Toki-erakundeen gastuen sailkapen ekonomikoa

Gastuen aurrekontuaren sailkapen ekonomikoak azaltzen du nola gastatzen den. Horretarako, gastu-aurrekontuko kredituak izaera ekonomikoaren arabera ordenatzen dira, eragiketa arruntetara bideratutako kredituak bereiziz (hala nola zerbitzu publikoen funtzionamendurako beharrezkoak diren pertsonal-gastuak eta ondasun eta zerbitzuetako gastu arruntak, finantza-gastuak eta transferentzia arruntetakoak); kapital-eragiketetara bideratutako kredituak (hala nola inbertsio errealetako gastuak eta kapital-transferentziak); eta finantza-eragiketetara bideratutako kredituak (hala nola toki-erakundeek jaso dituzten maileguak lortzea eta amortizatzea).