Eustaten datuen arabera, hiru eskualdetan –hiriburuetan eta beren inguruetan- sortu zen Euskal AEko industri aberastasunaren erdia baino gehiago (%51,8). Industri balio erantsiaren %27,0 Bilbo Handian sortu zen; ondoren Arabako Lautada (Vitoria-Gasteiz) dator, %13,2, eta gero Donostialdea, %11,6. Hiruren artean 118.542 pertsona enplegatzen zituzten industrian; alegia, hiru herrialde historikoetan industriaren sektorean okupatutako pertsonen %47,5.

Jarraian, Euskal AEn industri balio erantsiagatik lau eta bosgarren, Durangaldea (%7,8) eta Deba Goiena (%7,0) datoz; bien artean 41.784 industri enplegu osatuz.

Herrialdeka, Arabak Euskal AEk sortutako aberastasunaren %21,1 ekarri zuen; portzentaje hau ekonomiari, bere osotasunean, ekartzen dionaren -%16,9- gainetik dago. Horrek esan nahi du industriaren pisua handiagoa dela gainerako jarduera ekonomiko guztiena baino. Arabako Lautadan (Vitoria-Gasteiz) sortzen da Arabako balio erantsiaren %62,4; Arabako Errioxarekin (%11,3) eta Kantauri arabarrarekin (%14,1), Arabako industri guztirakoaren %87,8 osatzen dute

Gipuzkoako industriak hiru herrialdeetako balio erantsiaren %36,8 ekarri zuen; ekarpen ekonomikoa %32,3 izan zen. Gipuzkoaren barnean horrela sortu zen industri balio erantsia: Donostialdeak %31,6; Goierrik %15,6; Deba Goienak 19,1, eta Urola Kostak %12; lauren artean herrialdeko %78,3.

Bizkaiak Euskal AEko industri balio erantsiaren %42,1 ekarri zuen; ekonomiari, bere osotasunean, %50,8 ekarri zion. Industriaren pisu erlatiboa zortzi puntu eta zazpi hamarren gutxiago izan zen lau sektore ekonomikoen multzoarena baino. Bilbo Handiak Bizkaiko industriaren balio erantsiaren %64,1 ekarri zuen; Durangaldearekin batera %82,7.

2003-2005 biurtekoan industri hazkunderik handienak Goierrin, Arabako Errioxan eta Bilbo Handian izan ziren.

Industri balio erantsiaren hazkunde nominala %17,5 izan da 2003-2005 biurtekoan. Bederatzi eskualdek hori baino hazkunde tasa handiagoa izan dute: Arabako guztiak, Mendialdea izan ezik: Arabako Ibarrak, Errioxa, Gorbeia Inguruak eta Kantauri arabarra. Bizkaiko bi eskualde, Bilbo Handia eta Durangaldea. Bi Gipuzkoako, Donostialdea eta Bidasoa Behea.

2003-2005 biurtekoan industri hazkunderik handiena Araban izan da, %20,2; Bizkaia gertu ibili da, %19,2; Gipuzkoa, %14,1 Euskal AEko industri hazkunde batez bestekotik hiru puntu eta lau hamarrenera geratu da.

Industriako langile okupatuak eta balio erantsia faktoreen kostuetan, eskualdeka. 2003-2005. Euroak milakotan.

Iturria: Eustat.

Balio Erantsi Gordinaren hazkundea faktoreen kostuetan, eskualdeka. 2003-2005 biurtekoa (%)

Iturria: Eustat.