Euskal AEko industriajarduerako balio erantsiak % 1,4ko hazkunde erreala izan du 2003an, eta aurreko urtean (% +0,2) baino gehiago hazi da, Eustatek landutako datuen arabera. Jokaera hori ez da berdina izan hiru lurraldeetan. Bizkaia eta Gipuzkoa, kopuru errealetan, % 2,7 eta % 0,8 hazi dira, hurrenez hurren; eta Araba aurreko urteko maila berean mantendu da.

Kopuru garbietan, ia 1.000 enplegu sortu dira 2003an, aurreko urtean baino % 0,4 gehiago. Industriako lanpostuak 247.000 dira, zortzi urtez hazkunde positiboak izan eta gero. Hartara, industriako enplegua 1984ko mailan da.

Industriako balio erantsi gordinaren bilakaera, oinarrizko preziotan, 19992003.

Hazkundearen tasa errealak.

(a): Aurrerapena

Iturria: Eustat.

Bilakaera horretan, alde handiak ageri dira sektore batetik bestera. Batez bestekotik gora hazi dira sektore hauek: kimika-industria (% 13,8), ehungintza eta jantzigintza (% 8,3), material elektrikoa (% 6,7), ez-metalezko industria (% 6,6), petrolioa fintzea (% 6,3), garraio-materiala (% 6,1) eta zurgintza (% 5,0).

Beste alde batetik, aztertutako sektoreen artetik, bost izan dira tasa negatiboenekoak: larruaren eta oinetakoen industria (% -8,1), papera, argitalpena eta arte grafikoak (% -5,7), metalgintza eta metalezko gaiak (% -2,1), metalezko eta ez-metalezko meak (% -1,3) eta kautxua eta plastikoa (% -1,2).

Industriako balio erantsi gordinaren bilakaera, oinarrizko preziotan.

Prezio finkoak. Euroak, milakotan.

(a): Aurrerapena

Iturria: Eustat.