Hondakinak sortzea egungo jendarteak dituen ingurumen arazo larrienetako bat da. Ekonomia produkzioko eta kontsumoko mailek eragin dute hondakin sorkuntza gero eta handiagoa izatea. Hortaz, Europako, estatuko eta autonomia erkidegoetako markoa garatu da hondakinon kudeaketa eta prebentzio politika eraginkorra lortze aldera.

EAEko hondakin politikaren printzipioak ondorengoak dira:
a) Jatorrian prebenitu eta gutxitzea, ekoizpena eta kaltegarritasuna murriztea.
b) Berrerabiltzea, birziklatzea eta baliotzeko nahiz zikloak ixteko beste edozein era bultzatzea.
c) Baliotu ezin daitezkeen hondakinak behar bezala ezabatzea eta ongi kudeatzeko behar diren baliabideak jartzea.

Horren guztiaren ondorioz, informazio beharrek hondakin estatistika batzuk dakarzkigute. Estatistikok hondakin mota batean edo hondakinok kudeatzeko helburu edo beharrizan espezifikoago batzuetan oinarritzen dira.

Informazio gehiago saileko estatistika-atarian.