2006ko laugarren hiruhilekoan, Euskal AEn 4.569 lagun hil ziren, iazko aldi berean baino %1,9 gehiago, EUSTATen datuen arabera. Lurraldez lurralde, Araban 577 lagun hil ziren, Bizkaian 2.568, eta Gipuzkoan 1.424.

Heriotzen behin-behineko datuen arabera, 2006an 17.897 lagun hil ziren; horietatik 9.444 gizonezkoak izan ziren eta 8.453 emakumezkoak. Aurreko urteko behin-behineko datuen aldean, 924 heriotza gutxiago izan ziren; %4,9ko jaitsiera.

2006an izandako heriotzetatik %30,5 (5.451) tumoreek eragin zituzten. Jarraian zirkulazio sistemaren gaixotasunak datoz, %29,6 (5.340); eta hirugarrenik, urrunago, arnas aparatuko gaixotasunak, heriotzen %9,4 eragin baitzituzten (1.690).

Heriotzen kausak ez ziren berdinak izan sexu batean eta bestean: gizonezkoen artean, tumoreak hilgarriago gertatu ziren zirkulazio-aparatuko gaixotasunak baino, 10 ehunekotan; emakumezkoen artean, berriz, heriotza-kausa nagusia gaixotasun kardiobaskularrak izan ziren, eta tumoreak bigarren, alde berdinez.

2006an gertatutako heriotzen artean, 49 heriotza urtebetetik beheragoko haurrenak izan ziren: 17 mutiko eta 32 neskato. Bestalde, 100 urte edo gehiagoko 126 pertsona hil ziren; 25 gizon eta 101 emakume.

2006ko behin-behineko datuekin, jaiotzak 1.966 gehiago izan dira heriotzak baino; beraz, Euskal AEko hazkunde begetatiboak joera positiboa du nabarmen. Araban eta Gipuzkoan hazkunde begetatiboak 728 eta 1220 izan ziren hurrenez hurren. Nabarmentzekoa da Bizkaian, 19 jaiotza gehiago heriotzak baino bakarrik izan badira ere, ez zegoela joera positiborik 1989tik.

1. taula: Euskal AEko heriotzak sexuka, heriotza-kausaren arabera. Hiruhilekoen alderaketa.

Iturria: EUSTAT