2002ko hirugarren hiruhileko honetan 4.052 heriotza izan dira, hau da, aurreko urteko aldi berean baino %2,9 gutxiago, Eustaten azkeneko behin-behineko datuen arabera. Lurraldeka, Araban 468 pertsona hil ziren, Bizkaian 2.293, eta Gipuzkoan 1291.

Heriotza-kausa nagusia tumoreak izan ziren: 1.291 pertsona hil ziren kausa horrengatik (%31,9); haren atzetik, bigarren heriotza-kausa gisa, zirkulazio-sistemako gaixotasunak ageri dira, 1.200 heriotza eragin baitzituzten (%29,6). Hirugarren tokia arnas aparatuko gaixotasunek hartu zuten, 351 heriotza eragin baitzituzten (%8,7).

Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren.

2002ko hirugarren hiruhilekoan gertatukoen artean, 11 heriotza urtebetetik beheragoko haurrei egokitu zitzaizkien: 7 mutikori eta 4 neskatori.

Hazkunde begetatiboak zeinu positiboa izan zuen 2002ko hirugarren hiruhilekoan, 477 laguneko biztanle-gehikuntzarekin. Saldo positiboak izan dira hiru herrialdeetan: Araban 158, Bizkaian 32 eta Gipuzkoan 287.

1. taula: Euskal AEko heriotzak sexuka, heriotza-kausaren arabera. Hiruhilekoen alderaketa.