Bizi-baldintzen Inkestaren helburua Euskal AEko biztanleriaren bizi-baldintza objektiboak ezagutzea da, eta, horretarako, Europar Batasuneko EU-SILC inkestaren dimentsio batzuk hartzen dira kontuan.

Norberaren ongizate-inkestaren helburua ongizateari buruzko adierazleak lortzea da, hain zuzen, adierazle ekonomikoen osagarri direnak.

Horiek biak 2023-2026 Euskal Estatistika Planari buruzko azaroaren 9ko 10/2023 Legean araututako inkestak dira; gaur egun indarrean daude, eta 010901 eta 010904 kodeekin arautzen dira, hurrenez hurren.

Euskal AEko Estatistikari buruzko 4/1986 Legearen 10. eta 14. artikuluetan xedatutakoaren arabera, erantzun egin behar duzu eta eskatzen zaizun informazio estatistikoa egiazki ematera behartuta zaude.

Emandako datu guztiak sekretu estatistikoak babesten ditu (Euskal AEko Estatistikari buruzko 4/1986 Legearen 19.etik 23.erako artikuluak).

DATUEN BABESAREN INGURUKO OINARRIZKO INFORMAZIOA

• Arduraduna: Eustat - Euskal Estatistika Erakundea.
• Helburua: Euskal Estatistika Planean aurreikusitako estatistika-eragiketa bat egitea.
• Legitimazioa: Interes publikoaren alde edo botere publikoak erabiliaz egindako eginkizun bat betetzea.
• Hartzaileak: Datuak laga ahal izango zaizkie legez ezarritako hartzaileei.
• Eskubideak: Salbuespenak daude estatistika-xedea duten datuetan sartzeko, datuak zuzentzeko, datuen aurka egiteko eta datuen tratamendua mugatzeko.
• Informazio gehigarria: Eustaten web-orrian kontsulta dezakezu Datuen Babesari buruzko informazio gehigarri eta zehatza: https://www.eustat.eus/pribatutasuna/010901 eta https://www.eustat.eus/pribatutasuna/010904