 milioi) % 9,9 gutxiago erosi duela (–1.436,0 milioi). Bestalde, Arabako inportazioak 660,4 milioi euro (6.325,4 milioi guztira), eta Gipuzkoakoak 217,6 milioi euro igo ziren (5.182,1 milioi euro guztira).

"Produktu ez-energetikoak" partidaren inportazioak % 5,0 igo dira, baina "Produktu energetikoen" partidarenak % 22,4 jaitsi dira.

"Petrolioaren edo mineral bituminosoaren olio gordinak" muga-zerga partida inportatzaile garrantzitsuenak % 27,2 egin du atzera, hau da, aurreko urteko aldi berean baino 1.251,4 milioi gutxiago, 3.355,5 milioi guztira. Olio gordinen inportazioen ondoren, "Petrolioaren olio finduak" agertzen dira, 1.498,5 milioi eurorekin (–% 5,8). Bien artean guztizkoaren % 19.8 dira.

Euskal AEko ondasunen kanpo-merkataritzak, 2025eko urtarriletik azarora, 2.993,3 milioi euroko saldo positiboa izan du, eta estaldura-tasa % 112,2 izatera heldu da.