Gehien aipatutako finantza-entitateen WEB orriek, hau da, BBK.ES, KUTXA.NET, CAJALABORAL.ES eta BBVANET.COMek 55.200 aipamen izan zituzten 2003ko bigarren hiruhilekoan eta laugarren hiruhilekoan, 65.300 aipamenen izatera pasa dira (%18,3), Eustatek eskainitako datuen arabera. BBVAren filialak bikoiztu egin ditu bere aipamenak aldi horretan, baina BBKren orria da banku elektronikoetan aipatuena.

ELCORREODIGITAL.COM da oraindik ere buru web gune aipatuenen rankinean eta bigarren jarraitzen du DIARIOVASCO.COMek. Hala ere, egunkari elektroniko bien aipamenak urritu egin dira, hein batean, 2003ko laugarren hiruhilekoan izandako sarrera-kopurua bera jaitsi egin delako bigarren hiruhilekoan.

Lana eskaintzen duten web gune nagusiek –LANBIDE.NET eta INFOJOB.COM- gora egin dute rankingean eta %9,5 aipamen irabazi dituzte urte erdian.

10 Internet erabiltzailetik 9k GOOGLE erabiltzen du, 2003ko 2. hiruhilekoan baino %13 gehiago

Internetera sartzeko atariak erabiltzerakoan (bai bilatzaile huts gisa, bai sesio bakoitzean gidari gisa) Euskal AEko internautek gero eta argiago jotzen dute GOOGLEra eta sei hilean %78,6k erabiltzetik %87,3k erabiltzera pasa da.

Internet erabiltzaileen %14k YAHOO erabiltzen du eta gogokoenetan bigarren postuan dago. Atzetik TERRA dago, %10,9rekin. Hala ere, YAHOOk aipamenen %36 galdu du eta TERRAk %19,7.

Gainerako atari minoritarioei ere eragin diete galera horiek eta bakar batek ere ez du gainditu erabiltzaileen aipamenenen %2a. Baina, bada salbuespen bat, KAIXOk 1.800 aipamen irabazi baititu seihilekoan.