2005eko kontabilitate ekitaldian, Euskal Autonomia Erkidegoko industri sektoreak %4,4ko hazkunde erreala izan zuen aurreko urtearen aldean, EUSTATen datuen arabera. Aurreko urtean lortutako erregistroak gainditzen dituen segidako hirugarren urtea dugu hau. Beraz, 2002az geroztik azelerazio profila dagoela ikusten da, urte horretan inflexio-puntua jazo baitzen, %1,2ko tasarekin. Hurrengo urtean, 2003an, industri jardueraren hazkundea %2,9ra iritsi zen, eta 2005ean aurreko mailak gainditu zituen, %4,4ko hazkundearekin.

Estatuarekin erkatuta, euskal industriaren ibilbidea espainiarraren gainetik egon da azken lau ekitaldietan, 2005ean espainiarraren hazkundea lau puntu baino gehiagotan gaindituz: %4,4ko hazkundea Euskal Autonomia Erkidegoko industrian eta %0,3koa estatuan.

2005ean, okupatutako enplegua (lanpostuak alegia) %0,9 jaitsi zen Euskal Autonomia Erkidegoko industrian, 2004ko ekitaldiarekin alderatuta; 249.000 pertsona ingurura iritsi da.

Industriako balio erantsiaren bilakaera. Kateatutako bolumen-indizea. 1996-2005(a)

(a): Aurrerapena

Iturria: Eustat

Industriaren hazkundea Araban izan da handien. 2005ean, Arabako hazkunde-tasa %5,4 izan da, batez bestekoa baino puntu bat handiagoa alegia. Bizkaiko urteko hazkundea %5,0 izan zen, erkidegoko batez bestekoa baino altuagoa beraz (puntu erdi baino gehixeago). Gipuzkoako industria, ordea, puntu bat eta bi dezima azpitik geratu zen (%3,2).

Sektoreen ikuspegitik, industri jarduneko adar batzuen eta besteen artean ezberdintasunak daude. Metalezko materialak eta metalezkoak ez diren materialak (%21,3) baztertuko ditugu, euskal industriaren egituran pisu erlatibo txikia dutelako. Material elektrikoaren adarrak izan du hazkunde-tasarik handiena: %13,1. Haren atzetik, energia elektrikoa, gasa eta ura doaz, urtean %11,4ko erritmoan hazten ari direnak. Gure industriaren egitura pisu handia duten zenbait azpisektorek, hala nola, Garraioko materiala, Makineria eta Kautxua eta plastikoa, %6,9, %4,3 eta %4,8ko goranzko bilakaera dute, hurrenez hurren. Industria kimikoa (%8,7) eta Papera, edizioa eta grafikoak (%4,6) sektoreek emaitza onak izan dituzte balio erantsiaren sorreran, 2005ean. Metalurgia eta metalezko artikuluen adarra industriako balio erantsiaren %31,0 da. Hazkunde txikiagoa izan du ordea: %0,7.

Hiru azpisektorek soilik izan dute emaitza negatiboa euren balio erantsiaren bilakaeran: Larruaren eta oinetakoen industria (-%1,2), Petrolioa errefinatzea (-%3,2) eta Ehungintza eta jantzigintza (-%12,0).

Industri balio erantsi gordinaren bilakaera. Kateatutako bolumen-indizeen hazkunde-tasak eta prezio arruntak. Mila eurotan

(a): Aurrerapena

Iturria: Eustat