2001. urteko heriotzen behin-behineko kopurua 17.487ra iritsi da; horietarik, 9.310 gizonezkoak eta 8.177 emakumezkoak dira. Erkidegotik kanpo hildako Euskal AEko egoiliarrei buruzko datuak jasotzeke daudela, 2000an baino 193 heriotza gutxiago izan ziren, baldintza berdinetan; horrenbestez, % 1,1eko jaitsiera gertatu da, Eustaten datuen arabera.
2001eko behin-behineko datuekin, lehen aldiz 1990etik, jaiotakoak hildakoak baino gehiago izan dira (18 pertsona gehiago), eta Euskal AEko hazkunde begetatiboak zeinu positiboa hartu du. Herrialdeka, saldo positiboak izan ziren Araban eta Gipuzkoan, 299 eta 432 biztanle irabazi baitzituzten, hurrenez hurren. Bizkaian, aldiz, heriotzak jaiotzak baino gehiago izan ziren (-713), baina saldo negatiboa ia %50 jaitsi da, 2000. urtearen aldean.
2000an izandako heriotzetatik, %31,3 (5.476 heriotza) zirkulazio-aparatuko gaixotasunek eragin zituzten. Jarraian tumoreak datoz, %30,7rekin (5.369 heriotza), eta hirugarrenik, askoz urrunago, arnas aparatuko gaixotasunak, %9,1 hartzen dutela (1.597).
Heriotzen arrazoi nagusiak ez ziren berdinak izan sexu batean eta bestean. Gizonezkoen artean, tumoreak baino hilgarriago gertatu ziren zirkulazio-aparatuko gaixotasunak; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren.
2001ean gertatuko heriotzen artean, 54 urtebetetik beheragoko
haurrei egokitu zitzaizkien, 35 mutikori eta 19 neskatori.