Behatu gabeko ekonomiaren neurketa (BGE) helburua da zuzenean estatistika-erakundeetan eskuragarri dagoen informaziotik abiatuta behatu ezin diren jarduera ekonomiko guztiak baloratzea, Kontabilitate Nazionalean, Kontuen Europako Sistemaren (KES 2010) esparruan, zenbatetsitako datuekin modu bateragarrian.

Zehazki, BGEk ezkutuko jarduerei egiten die erreferentzia, hau da, agintari publikoei nahita ezkutatzen zaizkien legezko ekoizpen-jarduerei; legez kanpoko jarduerei, jarduera informalei eta etxeek beren azken erabilerarako egiten dituztenei; baita estatistika-gabeziengatik hauteman ez direnei ere.