2025/05/16ko prentsa-oharra
MERKATUKO BESTE ZERBITZU BATZUEN INDIZEA. 2025/I
Euskal AEko merkatuko zerbitzuen sektoreko salmentak % 4,0 igo dira 2025eko lehen hiruhilekoan
Aurreko hiruhilekoaren aldean salmentak % 0,9 igo dira
Euskal AEko merkatuko beste zerbitzu batzuen sektoreko salmentak % 4,0 igo dira 2025eko lehen hiruhilekoan, aurreko urteko hiruhileko beraren aldean. Hori guztia, Eustaten datuen arabera, prezio konstanteetan eta egutegiaren eraginak kenduta. Sektore honetan Garraioa, Ostalaritza, Informazioa eta komunikazioak eta Enpresentzako zerbitzu-jardueren sektoreek eskainitako zerbitzuak kontabilizatzen dira.
Aurreko hiruhilekoaren aldean, prezio finkoetan eta dagozkion urtaro-eraginak kenduta, salmentak % 0,9 igo dira 2025eko lehen hiruhilekoan.
Merkatuko beste zerbitzu batzuen barruan, salmenten urte arteko bilakaera % 9,7 igo da Garraio eta biltegiratzearen sektorean, % 3,1 Jarduera profesional, zientifiko eta teknikoen sektorean eta % 2,3 Informazio eta komunikazioen sektorean. Ostalaritzan, aldiz, salmentak % 0,1 jaitsi dira, eta Administrazio-jarduerak eta zerbitzu lagungarriak sektorean % 0,8.
2024ko azken hiruhilekoaren aldean, salmenten hiruhileko arteko igoera % 3,6koa izan da Garraio eta biltegiratzean; % 1,6koa Jarduera profesional, zientifiko eta teknikoetan; % 0,2koa Informazioan eta komunikazioetan eta % 0,1ekoa Administrazio-jardueretan eta zerbitzu lagungarrietan. Hala ere, Ostalaritzan salmentak % 1,3 murriztu dira hiruhileko artean.
Euskal AEko merkatuko beste zerbitzu batzuen indizea. Urte arteko eta hilabete arteko aldakuntza-tasak (p). 2025/I
| | Prezio finkoak |
| | t / t-4 | t / t-1 | At / A(t-4) |
| Indize orokorra sektorearen arabera | 4,0 | 0,9 | 4,0 |
| Garraioa eta biltegiratzea | 9,7 | 3,6 | 9,7 |
| Ostalaritza | -0,1 | -1,3 | -0,1 |
| Informazioa eta komunikazioak | 2,3 | 0,2 | 2,3 |
| Jarduera profesionalak, zientifikoak eta teknikoak | 3,1 | 1,6 | 3,1 |
| Administrazio jarduerak eta zerbitzu lagungarriak | -0,8 | 0,1 | -0,8 |
| | | | |
| Indize orokorra lurralde historikoaren arabera | | | |
| Araba/Álava | 5,7 | 0,8 | 5,7 |
| Bizkaia | 3,4 | 0,4 | 3,4 |
| Gipuzkoa | 4,3 | 2,0 | 4,3 |
| | | | |
| Enplegu-indizea | | | |
| Euskal AE | 0,2 | -0,1 | 0,1 |
(p)Behinbehineko datuak
t / t-4 Urteen arteko aldakuntza. Egutegi eraginak zuzendutako datuak
t / t-1 Hiruhileko arteko aldakuntza. Datu desestazionalizatuak
A(t) / A(t-4) Urteen arteko aldakuntza urte honetan zehar. Egutegi eraginak zuzendutako datuak
Data 2025eko Maiatzaren 16a
Iturria: Eustat. Merkatuko beste zerbitzu batzuen indizea
Lurralde historikoen arabera, positiboa izan da salmenten bilakaera urteko lehen hiruhilekoan, bai urte artean, bai hiruhileko artean. 2024ko lehen hiruhilekoaren aldean, Araban hazkundea % 5,7koa izan da, Gipuzkoan % 4,3koa eta Bizkaian % 3,4koa. Aurreko hiruhilekoaren aldean, salmenten igoera % 2,0koa izan da Gipuzkoan, % 0,8koa Araban eta % 0,4koa Bizkaian.
Euskal AEko Merkatuko beste zerbitzu batzuen sektoreko landunen indizea % 0,2 igo da 2024ko lehen hiruhilekoaren aldean; aitzitik, 2024ko azken hiruhilekoaren aldean, enplegua % 0,1 jaitsi da.
INFORMAZIO-OHARRA
Urte arteko aldakuntzak egutegi-efektuen serie zuzenduetatik eta hiru hilabete arteko aldaketetatik abiatuta kalkulatzen dira, urtaro-eraginik gabeko serieak oinarri hartuta.
Eustatek eskerrak eman nahi dizkie informazioa biltzen lagundu duten establezimendu guztiei. Horiei esker, hiruhileko honetako indizea laginaren % 95,31ko estaldurarekin kalkulatu da.
Informazio gehiago:
Eustat - Euskal Estatistika Erakundea / Instituto Vasco de Estadística
Donostia kalea 1, 01010 Vitoria-Gasteiz
Prentsa-zerbitzua: servicioprensa@eustat.eus Tel: 945 01 75 62