1.1. Kontaktuko erakundea

Euskal Estatistika Erakundea/Instituto Vasco de Estadística C/Donostia - San Sebastián, 1. 01010 Vitoria-Gasteiz

1.2. Kontaktuko unitatea

1.3. Kontaktuaren izena

1.4. Kontaktuko pertsonaren eginkizuna

1.5. Kontaktuko posta-helbidea

1.6. Kontaktuko posta elektronikoaren helbidea

1.7. Kontaktuko telefono-zenbakia

1.8. Kontaktuko fax-zenbakia

19/12/2022

2.2. Metadatuen azken hedapena

2.3. Metadatuen azken eguneratzea

19/12/2022

3.1. Datuen deskribapena

Heriotzen Estatistikak (HE) Euskal Autonomia Erkidegoan bizilekua duten pertsonen heriotzen eta horien zergatien informazioa eguneratzen du, gertatu diren tokian gertatu direla.

Hauek dira HEak ikertutako aldagai nagusiak:
- Jaiotza-urtea, adina
- Sexua
- Egoera zibila
- Nazionalitatea
- Bizilekua, udalerria, distritua, atala, ataria
- Heriotzaren tokia
- Heriotzaren zergatia

3.2. Sailkapen-sistemak

Lanbidea kodetzeko, Lanbideen Sailkapen Nazionala (LSN-11) erabiltzen da, eta heriotzaren zergatia kodetzeko, Gaixotasunaren Nazioarteko Sailkapena-10. berrikuspena (GNS-10) erabiltzen da abortuen kasuan.

2011ko Lanbideen Sailkapen Nazionala (LSN-11)

Gaixotasunen Nazioarteko Sailkapena-10. berrikuspena (GNS-10)

3.3. Estaldura sektoreka

HEan Euskal AEko biztanleen heriotza guztiak jasotzen dira.

3.4. Kontzeptu eta definizio estatistikoak

3.5. Estatistika-unitatea

Estatistikaren oinarrizko unitatea hildakoa da.

3.6. Biztanleria estatistikoa

HEren populazio-eremua Euskal AEko biztanleen heriotzak dira.

3.7. Eremu geografikoa

Euskal AEn gertatzen diren heriotzak jasotzen dira, hau da, Euskal AEko udalerrietako Erregistro Zibiletan inskribatu direnak, baita Euskal AEtik kanpo inskribatutako heriotzak ere, baina Euskal AEko biztanleei dagozkienak.

3.8. Denborazko estaldura

HEren jatorria honako estatistika-eragiketa hau da: Biztanleriaren mugimendu naturala. 1996. urtean, eragiketa horrek barne hartzen zituen 3 gertaera nagusiak (Jaiotzak, Ezkontzak eta Heriotzak) zein bere aldetik hartu ziren kontuan, eta banaka argitaratu, eta horrek HEa sortzea ekarri zuen. Hala ere, heriotzen eta heriotza-tasen datuei dagokienez, denborazko estalduraren hasiera 1975. urtekoa da. COVID-19aren datuak 2020. urtean argitaratzen hasi ziren.

3.9. Oinarri-aldia

Oinarri-aldia bat dator denborazko estalduraren hasiera-urtearekin.

4.1. Neurketa-unitatea

Datuak zenbaki absolututan eta tasetan neurtzen dira.

5.1. Erreferentzia-aldia

Datuak urte naturalekoak dira, datuak heriotzak gertatu ziren hilabetearen arabera argitaratu zein ez.

6.1. Egintza juridikoak eta beste akordio batzuk

Euskal Autonomia Erkidegoko Estatistikari buruzko Legeak (apirilaren 23ko 4/1986 Legea) xedetzat du Euskal Autonomia Erkidegoko estatistikak bere helburu eta eskumenetarako arautzea, lurralde historikoetako eta autonomia-erkidegoaren lurralde-eremuko beste erakunde publiko batzuetako estatistikak arautzea, eta estatistika-jarduera horren antolaketa ere arautzea. Euskal Estatistika Planak osatzen du lege hori, Euskal Autonomia Erkidegoko jarduera estatistikoa antolatzeko tresna baita, eta bertan jasotzen dira indarrean dagoen aldian egin beharreko estatistikak eta mota horretako beste jarduerak. Euskal Estatistika Plana Lege bidez onartu behar da. Gaur egun indarrean dagoen plana ekainaren 27ko 8/2019 LEGEAren bidez 2019-2022 aldirako onetsitakoa da.

4/1986 Legea, apirilaren 23koa, Euskal Autonomia Erkidegoko Estatistikari buruzkoa

Euskal Estatistika Plana, ekainaren 27ko 8/2019 LEGEAren bidez onetsia

Ez dagokio.

6.2. Datu-trukea

Eustaten eta Euskal AEko gainerako estatistika-zerbitzuen (Eusko Jaurlaritzako sailak eta erakunde instituzionalak) arteko datu-trukeak, bai eta erakunde horien eta Estatuaren artekoak ere, Eustatek garatutako jardueren ondorioz, Euskal Autonomia Erkidegoko Estatistikari buruzko Legean (apirilaren 23ko 4/1986 Legean) arautzen dira. 4/1986 Legeak xedatzen du, halaber, Euskal AEren eta estatuaren arteko lankidetza-hitzarmenak egitea, Euskal AEren eta estatuaren helburuetarako balio duten estatistikez elkarrekin baliatzeko.

4/1986 Legea, apirilaren 23koa, Euskal Autonomia Erkidegoko Estatistikari buruzkoa

HEa lankidetza teknikorako hitzarmenaren bidez egin da, Estatistikako Institutu Nazionalarekin (EIN) 2011ko urrian sinatutako lankidetza-hitzarmenaren bidez. Hitzarmen horrek 1995eko abendukoa indargabetzen du. Osasun Sailarekiko akordioa ere mantentzen da 1986. urteaz geroztik, heriotzaren zergatia kodetzeko.

7.1. Konfidentzialtasun-politika

Eustatek beharrezko neurriak hartzen ditu gizabanakoak edo erakundeak zuzenean edo zeharka identifikatzea eragozteko, apirilaren 23ko 4/1986 Euskadiko Autonomia-Elkartearen Estatistikari buruzko LEGEAren aplikazio zorrotzari esker, estatistika-sekretua eta Datu Pertsonalak Babesteari eta Eskubide Digitalak Bermatzeari buruzko abenduaren 5eko 3/2018 Lege Organikoa betez. Informazioa biltzen duten langile guztiak eta Eustaten barruan beste edozein funtzio betetzen duten langileek isilpekotasun-klausula sinatu behar dute (apirilaren 23ko 4/1986 LEGEAren 15. artikulua). Isilpekotasun-klausula hori Eustatek zuzenean kontratatutako langileek eta datuak biltzeko azpikontratatutako langileek onartu behar dute. Eragiketak galdetegi bat duenean, bildutako informazioa apirilaren 23ko 4/1986 LEGEAk araututako sekretu estatistikoak babesten duela adierazten da.

4/1986 Legea, apirilaren 23koa, Euskal Autonomia Erkidegoko Estatistikari buruzkoa

7.2. Isilpeko datuen tratamendua

Estatistika-prozesuan datuak babesteko eta isilpekotasuna gordetzeko araudia eta jarraibideak, batez ere, datu babestuak dauzkaten fitxategiak eskuratzeko, tratatzeko eta biltzeko ezarritako segurtasun-protokoloetan oinarrituko dira, datu pertsonalak nahiz datu estatistikoak izan. Araudi hori Eustaten Segurtasun Agirian zehatz ageri da. Emaitzen tauletan, ez dira maiztasun txikiko aldagai sentikorrak argitaratzen, ez eta, zenbait estatistika-unitateren ekarpen nagusiek zeharkako identifikazioa ahalbidetzen duten gelaxkak ere. Mikrodatuen fitxategiak zabaltzen direnean, fitxategi horiek ez dute inola ere erregistro-identifikatzaile zuzenik edo datu pertsonalik jasoko, eta aldagaiak zeharka identifikatzea eragozteko irizpideak aplikatuko dira.

Isilpekotasunaren tratamendua Eustat-en estatistika-eragiketetan

Estatistika sekretu estatistikoari lotua dago. Babes horrek datuen tratamendu erabat anonimo eta agregatua bermatzen du, erantzunok ezingo izango baitira inoiz izenarekin batera erabili, ezta estatistika-eragiketaren beraren beste helburu batzuetarako ere.

8.1. Hedapen-egutegia

Egutegiaren aurrerapena urte bakoitzeko azken hiruhilekoan argitaratzen da, eta koiunturari buruzko estatistikak argitaratzeko data zehatzak eta egiturazko estatistikak argitaratzeko hilabetea erakusten ditu; ondoren, hilabete bakoitzeko azken egunetan (t) hilabeterako programatutako egiturazko estatistikak argitaratzeko egun zehatza iragartzen da (t+1).

8.2. Hedapen-egutegirako sarbidea

8.3. Erabiltzailearentzako sarbidea

Europako estatistiken praktika onen kodeari jarraituz, erabiltzaile guztiek denbora berean dute sarbidea estatistika-informaziora eta edozein kanpo-erabiltzaileri emandako aurretiazko sarbide pribilegiatu oro mugatua, kontrolatua eta jakinarazia izan behar da. Hori horrela, Eustatek egindako prentsa-oharrak Eustaten webgunean daude eskuragarri, zabaltzeko ezarritako egunean, eta Euskal AEko komunikabide guztietara bidaltzen dira aldi berean. Halaber, hedapen ofiziala baino ordu batzuk lehenago, Eustaten zenbait prentsa-ohar Eusko Jaurlaritzako sailen batera igor daitezke, enbargo pean; baldin eta sail horiek, hedatzear dagoen eragiketarekin duten loturagatik, denbora eduki nahi badute arduradunek komunikabideen galderei erantzuteko prestatu ahal izateko.

9.1. Hedapenaren maiztasuna

Datuak hiru hilean behin ezagutarazten dira, aurrerapen gisa (behin-behineko datuak), eta urtero, behin betiko datuekin.

10.1. Komunikatuak

Eustatek estatistika-eragiketen emaitza nagusiak zabaltzen dituzten prentsa-oharrak egiten ditu. Prentsa-oharrak Eustaten webgunean daude, estatistika-eragiketa bakoitzari dagokion menuan. Eustatek Newsletterrak izeneko prentsa-zerbitzua ere eskaintzen du; posta elektronikoz zabaltzen diren albiste-buletinak dira, eta Euskal Autonomia Erkidegoko zenbait arlo eta sektoreren gaineko estatistika-informazio garrantzitsuena biltzea dute helburu.

10.2. Argitalpenak

Eustaten webgunean honako argitalpen hauek daude eskuragarri:
- Datuak: Azken prentsa-oharrak, emaitzen analisiari buruzko txostenak, grafikoak eta bistaratzeak, mikrodatuak eta honako taula estatistiko hauek jasotzen dituzte:
   - Hileko datuei buruzko taula estatistikoak:
      Euskal AEko heriotzak, hilabeteka, lurralde historikoaren eta sexuaren arabera; bizilekua dagoen udalerriaren arabera (> 40.000 biztanle); adinaren arabera; eta heriotzaren zergatiaren arabera.
      Euskal AEko urtebetetik beherakoen heriotzak, hilabeteka, lurralde historikoaren eta sexuaren arabera.
      Euskal AEko heriotzak, hiruhilekoka, lurralde historikoaren arabera.
   
   - COVID-19aren datuei buruzko taula estatistikoak:
      Euskal AEko heriotzak, lurralde historikoaren eta bizilekua dagoen udalerriaren arabera (> 40.000 biztanle), lurralde historikoaren/inskripzio-probintziaren, sexuaren eta adinaren arabera, eta COVID-19arekin lotutako heriotza-zergatien arabera.
      Euskal AEko heriotzak, lurralde historikoaren eta heriotza-lekuaren arabera, eta COVID-19arekin zerikusia duten heriotza-zergatien arabera.
      Euskal AEko heriotzak, heriotza-hilabetearen arabera, eta COVID-19arekin lotutako heriotza-zergatien arabera.
    
   - Urteko datuei buruzko taula estatistikoak:
      Euskal AEko heriotzak, bizilekua dagoen lurralde-eremuaren, sexuaren, heriotzaren zergatiaren eta hazkunde begetatiboaren arabera.
      Euskal AEko heriotzak eta heriotza-tasak 1.000 biztanleko, lurralde historikoaren arabera.
      Euskal Autonomia Erkidegoko heriotzak, jaioturtearen eta adinaren, lurralde historikoaren eta sexuaren arabera.
      Euskal AEko heriotzak, heriotza-zergatiaren, sexuaren eta lurralde historikoaren arabera.
      Euskal Autonomia Erkidegoko suizidioak, adin-taldearen, lurralde historikoaren eta sexuaren arabera.

- Metadatuak:
   - Metodologia eta kalitatea: Honako agiri hauek ditu: Kalitate-fitxa eta Metodologia-fitxa.
   - Galdetegiak
- Definizioak
- Kodeak eta nomenklaturak

- Informazio osagarria:
     Egutegia

Heriotzen estatistika

10.3. On-line datu-baseak

Datu Bankua	Eguneratua
Euskal AEko heriotzak, lurralde eremuaren eta sexuaren arabera. 1975 - 2022	2023/07/18
Euskal AEko heriotzak, lurralde historikoaren, adinaren eta sexuaren arabera. 1996 - 2022	2023/07/18
Euskal AEko heriotzak, lurralde historikoaren, hilaren eta sexuaren arabera. 1996 - 2022	2023/07/18
Euskal AEko urtebetetik beherakoen heriotzak, lurralde historikoaren, hiltze-lekuaren, bizitza-egunen eta sexuaren arabera. 1996 - 2022	2023/07/18
Euskal AEko hazkunde begetatiboa, lurralde eremuka. 1975 - 2022	2023/07/18
Euskal AEko heriotzak, lurralde historikoaren eta heriotza-kausen arabera. 1996 - 2022	2023/07/18
Euskal AEko heriotzak, eskualdearen eta heriotza-kausen arabera. 1996 - 2022	2023/07/18
Euskal AEko heriotzak, udalerriaren (10.000 biztanletik gorakoak) eta heriotza-kausen arabera. 1996 - 2022	2023/07/18
Euskal AEko heriotzak, lurralde historikoaren, heriotza-kausen taldeen (GNS-9) eta sexuaren arabera (1996tik-1998ra). 1996 - 1998	2023/07/18
Euskal AEko heriotzak, lurralde historikoaren, heriotza-kausen taldeen (GNS-10) eta sexuaren arabera. 1999 - 2022	2023/07/18
Euskal AEko heriotzak, lurralde historikoaren, heriotza-kausen talde handien (GNS-9) eta adin-betearen tartearen arabera (1996tik-98ra). 1996 - 1998	2023/07/18
Euskal AEko heriotzak, lurralde historikoaren, heriotza-kausen talde handien (GNS-10) eta adin-betearen tartearen arabera. 1999 - 2022	2023/07/18
Euskal AEko heriotzak, heriotza-kausen taldeen (GNS-9), adin-betearen tartearen eta sexuaren arabera (1996tik-98ra). 1996 - 1998	2023/07/18
Euskal AEko heriotzak, heriotza-kausen taldeen (GNS-10), adin-betearen tartearen eta sexuaren arabera. 1999 - 2022	2023/07/18
Euskal AEko hildakoen batez besteko adina, lurralde historikoaren, heriotza-kausen talde handiaren (GNS-9) eta sexuaren arabera (1996tik-98ra). 1996 - 1998	2023/07/18
Euskal AEko hildakoen batez besteko adina, lurralde historikoaren, heriotza-kausen talde handiaren (GNS-10) eta sexuaren arabera. 1999 - 2022	2023/07/18
Euskal AEko jaiotinguruko heriotzak, lurralde historikoaren, heriotza-kausen eta sexuaren arabera. 1996 - 2022	2023/07/18
Euskal AEko heriotzak, lurralde historikoaren, sexuaren, jaiotza-urtearen, betetako adina edo ezaren eta urtearen arabera. 1975 - 2022	2023/07/18
Euskal AEko heriotzak, udalerriaren, sexuaren, jaiotza-bostartekoaren eta urtearen arabera. 1976-1980 - 2016-2020	2023/07/18
Euskal AEko heriotzak, lurralde historikoaren, sexuaren, adinaren, kide izate-belaunaldiaren eta urtearen arabera. 1975 - 2022	2023/07/18
Euskal AEko heriotzak, lurralde historikoaren, sexuaren, hilabetearen eta urtearen arabera. 1975 - 2022	2023/07/18
Euskal EAko hileko heriotzak, adinaren, sexuaren eta bizilekuaren lurralde historikoaren arabera. 2010 - 2022	2023/07/18
Euskal AEko hileko heriotzak, adinaren, sexuaren eta kausaren arabera. 2010 - 2022	2023/07/18

10.4. Mikrodatuetarako sarbidea

10.5. Beste batzuk

Eustatek aukera ematen die herritarrei, enpresei, administrazio publikoei, eragile ekonomiko eta sozialei, unibertsitateei eta abarri neurrira egindako informazio-ustiapen espezifikoak eskatzeko, beren jarduera propioa egiteko edo beste arrazoi batzuengatik estatistika-informazioaren premia dutelako.

Informazio-zerbitzuak

10.6. Metodologiari buruzko dokumentazioa

10.7. Kalitateari buruzko dokumentazioa

11.1. Kalitate-bermea

EUROSTATek Europako Estatistiken Jardunbide Egokien Kodean proposatutako kalitate-adierazle estandarretan oinarritzen da Eustaten estatistiken kalitatea bermatzeko esparrua. Kode honek 16 printzipio ditu, hiru arlotan banatuta: Erakunde-ingurunea, prozesuak eta produktuak. Printzipio bakoitzak neurtzeko aukera ematen duten adierazle batzuk ditu lotuta. Testuinguru horretan, Eustatek bere adierazleak egiten ditu estatistika-eragiketa bakoitzaren kalitatea ebaluatzeko, eta EUROSTATen zenbait tresna baliatzen ditu kalitatea neurtzeko. Tresna horien artean DESAP (Development of a Self Assessment Programme) galdetegia (11.2 atala aztertu) eta erabiltzailearen gogobetetze-inkesta daude (12.2 atala aztertu).

Europako estatistiketako jardunbide egokien kodea

11.2. Kalitate-ebaluazioa

Eustatek ebaluazio-protokolo bat du finkatuta, eta DESAP (Development of a Self Assessment Programme) galdetegia erabiltzen da bertan. Tresna horri esker, eragiketa estatistiko bakoitza azter dezakete egileek edo eragiketa horretan parte hartzen duen taldeak, hurrengo eragiketetan ezar daitezkeen hobekuntzak hautemateko. Ebaluazioa urtero egiten da, betiere eragiketak maiztasun hori edo txikiagoa badu; eragiketa egiteko maiztasuna urtebete baino gehiago bada, amaitzen denean egiten da ebaluazioa. EUROSTATek proposatutako kalitate-irizpide estandarrak aplikatzen ditu Eustatek. Eustatek egindako adierazleak gehitzen zaizkie faktore horiei, eta EUROSTATen adierazleekin batera, estatistika-eragiketaren fase guztietan kalitate-xedeak lortzeko gida gisa balio dute horiek.

HEan EUROSTATek proposatutako kalitate-faktore hauek jasotzen dira: egokitasuna, irisgarritasuna eta argitasuna, zehaztasuna eta fidagarritasuna, kostua eta konparagarritasuna.

12.1. Erabiltzailearen beharrak

HEaren erakunde erabiltzaile eta interesdun nagusiak honako hauek dira:

- Estatistikako Institutu Nazionala (EIN)
- Eusko Jaurlaritzaren Osasun Saila
- Eusko Jaurlaritzaren Hezkuntza Saila
- Hedabideak
- Udalak
- Partikularrak

2021. urtean, Inpaktuen indizea, prentsako eta hedabide digitaletako albiste kopurua adierazten duena, 3 izan da. Web-bisiten indizea, eragiketa bakoitzeko web-bisiten kopurua adierazten duena, 5 izan da. Biak 1-5 erreferentzia-balioaren gainean, non 1 minimoa den, eta 5 maximoa.

Kalitate-fitxa

12.2. Erabiltzailearen asetasuna

Erabiltzailearen gogobetetze-maila neurtzeko inkesta bat dago; bi urtean behin egiten da, eta erabiltzaileen ikuspuntuak eta iritziak jasotzen ditu. Inkestak gogobetetzea neurtzen du eragiketa talde bakoitzeko erabiltzailearen asebetetze-maila adierazten duen indize baten bidez (1etik 5erako eskalan neurtuta). Erabiltzaileak emandako garrantzia ere balioesten du eragiketa-taldeka (1etik 5erako eskalan neurtuta).

2021ean, gogobetetze-indizea 4,18 izan da, eta emandako garrantzi-maila, 4,27. Biak 1-5 erreferentzia-balioaren gainean, non 1 minimoa den, eta 5 maximoa.

Kalitate-fitxa

12.3. Zehaztasuna

Ezagutarazi den informazio-egiturak estatistika-jarduketaren urteko programetan aurreikusitako kontzeptu-, lurralde- eta denbora-banakapeneko mailak betetzen ditu. Ildo horretan, HEaren emaitzen lurralde-banakapeneko maila handiena udalerria da.

13.1. Akurazitate globala

% 100eko estaldura-tasari eusteko eta datu egotzien ehunekoa murrizteko, edo 0ra ere iristeko, helburua ezartzen da.

13.2. Laginketa-hutsegiteak

Ez dago laginketa-errorerik, errolda-eragiketa bat baita.

13.3. Laginketarekin zerikusi ez duten hutsegiteak

Egotzitako datuen ehunekoaren adierazlea, zehazki HEarentzat, informazio-gabetasuna duen eremuren bat egotzi den buletinen ehunekoa neurtzen duena, % 0,23koa izan da 2021ean.

Kalitate-fitxa

14.1. Aukera

Desfasearen benetako balioa, erreferentzia-aldia amaitzen denetik emaitzak argitaratzen diren datara arte igarotako denbora neurtzen duena, 2021ean, 6 hilabetekoa izan da hiruhileko argitalpenetan, eta 7 hilabetekoa izan da urtekoan.

Kalitate-fitxa

14.2. Puntualtasuna

Eragiketaren emaitzak Eustaten argitalpen-egutegiaren arabera argitaratzen dira. Egutegiaren betetze-mailaren adierazlea % 100 izan da 2021ean.

Kalitate-fitxa

15.1. Konparagarritasun geografikoa

Konparagarritasun-tasa, erreferentziako erakunde bakoitzarekin aldera daitezkeen metadataren alderdien ehunekoa neurtzen duena, % 100 izan da 2021ean.

Kalitate-fitxa

15.2. Denborazko konparagarritasuna

Konparagarriak diren aldien adierazlea, eragiketaren datuen seriean hutsunerik gabe agertzen diren aldien kopurua neurtzen duena, 25 urtekoa izan da 2021ean.

Kalitate-fitxa

15.3. Sektoreen gurutzatzea - koherentzia

Heriotzen zifrak koherenteak dira INEren heriotzen estatistikarekin.

15.4. Barne-koherentzia

Argitaratutako emaitzen koherentzia bermatzeko beharrezkoak diren kontrolak eta baliozkotzeak egiten dira.

16.1. Kostuak eta karga

Eragiketa horren guztizko aurrekontua, 2022ko urteko estatistika-programaren arabera, 178.000 €-koa da.

17.1. Datuen berrikustea - Politika

Akatsak gertatzen direnean eta akatsok hedatu ondoren detektatzen direnean, zuzendu egiten dira datuak. Kasu bakoitzari dagozkion produktu estatistikoak (prentsa-oharrak, taula estatistikoak, datu-bankua, etab.) berriz argitaratzen dira. Prentsa-oharrei dagokienez, lauki bat gehitzen da, oharra berrikusi dela jakinarazteko eta errorea zergatik gertatu den azaltzeko.

17.2. Datuen berrikustea - Praktika

Indarreko urteko hileko datuak behin-behinekoak dira. Datu hauek berrikusi egin behar dira eta, urtea itxita, behin betiko bilakatzen dira.

18.1 Jatorrizko datuak

Datuak administrazio-izaerako informaziotik lortzen dira.

Ikertutako unitateak 23.000 heriotza dira, gutxi gorabehera.

18.2. Datuen bilketa-maiztasuna

Hilekoa

18.3. Datu-bilketa

Inguruabar berezirik ez duten heriotzen kasuan, datuak Heriotza Ziurtagiri Medikotik/Heriotza Buletin Estatistikotik (HZM/HBE) jasotzen dira Erregistro Zibilean. Bizitzako lehen 24 orduak baino lehen gertatutako heriotzen kasuan, informazioa Erditzeen Buletin Estatistikoan jasotzen da, eta egoera bortitz edo ez oso argietan gertatzen diren heriotzen kasuan, Heriotza Judizialaren Buletin Estatistikoan (HJBE). Buletin horiek EINek diseinatzen ditu.


Hortaz, informazioa lortzeko metodoa administrazio-dokumentuen transkripzioa da.

18.4. Datuen baliozkotzea

Buletinetan 2 kontrol mota ezartzen dira:
A. Zuzendu beharreko erroreak:
   1. Hein-erroreak: ez dute ahalbidetzen hein jakin batetik kanpoko balioak sartzea.
   2. Koherentzia-erroreak: ez dira onartu behar inolaz ere.
   3. Beste errore mota batzuk hautematen dira sartzen den datua baimenduta ez dauden kodeen kanpo-zerrenda batean ageri delako. Sistema hori heriotzaren zergatia baliozkotzeko erabiltzen da, adinaren eta sexuaren arabera.
B. Kontuan hartu beharreko oharrak:
   1. Heinetik kanpoko balioak sartzea ahalbidetzen duten oharrak, baina beste bide batzuetatik egiaztatu behar direnak, datuari eutsiz, egiazkoa bada.
   2. Berretsi behar diren eta onar daitezkeen koherentzia-oharrak.

Modu gehigarrian, beste baliozkotze-prozesu independente bat egiten da, beste balizko errore batzuk kontrolatzen dituena eta errore-zerrendak sortzen dituena, ziurtatu, egiaztatu eta zuzendu daitezen, hala badagokie. Behin erroreen zerrendak egiaztatu direnean, beste baliozkotze bat egiten da beste programa baten bidez, egiaztatzeko dena ondo egin dela.

Azkenik, kalitate-kontroleko zerrenda batzuk sortzen dira. Horietan, gertaera bakoitzeko erregistro-ehuneko jakin bat (% 5) ateratzen da, grabazioa berrikuste aldera. Osasun-datuen errore- eta kalitate-zerrenda espezifikoak Osasun Sailak sortzen eta egiaztatzen ditu.

Behin erroreak zuzendutakoan eta erroreen zein kalitate-kontroleko zerrendak berrikusitakoan, hileko datuak behin betikotzat jotzen dira.

18.5. Datuen bilketa

Behin betiko hileko datuak informazioa osatzea ezinezkoa izan den kasuetan bakarrik egozten dira. Balioak ausaz egozten dira, aldagai bakoitzerako lortutako maiztasunak kontuan hartuta. Identifikazio-aldagaiak: udalerria, lurraldea, liburukia eta inskripzio-orria, gako direnez, ez dira egozten; hori dela eta, behar bezala beteta egon behar dute buletin bakoitzaren barruan.

Honako ustiapen hauek egiten dira:

- Hileroko ustiapena: Behin hileko sorta bateko datuak behin betikotzat emandakoan, aurreko hilabeteari dagokion sortako informazioaren ustiapena egiten da. Lurralde-mailako taula batzuk sortzen dira, datuen barne-kontrol gisa balio dutenak eta aurreko informazioan izandako aldaketak hautematea ahalbidetzen dutenak. Ez da hileko ustiapen hori ezagutarazten.

- Hiru hilean behingo ustiapena: Hiruhileko bati buruzko behin-behineko datuak jaso ondoren (3 hilabeteak + hurrengo hilabetea), hiruhileko ustiapena egiten da, Euskal AEtik kanpo gertatu diren baina Euskal AEko herritarrei dagozkien heriotzak barne. Informazio hori Eustaten webgunean argitaratuta dago.

- Urteko ustiapena: Urtero, EINi azken fitxategi bat bidaltzen zaio, urte guztiko heriotzak egotzita dituena. Halaber, Eustatek, EINen eskutik, urtero jasotzen du Euskal AEtik kanpo gertatu diren baina Euskal AEko biztanleei dagozkien heriotzei buruzko informazioa, heriotzaren zergatia kodetuta. Ustiapen horretan sortutako taulak Eustaten webgunean argitaratzen dira.

18.6. Doikuntza

Urtaro-doikuntzak egiten dira heriotzen serie nagusirako joera ateratzeko eta argitaratzeko.

19.1. Oharrak

--