2003ko lehenengo hiruhilekoan, Euskal AEn 4.853 lagun hil ziren, iazko aldi berean baino %7 gutxiago, EUSTATen datuen arabera. Lurralde historikoka, Araban 553 lagun hil ziren (%-8,6), Bizkaian 2.704 (%-6,1) eta Gipuzkoan 1.596 (%-7,9)

Normalean, lehenengo hiruhilekoan izaten da heriotza gehien eta arnas aparatuko gaitzak izaten dira heriotza-kopuruan gehikuntza handiena izaten dutenak. Aurten, arnas aparatuko gaitzek eragindako heriotzen gehikuntza %30,8ko izan zen, aurreko hiruhilekoaren aldean,. Hala ere, aipatzekoa da aurtengo eragin txikia iazko hiruhileko berean izan zuenaren aldean, %22 heriotza gutxiago izan baitziren kausa honengatik. Beraz, arnas aparatuko gaitzak heriotza guztien %11,4 hartu zuten, 2002ko lehenengo hiruhilekoan baino bi puntu gutxiago.

Heriotzen kausa nagusia zirkulazio-aparatuko gaixotasunak izan ziren: 1.580 lagun hil ziren gaixotasun horiengatik (%32,6). Jarraian tumoreak datoz, 1.349 heriotzarekin (%27,8)), eta hirugarrenik, askoz urrunago, arnas aparatuko gaixotasunak, 551 heriotza eragin baitzituzten.

Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren. Arnas aparatuko gaixotasunak izan ziren, berriro ere, hirugarren heriotza-kausa bi sexuetan, baina horien eragina txikiagoa izan zen, 2002ko hiruhilekoan baino, emakumezkoengan zein gizonezkoengan.

2003ko lehenengo hiruhilekoan izandako heriotzen artean, 9 heriotza urtebetetik beheragoko haurrei egokitu zitzaizkien: 4 mutikori eta 5 neskatori.

2003ko lehenengo hiruhilekoko hazkunde begetatiboa negatiboa izan zen, 337 laguneko biztanle-galerarekin. Herrialdeka, saldo positiboak izan ziren Araban eta Gipuzkoan, 39 eta 14 biztanle irabazi baitzituzten, hurrenez hurren. Bizkaian, ostera, heriotzak gehiago izan ziren jaiotzak baino (-390).