2004ko uztailean, abuztuan eta irailean 3.360 ezkontza kontatu ziren Euskal AEn, aurreko urteko hiruhileko berean baino %4,3 gutxiago, Eustaten datuen arabera. Lurralde historiko guztietan jaitsi ziren aurreko urteko aldi beraren aldean. Bizkaitarrek 1.709 ezkontza ospatu zituzten, %3,7 gutxiago; gipuzkoarrek 1.074 ezkontza, %1,1 gitxoago eta arabarrek 410 ezkontza, aurreko urteko aldi berean baino %15,1 gutxiago. Euskal AEtik kanpo bizi zirenen artean 167 ezkontza izan ziren.

Uztaila da ezkontzeko hilabeterik gustukoena

Uztailean ospatu ziren ezkontza gehien (1.502), irailean 1.389 izan baitziren. Oraingoan ere, abuztuan ospatu ziren ezkontza gutxien (469).

Hiruhileko horretan nabarmen hasi ziren Elizan ospatu ziren ezkontzak. Neguko hilabeteetan ezkontzen erdia baino gehiago zibilak izan ziren arren, hiruhileko honetan ospakizunen %65,8 erlijiosoak izan ziren, aurreko urtearen aldean %12 gutxiago izan baziren ere. Araban ezkontza kanonikoak %62,9 izan ziren, Gipuzkoan %62,5 eta Bizkaian %67,6.

2004ko hirugarren hiruhileko horretako 3.360 ezkontzetan, bizilekua Euskal Autonomia Erkidegoan duten 3.228 gizonezko eta 3.309 emakumezko ezkondu ziren. Horietatik 3.047 senarrentzat (%94,4), lehen ezkontza izan zen; 17 alargun eta 164 dibortziatu, aldiz, berriro ezkondu ziren. Lehen ezkontza zuten emakumeen ehunekoa eta gizonezkoena antzekoak izan ziren: aurretik ezkongabeak ziren emakumeak 3.126 (%94,5) izan ziren; alargunak, 18; eta dibortziatuak, 165.

Ezkontideek eztei-egunean zuten adinari erreparatuta, senarren artean, %65ek 30 urtetik gora zituzten; emazteen artean, berriz, %45,3k.