2002ko bigarren hiruhileko honetan 4.227 heriotza izan dira, hau da, aurreko hiru hilean baino % 18,9 gutxiago. Izan ere, neguan izan ohi dira urte osoko hilkortasun-zifrarik handienak. Lurraldeka, Araban 478 pertsona hil ziren, Bizkaian 2.357, eta Gipuzkoan 1392.
Heriotza-kausa nagusia zirkulazio-sistemako gaixotasunak izan ziren: 1.312 pertsona hil ziren kausa horrengatik (% 31); haren atzetik, bigarren heriotza-kausa gisa, tumoreak ageri dira, 1.291 heriotza eragin baitzituzten (% 30,5). Hirugarren tokia arnas aparatuko gaixotasunek hartu zuten, neguko hil haietan 391 heriotza eragin baitzituzten (% 9,2).
Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren.
2002ko bigarren hiruhilekoan gertatukoen artean, 15 heriotza urtebetetik beheragoko haurrei egokitu zitzaizkien: 9 neskatori eta 6 mutikori.
Hazkunde begetatiboak zeinu positiboa izan zuen 2002ko bigarren
hiruhilekoan, 354 pertsonako biztanle-gehikuntzarekin. Arabak eta Gipuzkoak
saldo positiboak izateaz gain (176 eta 162 pertsonakoak, hurrenez hurren), Bizkaian
lehenengo aldiz hazkunde begetatibo positiboko hiruhileko bat izan da, 16 pertsonako
hazkundea besterik izan ez bada ere.