EUSTATen datuen arabera, 2006ko hirugarren hiruhilekoan 4.214 pertsona hil ziren, aurreko urteko aldi berean baino %8,8 gehiago. Lurraldeka, Araban 486 pertsona hil ziren, Bizkaian 2.404 eta Gipuzkoan 1.324.

Heriotza eragin zuen arrazoi nagusiena tumoreak izan ziren, 1.362 pertsona hil ziren tumoreengatik (%32,3); heriotzaren bigarren arrazoia zirkulazio-sistemako gaixotasunak izan ziren, hauek 1.139 heriotza eragin baitzituzten (%27). Hirugarren arrazoia arnas gaixotasunak izan ziren, 357 pertsona hil zirelako arrazoi horrengatik (%8,5).

Sexuaren arabera, heriotzaren eragileak ezberdinak izan ziren. Gizonen artean, tumore baten ondorioz hildakoak zirkulazio-sistemako arazoren baten ondorioz hildakoak baino gehiago izan

ziren; emakumeen artean, ordea, heriotza gehien eragin zuten gaixotasunak kardiobaskularrak izan ziren eta bigarren gaixotasunak tumoreak. Arnas sistemako gaixotasunak bi sexuen artean heriotzaren hirugarren arrazoi moduan mantentzen dira.

2006. urteko hirugarren hiruhileko honetan, heriotzen artean urte bat bete ez zuten 10 ume hil ziren; 6 mutil eta 4 neska.

2006ko hirugarren hiruhilekoko hazkunde begetatiboa positiboa izan zen, 809 pertsona gehiago izan zirelako. Hiru lurraldeetan eman ziren saldo positiboak: Araban 245 biztanle gehiago izan zen, Bizkaian 106 eta Gipuzkoan 458.

1. taula: Euskal AEko heriotzak sexuka, heriotza-kausaren arabera. Hiruhilekoen alderaketa.

Iturria: EUSTAT